Okara iyâ arèya rangkè'anna ca'-oca' sè aghânḍhu artè.
Neng è ḍâlem okara bâḍâ bâgiyân sè palèng parlo iyâ arèya jhejjher bân carètana. Jhejjher neng bhâsa Inḍonesia èkoca' subjek, dhinèng carètana neng bhâsa Inḍonesia èsebbhut predikat.
Cem-macemma okara bisa ètèngghu ḍâri pan-brâmpan paddhu pangabâsân, akadhi bâḍâ-enjâ'na jhejjer bân carètana, tojjhuwânna, bân kompolanna. È bâbâ rèya èjhârbâ'aghi cem-macemma okara è ḍâlem bhâsa Madhurâ.
Okara sè jhejjer bi' carètana paḍâ èsebbhut.
Conto:
Jhejjher | Carèta |
---|---|
Bu' Sati'a | ngakan |
Eppa' | mancèng |
Alè' | aghellâ' |
Okara sè sala sèttong jhejjher otabâ carètana ta' èsebbhut.
Conto:
Okara ta' samporna | Okara samporna |
---|---|
Mellè acan | Embhuk mellè acan |
Nabâng empè' | Ghuttè nabâng empè' |
Ajhâlân ka masèghit | Santrè ajhâlân ka masèghit |
Okara sè jhejjher otabâ carètana ta' èsebbhut, tapè jhejjher otabâ carètana sè ta' èsebbhut ghellâ' rèya kennèng èsarè neng è okara sabelluna otabâ samarèna.
Conto:
Okara rèngkes | Okara sè ghenna' | Jhejjher | Carèta |
---|---|---|---|
Karno | Karno nolès | Karno | nolès |
Ngènom | Sayuti | Sayuti | ngènom |
Nolès | Dulaswi | Dulaswi | nolès |
Sitti | Sitti ablânjhâ | Sitti | ablânjhâ |
Katerrangan:
Conto è attas tamaso’ contona okara rèngkes, mon èjhungaḍâ’i kalabân okara pètanya. Dhâddhi, jhejjher otabâ carètana sè ta’ èsebbhut ḍâlem okara rèngkes, bisa èghenna’è neng okara sè sabellunna.
This article uses material from the Wikipedia Madhurâ article Okara, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Kontèn tasaḍiyâ è CC BY-SA 4.0 kajhâbhâ bâḍâ katrangan laèn. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Madhurâ (DUHOCTRUNGQUOC.VN) is an independent company and has no affiliation with Wiki Foundation.