Elizabeth Ii Wa Uingereza

Alikuwa malkia kwa miaka 70 na siku 214. Katika historia yote ya dunia wako watawala wachache waliodumu madarakani muda mrefu kuliko yeye. Soma zaidi wasifu wake hapa Anafuatwa na mwana wake wa kwanza, Charles III wa Uingereza.

Elizabeth Alexandra Mary
malkia wa Ufalme wa Muungano wa Britania (Uingereza, Welisi, Uskoti) pamoja na Ireland Kaskazini
Tarehe ya kuzaliwa	21 Aprili 1926
Mahali pa kuzaliwa	Mayfair, Uingereza Ufalme wa Muungano
Tarehe ya kifo	8 Septemba 2022 (umri 96)

Alizaliwa kwa jina la Elizabeth Alexandra Mary Windsor mjini London tarehe 21 Aprili 1926 kama mtoto wa kwanza wa mfalme George VI wa Uingereza na Elizabeth Bowes-Lyon.

Alitangazwa kuwa malkia tarehe 6 Februari 1952 mara moja baada ya kifo cha baba yake George VI. Wakati ule alikuwa akitembelea Kenya iliyokuwa bado koloni la Uingereza akatembelea milima ya Aberdare.

Alipokea taji katika ibada rasmi tarehe 2 Juni 1953 kwenye kanisa la Westminster Abbey.

Kama mkuu wa Jumuiya ya Madola alikuwa pia mkuu wa dola wa nchi zifuatazo ndani ya jumuiya hii:

• Malkia wa Antigua na Barbuda
• Malkia wa Australia
• Malkia wa Bahamas
• Malkia wa Belize
• Malkia wa Kanada
• Malkia wa Grenada
• Malkia wa Jamaika
• Malkia wa New Zealand
• Malkia wa Papua Guinea Mpya
• Malkia wa Saint Kitts na Nevis
• Malkia wa Saint Lucia
• Malkia wa Saint Vincent na Grenadini
• Malkia wa Visiwa vya Solomon
• Malkia wa Tuvalu
• Malkia wa Ufalme wa Muungano wa Britania na Eire ya Kaskazini

Katika nchi zote aliposhika cheo hakuwa na mamlaka ya kiserikali ila alitawala kama mfalme wa kikatiba katika muundo wa serikali ya kibunge.