Ny tarehin-tsoratra arabo dia lamim-panoratana tsy ahitana afa-tsy renisoratra, natao hanoratana ny fiteny arabo sy fiteny hafa koa, ka soratana avy ankavana miankavia.
Ny abidy arabo no tena fantatra mampiasa ny tarehin-tsoratra arabo nefa maro koa ireo fiteny mampiasa ny tarehin-tsoratra arabo.
Tsy misy zanatsoratra hanoratana ny zanapeo izy fa mari-tsoratra sahalahala amin'ny teboka na faingo apetraka eo ambony na ambany na aloha na aorian'ny renisoratra hisolo ny zanatsoratra.
Nanomboka tamin'ny fielezan'ny finoana silamo dia maro ireo fiteny ankoatry ny arabo izay soratana tamin'ireo tarehin-tsoratra arabo ireo. Izy ireo no anoratana ny fiteny indo-eoropeana toy ny fiteny persana, ny fiteny kashmiry, ny fiteny sindy, ny fiteny ordoa ary ny fiteny korda. Ampiasaina ao Sina koa ireo tarehin-tsoratra ireo, indrindra ao amin'ny faritanin'i Xinjiang sy Gansu ary Ningxia, ary amin'ny mponina vitsy anisa izay nandray ny fivavahana silamo (izany no atao hoe "xiao'erjing"). Taloha dia nenti-nanoratra ny fiteny sasany ao Afrika ny tarehin-tsoratra arabo, dia ny fiteny soahily, ny fiteny haosa, ny fiteny oôlôfo ary ny fiteny somaly) ary koa nanoratana ny fiteny torka hatramin'ny taona 1928. Avy amin'ny tarehin-tsoratra arabo ihany koa ny sorabe izay rafi-panoratana ny teny malagasy voalohany.
This article uses material from the Wikipedia Malagasy article Tarehin-tsoratra arabo, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Mitondra ny lisansa CC BY-SA 4.0 ny votoatiny raha tsy misy zava-kafa ambara. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Malagasy (DUHOCTRUNGQUOC.VN) is an independent company and has no affiliation with Wiki Foundation.