දෙවන එලිසබෙත් රැජිණ

ඇය වාසය කරනුයේ එක්සත් රාජධානිය තුළයි. ඇය සතුව තිබූ පැරණි රාජධානිය ඇයගේ මුතුන් මිත්තන් විසින් පාලනය කරන ලද, දේශයන් වලින්ද සමන්විත විය. ඇගේ පියාවූ හයවන ජෝර්ජ් රජු 1952 පෙබරවාරි මස මියයාමෙන් පසු ඇය සිහසුනට පත්වුවාය.

දෙවන එලිසබෙත් රැජිණ
දෙවන එලිසබෙත් රැජිණ (1959 මාර්තු)
එක්සත් රාජධානියේ සහ පොදුරාජ්‍ය මණ්ඩලීය රාජ්‍යයන්හි රැජිණ කැනඩාව 1952–2022 ඕස්ට්‍රේලියාව 1952–2022 නවසීලන්තය 1952–2022 දකුණු අප්‍රිකාව 1952–1961 පකිස්ථානය 1952–1956 ලංකාව 1952–1972 ඝානාව 1957–1960 නයිජීරියාව 1960–1963 සියෙරා ලියෝන් 1961–1971 ටැන්ගානිකා 1961–1962 ජැමෙයිකාව 1962–2022 ට්‍රිනිඩෑඩ් සහ ටොබැගෝ 1962–1976 උගන්ඩාව 1962–1963 කෙන්යාව 1963–1964 මලාවි 1964–1966 මෝල්ටාව 1964–1974 ගැම්බියාව 1965–1970 ගයනාව 1966–1970 බාබඩෝස් 1966–2021 මොරිෂස් 1968–1992 ෆීජි 1970–1987 බහමාස් 1973–2022 ග්‍රෙනඩාව 1974–2022 පපුවා නවගිනියාව 1975–2022 සොලමන් දුපත් 1978–2022 ටුවාලු 1978–2022 ශාන්ත ලුසියා 1979–2022 ශාන්ත වින්සන්ට් සහ ග්‍රෙනඩින්ස් 1979–2022 බෙලීස් 1981–2022 ඇන්ටිගුවා සහ බාබුඩා 1981–2022 ශාන්ත කිට්ස් සහ නෙවිස් 1983–2022
රාජ්‍ය සමය	6 පෙබරවාරි 1952 – 8 සැප්තැම්බර් 2022
අභිෂේකය	1953 ජුනි 2
පූර්වප්‍රාප්තිකයා	හයවන ජෝර්ජ් රජ
අනුප්‍රාප්තිකයා	තෙවන චාල්ස් රජ
අග්‍රාමාත්‍යවරු	අග්‍රාමාත්‍ය ලැයිස්තුව බලන්න
උපත	21 අප්‍රේල් 1926(1926-04-21) මෙෆෙයාර්, ලන්ඩන්, එක්සත් රාජධානිය
මරණය	8 සැප්තැම්බර් 2022 (වයස 96) බැල්මොරල් මාලිගාව, ඇබර්ඩීන්ෂයර්, එක්සත් රාජධානිය
වල්ලභයා	ෆිලිප් කුමාරයා, එඩිංබරෝ ආදිපාදවරයා (වි. 1947–2021);
දරුවන් Detail	තුන්වන චාල්ස් රජතුමා ඈන් කුමරිය ඇන්ඩෘ කුමරු එඩ්වඩ් කුමරු
සම්පූර්ණ නාමය එළිසබෙත් ඇලෙක්සැන්ඩ්‍රා මේරි
වංශය	වින්ඩ්සර් රාජ වංශය
පියා	හයවන ජෝර්ජ් රජ
මව	එලිසබෙත් මව් රැජින
ආගම	එංගලන්ත සභාව ස්කොට්ලන්ත සභාව
අත්සන

එක්සත් රාජධනියට අමතරව ඇය කැනඩාව, ඕස්ට්‍රේලියාව, නවසීලන්තය, ජැ‍මෙයිකාව, බර්බඩෝසය, ග්‍රෙනාඩාව, පැපුවා නිව්ගිනියාව, සොලමන් දූපත්, තුවාලූ, ශාන්ත ලුසියා, ශාන්ත වින්ස්ටන් සහ ‍ග්‍රෙනඩ්න්ස්, ඇන්විගුවා සහ බාබුවා, බෙලිසය සහ ශාන්ත කෙට්ස් සහ හෙවිස් යන රටවලද රැජිණ ලෙස කටයුතු කරයි. එම සෑම රටකම අග්‍රාණ්ඩුකාර තනතුර දරනු ලබන්නේ ඇයගේ නියෝජිතයෙකු විසිනි.

මෙම රටවල් 16 පොදු රාජ්‍ය මණ්ඩලීය රාජධානි ලෙස හඳුන්වයි. ඔවුන් සමඟ සම්බන්ධ වූ අනෙකුත් රාජ්‍යවල ජනගහනය මිලියන 129 ඉක්මවයි.

න්‍යායාත්මකව ඇයගේ බලය අති විශාලය. නමුත් ප්‍රායෝගිකව ඇය දේශපාලනමය කටයුතු සඳහා මැදිහත් වන්නේ කලාතුරකිනි. එක්සත් රාජධානිය තුළදී නම් ඇය තම රජයේ අමාත්‍යවරුන් සමඟ විවිධ සම්බන්ධතා මඟින් රටෙහි අභ්‍යන්තර කටයුතු වලට දායක වෙයි. II වන එළිසබෙත් රැජිණ වෙනත් තනතුරු රැසක් ද දරනු ලබන්නීය. ඒවා නම් පොදුරාජ්‍ය මණ්ඩලයේ ප්‍රධානියා, එංගලන්ත දේවස්ථානවල ප්‍රධානියා, නොමැන්ඩ් හි සිටුවර, මෑන්හි ප්‍රධානියා, ‍ ෆිජිහි ප්‍රධානියා යන ඒවාය.

ඇයගේ සුවිශාල රාජ්‍යයේ විශාල වෙනස්කම් අද වනවිට සිදුවෙමින් පවතී. එනම් බොහෝ රාජ්‍යයන් අද බ්‍රිතාන්‍ය පරිපාලනයෙන් අත්මිදී ස්වාධීනව කටයුතු කිරීමට උත්සාහ දරති.

1947 එළිසබෙත් රැජිණ පිලිප් කුමරු සමඟ විවාහ වුවාය. ඔහු උපත ලැබුවේ ග්‍රීසියේ සහ ඩෙන්මාකයේ පිලිප් කුමරු ලෙස වුවද, ජාති ප්‍රවේශනයෙන් පසු ඔහු පිලිප් මවුන්ට්බැටන් සහ එඩින්බරෝහි ආදිපාද යන නම් වලින් හඳුන්වනු ලැබීය. වර්තමානය වනවිට මෙම දෙපළට දාව දරුවන් හතර දෙනකු සහ මුණුපුරන් අටදෙනකු ඇත. අටවැන්නාවූ ජේම්ස්, සෙවර්න් හි විස්කවුන්ට්වරයා උපත ලැබුවේ 2007 දෙසැම්බර් 17, එඩ්වඩ් කුමරු සහ සොෆී කුමරියට දාවය.

1926 වසරේ අප්‍රේල් 21 වනදා උපත ලැබූ එළිසබෙත් කුමරිය (දෙවන එලිසබෙත් රැජින) ගේ සම්පූර්ණ නම එළිසබෙත් ඇලෙක්සැන්ඩ්‍රා මේරී ය. ඇයගේ මාපියන් වන්නේ vi ජෝර්ජ් රජු හා එළිසබෙත් කුමරියයි. රැජිනගේ පියා වන vi ජෝර්ජ් රජු, v ජෝර්ජ් රජුගේත් මේරී කුමරියගේත් දෙවන පුතු යි. රැජිනට එළිසබෙත් යන නම හිමිවූයේ තම මව වන එළිසබෙත් කුමරියගෙන් වන අතර ඇලෙක්සැන්ඩ්‍රා නම් ලැබුවේ තම සීයා වන v ජෝර්ජ් රජුගේ මවගෙනි. මේරි යන නම රැජිනට ලැබුණේ තම තම පියා වන vi ජෝර්ජ් රජුගේ මවගෙනි.

කිතුනු ආගමට අනුව එළිසබෙත් රැජින බෞතීස්ම කරනු ලැබුවේ ඇයගේ උපතින් දින 37කට පසු එනම්, 1926 මැයි 29 වන දින බකිංහැම් මාලිගාවේ දීය. දෙවැනි එළිසබෙත් රැජින බෞතීස්ම කරනු ලැබුවේ යෝර්ක්හි ඇන්ග්ලිකානු අගරදගුරු කොස්මෝ හෙරඩ්න් ලෑන්ග් විසිනි.

රැජිනගේ ළමාවිය

දෙවෙනි එළිසබෙත් රැජිනගේ එකම නැඟණිය මාග්‍රට් රෝස් කුමරියයි. ඇය උපන්නේ 1930 අගොස්තු 21 දායි. එළිසබෙත් හා මාග්‍රට් කුමරියන් දෙදෙනාම අධ්‍යාපනය හැදෑරුවේ තම මවගේ අධික්ෂණය යටතේ ගෙන්වනු ලැබු හසල දැනුමක් සහිත ගුරුවරුන්ගෙනි. භාෂාව, ඉතිහාසය, සංගීතය හා සාහිත්‍ය ඔවුන් ඉගෙනගත් විෂයන් විය. මෙදෙදෙනා අතරින් සතුන්ට වඩාත් ආදරය දක්වා ඇත්තේ එළිසබෙත් කුමරියයි. ඇයගේ ප්‍රියතම සුරතලුන් වුයේ අශ්වයන් හා සුනඛයන්ට. කුඩා එළිසබෙත් ඉතාම විනෝදකාමී සංවේදී මෙන්ම මනා හැදීයාවෙන් යුතු වුවාය. කුඩා එළිසබෙත්ගේ සුරතල් නාමය වුයේ “ලිලිබෙට්”ය. ඊට හේතු වුයේ එළිසබෙත් යන්න උච්චාරණයේදී ඇය අතින් සිදුවු වරදකි. මේ අනුව රජ පවුලේ සාමාජිකයන් සැවොම ඇය ඇමතුවේ ලිලිබෙට් යනුවෙනි. The Little princesses’ කෘතියේ එළිසබෙත් ගේ තොරතුරු රැසක්ම ඇතුළත්වේ.

.දෙවන එලිසබෙත් මහ රැජින 2022 වසරේ සැප්තැම්බර් මස 08 වන බ්‍රහස්පතින්දා වයස අවුරුදු 96 ක් ව තිබියදී ලොවෙන් සමුගත් අතර ඇගේ පුත් චාල්ස් කුමරු, තෙවන චාල්ස් රජු ලෙස අභිෂේක කරන ලදී