Arabesch: Semitesch Sprooch

De Begrëff bezeechent dat klassescht Arabesch aus dem 6. Joerhonnert (an deem spéider och de Koran geschriwwe gouf) an déi modern Sproochen, déi doraus entstane sinn (mat Ausnam vum Malteeseschen).

Arabesch (العربية)
Gëtt geschwat an:	Majoritéitssprooch an de Memberlänner vun der Arabescher Liga; Minoritéitssprooch an Eritrea, Ethiopien Iran, Israel, Kenia, Madagaskar, Mali, Mosambik, Niger, Senegal, Südsudan, Tierkei, Tschad
Regioun:	Afrika, Asien
Gëtt geschwat vun:	300 Milliounen
Klassifikatioun no Famill:	Afroasiatesch Sproochen Semitesch Sproochen Westsemitesch Sproochen Arabesch
Offizielle Status
Offiziell Sprooch vun:	Maghreb: Algerien Libyen Marokko Mauretanien Tunesien Demokratesch Arabesch Republik Sahara Maschrek: Egypten Irak Israel Jordanien Libanon Palestina Syrien Ost- an Nordostafrika: Dschibuti Eritrea Komoren Somalia Somaliland Sudan Tschad Arabesch Hallefinsel: Bahrain Jemen Katar Oman Saudiarabien Vereenegt Arabesch Emirater
Sproochcoden
ISO 639-1	ar
ISO 639-2	ara
ISO 639-3	ara

Héich-Arabesch oder ‏الفصحى‎ Fuṣḥā ass eng vun de sechs Aarbechtssprooche vun de Vereenten Natiounen. Arabesch gëtt vu ronn 206 Millioune Leit als Mammesprooch a vu 94 Millioune Leit als Zweet- oder Friemsprooch geschwat. Well se am reliéise Kontext vum Islam benotzt gëtt huet sech d'Arabescht zur Weltsprooch entwéckelt.

Héicharabesch, Modernt Standard-Arabesch genannt, ass déi eenzeg offiziell Form vum Arabeschen. Et gëtt an de meeschte geschriwwenen Dokumenter benotzt a bei formelle Geleeënheete geschwat (Virliesungen, Medien…). Marokkanescht Arabesch war eng Zäit laang a Marokko eng offiziell Sprooch, bis d'Land Member an der Arabescher Liga ginn ass.