Saka: Biby tamana

Anisan' ny biby mipetraka ao an-tranon' olona izy ary misy karazana dimampolo fantatry ny sehatra fanaovana fanamarinana.

Ny voalavo sy biby mikiky no sakafony. Afaka mamoaka feo maromaro ny saka, na dia mifandray amin' ny alalan' ny endri-tarehy sy ny ferômôna aza izy.

Araka ny valin' ny asa natao tamin' ny 2006 sy 2007, zana-karazana Felis silvestris ny saka mipetraka an-tranon' olona ankehitriny, ary nivoatra izy 130 000 taona teny aoriana. Efa 8 000 - 10 000 taona lasa izany ny saka no nataon' ny olona biby fiompy.

Tahaka ny mpinan-daoka, manao "carnassière" ny vazamasay farany sy ny vazana. Izy ireo Ilain'ny saka mba handrovitra sy hanongotra ny nofo, ny hozatra matanjaka mifototra eo amin'ny karan-dohany mahafaka azy manatelona ny sakafo avy hatrany. Miampy amin'izany koa ny tonontaolana mafy tsy afahany mitsako mivilana (tsy malefaka ny valanoranony). Taolana daholo ny taolana hiôida, tsy afahan'ny saka manerona ilay taolana hiôida.

• "Mivarotra saka be loha": manao laza masaka, mampitombo resaka, mandrebireby...
• "Saka matory no alaim-bolombava": mila ady, mitady loza ho an'ny tena...
• "Saka dia bory rambo": "teny ratsy" tsy dia masiaka loatra entina maneho fahasorenana.
• "Saka manatody": zavatra tsy misy ary tsy hisy

"Aza manao toy ny saka manafin-koho"
"Ny kary no manao ny ataony ka ny saka no voatapa-drambo"
"Aza manao toa ny voalavo sasatry ny miaina ka saka matory no alàm-bolom-bava"
"Tsy matoky saka aho fa trondro no laoka"