جَرمَن زَبان

یێمؠ سٕنٛدؠ لَفٕظ چھِ ڈینِش، نورشک تہٕ سویٖڈِش ہِوؠ۔

جَرمَن چھُ دُنێا ہُنٛد اَہَم زَبانَن مَنٛز اَکھ تہٕ تَقریٖبَن ۱۰ کۄرور لوٗکھَن خٲطرٕ ماجہِ-زؠو تہٕ تَقریٖبَن ۱۳ کۄرور لوٗکھ چھِ جَرمَن سَمجان۔ یہِ چھُ یوٗروپی اِتِفاقَس مَنٛز سارِوٕے کھۄتہٕ زیٛادٕ بولنہٕ یِنہٕ وول زَبان۔

جَرمَن ہٕنٛد زیٛادٕتَر لَفٕظ تہٕ گرٛامَر چھِ پرٛون تھۆد جَرمَن تہٕ مَنٛز تھۆد جَرمَن پؠٹھٕ آمٕتؠ۔

جَدیٖد جَرمَن

جیکَب تہٕ وِلہَلم گرِٛم (گرِٛم بِرادَرَن) ٲسؠ جَرمَن أدیٖب یمَو اوس "ڈویٖشیس وورٛٹَربوٗخ" (Deutsches Wörterbuch) لیٖچھمٕژ۔ یہِ اوس اَکھ جَرمَن زَبان ہُنٛد لُغات یێمہِ پؠٹھٕ چھُ جَدیٖد جَرمَن آمُت۔ "ڈویٖشیس وورٛٹَربوٗخ" چھُ جَرمَن زَبانُک اَز تام تہِ سارِوٕے کھۄتہٕ بۄڈ لُغات۔

جَرمَن زَبانَس مَنٛز چھِ ژور حالَتھ(case) تہٕ ترےٚ جِنٕس(gender)۔

ناوٕتؠ

تِکیٛازِ جَرمَنَس مَنٛز چھِ ناوٕتؠ حالَتھ، جِنس تہٕ تیداد سٟتؠ بَدلان اَمِکِنؠ چھِ ناوٕتٕکؠ سؠٹھا روٗپؠ آسان۔

• ژور حالَتھ : آسَن حالَتھ، مَفعوالی حالَتھ، وَرگہٕ حالَتھ تہٕ مِلکیتی حالَتھ(جَرمَن: Nominativ(نۄامِناٹِف)، Akkusativ(آکوٗزاٹِف)، Dativ(ڈاٹِف)، Genitiv(جینِٹیٖف))

• ترٛےٚ جِنٕس : نَر(جَرمَن: Maskulinum)، مادٕ(جَرمَن:Femininum) تہٕ نٔتھؠ(جَرمَن:Neutrum)۔ جَرمَنَس مَنٛز پرؠتھ ناوتَس چھُ جِنٕس آسان۔ کٲشِر زَبانَس ہیُٛو چھُ یَتھ مَنٛز نَر تہٕ مادٕ، مَگَر جَرمَنَس مَنٛز چھُ اَکھ بیٛاکھ جِنس تہِ : نٔتھؠ۔

• زٕ تیداد : وٲحِد(Singular) تہٕ جَمَع(Plural)۔

مِشَلَن وُچھِو اَکھ جَرمَن ناوُت Apfel (تَلَفُظ: اَپفٔل، مَطلَب: ژوٗنٛٹھ)۔ یہِ چھُ اَکھ نَر ناوُت تہٕ وٲحِد روٗپ چھُ "Äpfel"۔

کرٛاوٕتؠ

جَرمَن کرٛاوتَن چھِ یِمَن چیٖزَن سٟتؠ لٔگؠ (inflections) لَگان:

• قٕسٕم : جَرمَن کرٛاوٕتؠ چھِ زٕ قٕسمٕکؠ آسان: weak (تَلَفُظ: ویٖک، مَطلَب: کَمزور) تہٕ strong (تَلَفُظ : سٹرٛۄانٛگ، مَطلَب: مَضبوٗت)۔
• تیداد : وٲحِد تہٕ جَمَع۔
• شخٕص : أکِم، دۆیِم تہٕ ترٛێیِم شخٕص۔
• کَتھ : سَکرٛیےٚ کَتھ (جَرمَن : Aktiv Genus، اَنٛگریٖزی : active voice) تہٕ نیٛشکرٛیێ کَتھ (جَرمَن : Passiv Genus، اَنٛگریٖزی : passive voice)
• کال : جَرمَن مَنٛز چھِ زٕ موٗل کال : اَز کال تہٕ پَتھ کال۔ باقیَن کرٛاوتَن سٟتؠ ہێکَن بێیہِ ژور کال آسِتھ۔