لعربية: لوغة ساميّة

لعربية
النوع	لوغة، macrolanguage و لغة حية
تخدام
اللي كبرو بيها	295,000,000 (2010)
كايتهضر بيها ف	مصر، جزاير، سودان، لعيراق، لمغريب، ساعودية، ليمن، سوريا، تونس، صومال، تشاد، لإمارات، لؤردون، إريتيريا، ليبيا، لوبنان، دولة فلسطين، عومان، موريطانيا، لكويت، قطر، لبحرين، دجيبوتي، جزر لقومور، إسرائيل، جنوب سودان، مالي، نيجر، أفغانيستان، إيران، الصحرا الغربية، السلطة الوطنية الفلسطينية، سپانيا، كينيا، سينيڭال، طانزانيا، توركيا، أزيربيدجان، رومانيا و برطقيز
لخصائيص
لكتبة	كتابة عربية
لمؤسسة دلمعيارة	مجمع اللغة العربية بالقاهرة • مجمع اللغة العربية بدمشق • المجلس الأعلى للغة العربية بالجزائر • المجلس الدولي للغة العربية • مجمع اللغة العربية في حيفا • المجمع العلمي العراقي • مؤسسة بيت الحكمة • مجمع اللغة العربية الأردني
كاتقرّا ف	الدراسات العربية • علوم اللغة العربية • فقه اللغة العربية
النّيڤو دالضعف	(1) عادية
لفاميلة داللوغات
لوغة د بنادم لغات إفريقية آسيوية لغات سامية
لخاريطة
لكواض لي كايعرّفو اللوغة
إيزو 639-1	ar
إيزو 639-2	ara
إيزو 639-3	ara
ڭلوطولوڭ	arab1395
لينڭواسفير	12-AAC
إيطنولوڭ	ara

كتعتابر اللغة لعربية من لوغات لعالمية و كتشير الروايات لإسلامية بلي اول واحد تكلم لعربية هو نّبي سماعيل. و تطورات لعربية كثر ف لجزيرة لعربية بعدما بان لقرآن.

لعربية كان عندها تأتير كبير على ؤروپية لي ولّات دابا لوغات عالمية بحال نّݣليزية، لفرانساوية، صبليونية و لبرتغالية ؤ إفريقية بحال لأمازيغية ؤ لهاوسا ؤ سواحلية ؤ تجرية ؤ لأمهرية ؤ صومالية، و ف لوغات خرة بحال صقلية، وعاد تاني التركية ؤ لفارسية و لكردية و لأردية و لماليزية و لأندونيسية و لألبانية. لمالطية لي لوغة رسمية د مالطا ؤ وحدة من لوغات ليتيحاد لؤروپي، كاتّعتابر منحادرة من لعربية.

ولعربية عندها فضل كبير فتطوير لعلوم وتكنولوجيا لي حنا عليها دابا، بحكم لعلماء لمسلمين لي ساهموا ف نتشار لعربية بشكل كبير، بسباب لختراعات ديالهم لي تكتبات بلعربية، و لكتوب ديالهم بحال بن رشد و عباس بن فرناس. وساهمت بشكل كبير فمجال الطب و صيونص و لهندسة و لاداب و لفلك حيت بزاف ديال النجوم ب سميات عربية د عولاما د لفلك لمسلمين بحال الشريف لإدريسي لمغريبي.

و لعريية عندها بزاف ديال سّميات بحال "لغة لقرآن" "لغة الضاد".

كاينين بزاف ديال النقوش تكتاشفو مكتوبين ب لعربية قبل الاسلام بقرون كثيرة، ستخدموها لمماليك لعربية قبل لإسلام.

صنفوها لعولاما و لمؤرخين العالميين من أجمل لغات العالم بحكم جمالية قرايتها وكتباتها ؤ خطوطها من بينها الخط المغربي و لخط لأندالوسي لي مستخدم فقصور لأندالوس،

لأصل ديال لعربية هو شبه لجزيرة لعربية. ملي جا لإسلام تما, نتاشرات معاه لعربية حيث كانت هي اللغة ديال لقرآن و لحديث, وتعلموها الناس د بزاف د لبلايص ملًي كانو تيسلمو. دابا لعربية لغة رسمية ف 26 بلاد فلعالم, و هي وحدا من اللغات الرسمية الستة ديال لأمم لمتحدة.

لعربية فيها 28 حرف وتاتًكتب من ليمن لليصر, ومن لفوق للتحت.

ليوم لعالمي ديال اللغة لعربية على حساب لأمم لمتحدة هو نهار 18 دجنبر ديال كل عام.