Transkaokazia
I Transkaokazia na Kaokazy Atsimo dia faritra ara-jeôgrafia ao amin' ny tapany atsimon' i Kaokazy, ahitana an' i Jeôrjia sy i Armenia ary i Azerbaijana.
Mamaritra azy avy ao avaratra i Siskaokazia na Kaokazy Avaratra (fitambarana repoblika ara-poko ao amin' ny Federasiônan' i Rosia ankehitriny), ny mpifanolo-bodirindrina aminy ao atsimo dia i Torkia sy i Iràna, ary manamorona azy ao andrefana ny Ranomasina Mainty ary ao atsinanana ny Ranomasina Kaspiana.
Nanomboka tamin' ny faran' ny taompolo 1980, ity faritra ity dia nitrangan' ny fifandonana teo amin' ny samy foko, indrindra fa tao amin' ny ôblasta mizaka tenan' i Karabaga Ambony teo amin' ny Armeniana sy ny Azery na Azerbaijaney, ary tany Abkazia sy i Ôsetia Atsimo (repoblika roa mpisara-bazana amin' i Jeôrjia, izay ahitana ny tafika rosiana, indrindra tamin' ny taona 2008).
Ny fanjakana ao Transkaokazia dia manakaiky kokoa ny Vondrona Eorôpeana tamin' ny nanatevenany ny Filankevitr' i Eorôpa tany am-piandohan' ny taompolo 2000. Tamin' ny taona 2005 ny Filankevitry ny Vondrona Eorôpeana dia nanapa-kevitra fa ilaina ny mampiditra azy ireo farafaharatsiny ao amin' ny Pôlitika Eorôpeana momba ny mpifanolo-bodirindrina.
This article uses material from the Wikipedia Malagasy article Transkaokazia, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Mitondra ny lisansa CC BY-SA 4.0 ny votoatiny raha tsy misy zava-kafa ambara. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Malagasy (DUHOCTRUNGQUOC.VN) is an independent company and has no affiliation with Wiki Foundation.