Kaokazy

Amin' ny teny rosiana dia atao hoe Кавказ / Kavkaz i Kaokazy, amin' ny teny jeorjiana dia atao hoe კავკასია / Kawkasia, amin' ny teny armeniana dia atao hoe Կովկաս / Kovkas, amin' ny teny azerbaijaney dia atao hoe Qafqaz, amin' ny teny torka dia atao hoe Kafkas, amin'ny teny persana dia atao hoe قفقاز‎ / Qafqāz.

Mizara roa i Kaokazy ka ny iray atao hoe Kaokazy Atsimo na Transkaokazia, izay mahafaoka an' i Jeorjia, i Armenia, i Azerbaijàna ary ny faritr' i Kars any Torkia, ny faharoa atao hoe Kaokazy Avaratra na Siskaokazia, izay ao Rosia (mahafaoka ny Repoblikan' i Karatsaievô-Tserkesia, ny Repoblikan' i Kabardinô-Balkaria, ny Repoblikan' i Ôsetia Avaratra, ny Repoblikan'i Ingosia, ny Repoblikan' i Tsetsenia ary ny Repoblikan' i Dagestàna). Amin' ny lafiny fitantanana dia mahafaoka ny Repoblikan' i Adigea sy ny Krain' i Stavrôpôly ary ny Krain' i Krasnôdara i Kaokazy Avaratra na Siskaokazia.

Ara-jeôgrafia, araka ny efa mahazatra dia heverina fa i Kaokazy no manasaraka an' i Eorôpa ao avaratra amin' i Azia ao atsimo, nefa ny jeôgrafian' i Jeôrjia sy ny an' i Armenia dia manao azy ho faritra eorôpeana ka mametraka ny sisin' i Eorôpa ao Araksa sy amin' ny sisin-tany tiorka. Raha heverina ho eorôpeana i Kaokazy dia izy no tangoron-tendrombohitra avo indrindra ao Eorôpa.

Ireo faritra ara-dafintany ao Azia

• Azia Atsimo
• Azia Atsimo-Atsinanana
• Azia Afovoany
• Azia Andrefana

• Azia Atsinanana
• Azia Avaratra
• Afovoany Atsinanana
• Atsinanana Akaiky
• Atsinanana Indrindra

Fizaràm-paritra hafa ao Azia

• Masreka
• Zana-kontinentan'i India
• Siberia
• India Atsinanana
• Indôsina
• Ampahatsinanana
• Tsinam-bolana lonaka
• Saikanosin'i Arabia
• Kaokazy
• Anatôlia

• Eorazia