De arabische Sproch (houcharabisch العربية, DMG al-ʿarabīya, Aussproch?/i, oder aa لغة الضاد, DMG luġat aḍ-ḍād, „d Sproch vom Ḍād“) is, wenn ma af d modeana Sprecherzoln u d Vabreitung schaugt, de greaßt semitische u de allergreaßa afroasiatische Sproch za gleichn Zeit, un aa oane vo de segs Amtssprochna vo da UNO.
A Arabisch wead schetzungsweis vo 320 Million Menschn ois Muadasproch gredd und vo weidan 60 Milliona ois a Zwoatsproch. Duach sei Roin ois a Sakral-, Kanzlei- u Kultursproch hod se s Arabische iwa d Zeit zer aner Wejtsprochn asgfiamt. In Middloita is s aa intanazional a Wissnschaftssproch gwen, u zen Toal iwa s Hebräisch i s Lateinisch iwasetzt woan. Mim Arabischn san, wia mim Deitschn, mearane grammatisch distinkte Sprochfurma gmoant, de woa relativ stoak miranand vawandt san; oiso ebs wos ma aa an Sprochzweig nenna kannt. De modeane arabisch Standardsproch is, wia s "Mittelarabisch", aus m klassischn Arabischn bakumma, vo da Sproch van Koran und da Dichtung, und untascheidd se relativ stoak vo de modeana arabischn Dialektt. Ner es Maltesisch hod se vom Hocharabischn emanzipirn kinna u steaht zen Maghribinischn a bissl wia s Zimbrisch zen Boarischn. Oa Untaschiid zwisch em Oithouchdeitsch un em klassischn Arabisch is, dah ma von Oithouchdeitsch meara wia blouß oan Dialekt gschrim hod; a ondana, daß s klassisch Arabisch fia d modeana Standardsproch von Arabischn oiwei nuh meara guit ois wia es Oithouchdeitsch fia s modeana Standarddeitsch.
Arabisch (العربية) | ||
---|---|---|
Gredd in | Egyptn, Algerien, Bahrain, Dschibuti, Eritrea, Irak, Israel, Jemen, Jordanien, Katar, Kuwait, Libanon, Libyen, Mali, Marokko, Mauretanien, Nigeria, Oman, Palästinensische Autonomiegebiete, Saudi-Arabien, Sudan, Sidsudan, Syrien, Tansania, Tschad, Tunesien, Tiakei, Vaoanigte Arabische Emirate und weidare Stootn | |
Sprecha | Geschetzd 320 Milliona Muadasprochla, 60 Milliona Zwoatsprochla | |
Linguistische Klassifikation |
| |
Amtlicha Status | ||
Amtssproch vo | Egyptn Egyptn Algerien Algerien Bahrain Bahrain Dschibuti Dschibuti Eritrea Eritrea Irak Irak Jemen Jemen Jordanien Jordanien Komoren Komoren Katar Katar Kuwait Kuwait Libanon Libanon Libyen Marokko Marokko Mauretanien Mauretanien Oman Oman Palastina Autonomiegebiete Palästinensische Autonomiegebiete Saudi-Arabien Saudi-Arabien Somalia Sudan Sudan Syrien Syrien Tschad Tschad Tunesien Tunesien Vereinigte Arabische Emirate Vereinigte Arabische Emirate Westsahara u Vaoante Nationa | |
Anakannte Mindaheitensproch in: | Israel Israel (Sondasproch) Iran Iran Tansania Tansania Gambia Gambia Ethiopien Ethiopien Tiakei Tiakei | |
Sprochcodes | ||
ISO 639-1: | ar | |
ISO 639-2: | ara | |
ISO 639-3: | ara |
Ois a Amtssproch guit s Arabisch af da ganzn Arabischn Hoibinsla – seit 2018 mid Asnam vo Israel -, z Egyptn, Sudan, un i ganz Noadafrika einschliaßle Mauretania. Feana is a Amtssproch af d Komorn, z Somalia, Eritrea, Dschibuti u Tschad, wo owa d mearan durtn koa Arabisch ned ois Muettasproch ned ren toan. In Israel hod s Arabisch in Nationalitätengsetz 2018 an Sondastatus kriagt. De Amtlich Sproch is generej es Modeana Houcharabisch.
Wei d Sproch fia aso vui Stootn guit u se de Dialekt u d Kontaktsprochn a recht untaschein, git s natiale aa i d da Standardsproch Untaschid i da Terminologie un i d Weata, a bisl aso wia de lexikalischn Untaschid ban estarreichischn, ban schweizarischn u ban bundesdeitschn Deitsch, z. B., daß ma bspw. vaschidne Moanetsnamma hod, blouß aweang meara hoit. In effentlicha Raum is in Mindlichn aso, daß assa in iwasetztn Sochn, in Pedagogischn, offizielln oda religjesn Kontext d Houchsproch enda seltn is. De ganzn Untahoitungsmedia wia d Seria, d Komedia un ondana Film san vo deastweng aa oisamt af Dialekt. U zwengs de ganzn Dialektprodukziona un Sendunga as Egyptn u Syria vastenga aa vui Arabisch-Sprecha 'vo ganz weit weg' an Kairena und an syrisch-arabischn Dialekt recht guat...
De gnennta Houchsproch stenga heit de neiarabischn Dialektt gengiwa, de wo ma i de oanzelna Regiona redt. De regionoje Glidarung vo d Dialekt is in ebba wia foigt:
De Eitoalung vo d Dialektt is owa aa a bisl a Kompromiß vo oana regionoin un oana meara historischn Glidarung, wia bspw. bei "pre-Hilalische Dialekt", wei de Dialektt in bstimte Regiona gwisse Gmoasamkeitn asgfiamt hom, z. B. hom de ganzn maghribinischn resp. westarabischn Dialektt in "Imperfekt" a n-Prefix i da 1.Sg. u hom a i da phonetischn Entwicklung u ban Wuatschatz aa vui Gmoasamkeitn. Historisch genga di westarabischn Dialekt owa af ganz vaschinane Eiwondarunga vo vaschinan arabischn Sprechagruppn zrugga. Da gnennta Konflikt i da Klassifikazion vo gleichzeite regionoja Gmoasomkeit u heterogena Zammasetzung zoagt si bsundas bei de aso ghoaßenen "Kolonialdialekt", wia den Maghrebinischn.
Mim Schreim von Dialekt is aa abisl vagleichboa wia ba ins; es git bspw. d foingadn arabische Dialekt-Wikipedias:
Iwablicksdoastellunga u Generells
Dialektiwablick
Grammatik
Lernbiacha
Weatabiacha
Dialektweatabiacha
Wiki | – de freie Enzyklopädie in arabischer Sprache | |
Wikiquote | – Zitadt in arabischer Sprache | |
Wiktionary | – des freie Weatabuach in arabischer Sprache | |
Wikibooks | – Lean- und Learmaterialien in arabischer Sprache | |
Wikisource | – Quäintext in arabischer Sprache | |
Wikinews | – Nochrichtn in arabischer Sprache | |
Wikiversity | – Forschungsprojekdt und wissenschoftlicha Austausch in arabischer Sprache |
This article uses material from the Wikipedia Boarisch article Arabische Sproch, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Der Inhalt ist verfügbar unter CC BY-SA 4.0, sofern nicht anders angegeben. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Boarisch (DUHOCTRUNGQUOC.VN) is an independent company and has no affiliation with Wiki Foundation.