Kocèng èsebbhut jhughân kocèng domestik otabâ kocèng roma (nyama ilmiah: Felis silvestris catus otabâ Felis catus) iyâ jarèya sajennis mamalia karnivora ḍâri kaluwarga Felidae.
Oca’ “kocèng” biasana noddhu ka “kocèng” sè la ampon èpanotot, tapè bisa jhughân noddhu ka “kocèng raja” akadi’ singa bân harimau sè jhughân tamaso’ jennis kocèng.
Kocèng ampon acampo sareng ka’oḍi’ân manossa palèng enjâ’ molaèn 5.000 taon SM, kalabân ètemmona kerangka kocèng è Pulau Siprus. Molaèn jhâman 3.500 SM, orèng Mesir Kuno ampon aghuna’aghi kocèng ghâbây nyeggha tèkos otabâ kèbân pengerat sè laènna ḍâri lombhung sè nyèmpen hasèl anyèh.
È bâkto rèya, kocèng arèya sala sèttong kèbân obuwân palèng populer è dhunnya. Kocèng sè ghâris katurunanna ècatet sacara resmi sebagai kocèng trah otabâ galur murni (pure breed), akadi’ persia, siam, manx, bân sphinx. Kocèng akaḍi’ rèya biasana dibiakkan è kennangan pamalihara’an kèbân resmi. Jumlana kocèng ras ghun coma 1% ḍari sakabbhina kocèng kampong. Kocèng jhughân jennis kèbân obuwân sè bânnya’ èkalèburè amarghâ tèngka lakona sè loco.
This article uses material from the Wikipedia Madhurâ article Kocèng, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Kontèn tasaḍiyâ è CC BY-SA 4.0 kajhâbhâ bâḍâ katrangan laèn. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Madhurâ (DUHOCTRUNGQUOC.VN) is an independent company and has no affiliation with Wiki Foundation.