Felis silvestris catus.
Takoniw kewir e oracwetc irikik ke iskwarik ke ici pa taciketc acitc nipara ntoho kitci ki mitcisotc. Micta sakitaw e nanosinehatc apikocica kirika mantcoca. Taw minoc aka wiskat ka orowitc taw kirika mocak orowitimik ka wi taciketc. Nama orina sakitaw nipiriw e takonik kekotc ma mekwata e micta kimionik. Mocak piekoho kecpin e kiskeritak kitci mitci kicikarik aspinikotc tca nokwatam opiwi oskat kirika osita. Itakiniw nicowasaw kata ki koski pimatisiw. Kecpin peikwaw e nipotc. Mictahi kackitaw e skwatowitc kirika micta ocpikwackotiw kaie kata ki minopariho kecpin e atcitinakaniwitc nikiska e pakicik. Micta sakitaw e metowetc.
Aci weckatc ki itawok minocak epomci itatcik iriniwok askik tapickotc kipe matisiwok micta picapiciw kirika weckatc awesisak minitok kaki pe icinkatakinitcik. Peikw ki itaw micta minoc peikon kaie naha minito ki icinkatakiniwon ekote tca epe otcitcik minocak. Mitceto pipona ki tacikowew iriniw anihi awesisa kitci niherimatc. Weckatc ki itermakiniwok minocak e kictapitisitcik osam kice manitowok eki kinowerimatcik kitci ki otcitacikemkotcik matcike kitci nanaktcitatc kice manitowok omikiamew aka kitci itartci mantcoca matci kaie apikocica.
This article uses material from the Wikipedia Atikamekw article Minoc, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Patoc karokitasonaniwon kata natcipatcikatek ohwe mawotosinihikanCC BY-SA 4.0 kekotc nama takatc e itasinatek. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Atikamekw (DUHOCTRUNGQUOC.VN) is an independent company and has no affiliation with Wiki Foundation.