Lènga Tedesche

'U tedesche (^ⓘ; ['dɔʏtʃ]) ète 'na lènga indoeuropea appartenènde ad 'u rame occidendale de lle lènghe germaneche.

Tedesche Deutsch
Parlate in	Germanie, Austrie, Svizzere, Lussemburghe, Provinge autonome de Bolzano (Itaglie) Comunetate germanofone d'u Belge, Liechtenstein. Ète pure recanosciute cumme minoranze lènguisteche jindre otre statère europèe, mendre avène parlate da emigrande tedesche jindre assaje statère d'u munne (prevalentemènde jndr'â lle Americhe ed jindre alcune isole de ll'Oceanie) ed jindre ex possedimènde coloniale (Namibie Togo Tanzanie Camerun e jindre alcune isole d'u pacifeche). Parlate assaje pure jindre: Canada, Brasile, Russie. Jindre totte le scole de ll'obbleghe fine a lle prime doje anne de scole superiore jndr'â provinge de Trende (Itaglie), se iacchie l'obbleghe ccu studie 'u tedesche.
Locutori
Totale	110 miglione e quase 200 miglione (cumme otra lènga)
Classifeche	11
Otre 'nformazione
Scretture	Latine (d'apprìme pure Fraktur e Sütterlin)
Tipe	SVO flessive
Tassonomie
Filogenesi	Indoeuropee  Germaneche   Occidendale    Tedesche
Statute ufficiale
Ufficiale in	Aunìone europee  Germanie Austrie Svizzere  Liechtenstein Ìrte Adige/Südtirol (Itaglie) Bèlge Lussemburghe
Codece de classificazione
ISO 639-1	de
ISO 639-2	ger
ISO 639-3	deu (EN)
Glottolog	stan1295 (EN)
Estratte in lènga
Dichiarazione universale dei diritti umani, art. 1 Alle Menschen sind frei und gleich an Würde und Rechten geboren. Sie sind mit Vernunft und Gewissen begabt und sollen einander im Geiste der Brüderlichkeit begegnen.
Distribuzzione sciugrafeche d'u tedesche

Ète 'a lènga ccu 'u cchiù granne numere de parlande native de ll'Aunìone europèe, parlate cumme prime lènga e recanosciute cumme lènga ufficiale jndr'â Germanie, jndr'â ll'Austrie, jndr'ô Lussemburghe, jndr'ô Belge, jndr'ô Liechtenstein ed jndr'â Svizzere addò, specialmènde jndr'â vanne settendrionale, se parle 'na variande canosciute cumme svizzere tedesche.

A lle 'nderne d'u gruppe germaneche ète 'a lènga cchiù diffuse jndr'ô munne nnande a lle 'nglise.

Ce sonde assaje parole tedesche ca sonde mbarendate ccu quèdde 'nglisie (recordande ca le doje lènghe fàcene parte d'a stesse famigghie lènguisteche). Assaje de lòre sonde facilmènde idendifecabbele e tènene pratecamènde ô stesse segnefecate. 'Mbarticolare alcune parole condrassignate ccu * se pronungiane jndr'ô stesse mode me avènene scritte jindre 'nu mode deverse.

Alcune parole tènene conzonande deverse jindre quiste lènghe e stù fatte ète dovute ad 'a rotazione conzonandeche de ll'ìrte tedesche. Pe' esembie jindre assaje parole 'mbarendate 'a consonande "b" 'ndervocaleche d'u tedesche ète rese d'a "v" de lle 'nglise.

Tedesche: Liebe (amore) >> 'Nglise: love

Tedesche: geben (dare) >> 'Nglise: (to) give

Quiste avvène inoltre ccu 'a sibilande "ff" ca jndr'â lle 'nglise ète rese ccu "p" e jndr'â "ss" ca jndr'ô 'nglise ète rese ccu "t"

Tedesche: Schiff (sckife) >> 'Nglise: ship

Tedesche: lassen (lassà) >> 'Nglise: let

Combrondanne 'a lènga olannese ccu quèdde tedesche e quèdde 'nglise se pòte ccu tramìende jindre jèdde 'nu "grade" 'ndermedie. Sckaffame ttré semblice esembie ccu osserve ô cange conzonandeche:

Pure jndr'â grammateche se pòte ccu tramìende quèste caratteristeche: l'olannese 'nfatte conzerve alcune declinazione e coniugazione caratteristeche d'u tedesche, me jindre assaje case se ausane forme semblifecate cumme jndr'ô 'nglise.

Pur essenne 'na lènga germaneche muderne 'u tedesche hé cunzervate cchiù caratteristeche de lle lènghe indoeuropee andìche respette ad otre lènghe indoeuropee muderne, pe' eseesembie le case e ttré genere, ca 'a fàcene devendà pe' alcune verse paragonabbele a lènghe cumme 'u latine, pure ce non g'ète state accussì conzervative cumme, pe' esembie, le lènghe slave, ca jindre alcune case tènene cchiù case d'ô stesse latine ('a lènga pulacche tène sètte case: hé perse l'ablative, me hé conzervate strumendale e locative ca 'u latine classeche avève già perse).

Jndr'â Itaglie 'u tedesche ète recanosciute cumme lènga ufficiale reggionale 'nzieme a 'u tagliáne jndr'ô Trendine-Ìrte Adige, addò avène parlate prevalentemènde (sule) jndr'â Provinge autonome de Bolzano. Tène pure 'ô status de couffecialetate jndr'â Val Canale jndr'ô Friuli-Venezia Giulia.

Dialètte ascrivibbèle ad 'a famigghie lènguisteche d'u tedesche sonde parlate da lle minoranze walser d'u Piemonte e d'a Valle d'Aosta, da quèdde mochene d'u Trendìne e da quèdde carnico-germaneche de Sauris, Timau jndr'ô Friuli e Sappada jndr'ô Veneto. Sembre ad 'a famigghie de lle lènghe germaneche appartène 'a lènga cimbre, parlate d'a minoranze lènguisteche de le cimbre ca se iacchije 'mbrà Veneto e Trendìne.

'U tedesche avène pure parlate jindre vanne d'a Romanie, d'a Pulonie (Voivodate de Opole), de ll'Alsazie e d'a Lorene (Frange) ed ète parlate jndr'â lle Statère Aunìte jndr'â statère de Nuève York, Pennsylvania e Ohio. Pure ex possedimènde coloniale d'a Germanie, cumme pe' esembie 'a Namibie, tènene 'na segnefecative percenduale d'a popolazzione ca angore ôsce parle 'u tedesche.

Ccu cirche 112 miglione de parlande destrebbuite jindre 38 statère ète 'na lènga pluricendreche cumme le 'nglise. Ce sonde isole lènguisteche jindre totte le continènde e alcune de quèste comunetate ce stonne da deverse sèchele.

Seconne Ethnologue, 'a lènga tedesche ète 'a 11ª lènga parlate cumme prime lènga pe' dimenzione; jèdde ète parlate jindre comblessivamènde 43 pajèsere da 90,3 miglione de crestiáne.

•   Uicchipèdie tène 'na edizione jndr'à Lènga tedesche

•   Uicchibooks tène testi o manuali sulla lingua tedesca
•   Uicchiversità tène risorse sus lingua tedesca
•   Uicchimedie Commons tène files multimediale sus lingua tedesca

Il parametro "" non corrisponde a nessun progetto riconosciuto dal template

• Site ufficiale d'u Goethe Institut
• (EN) Piccele storie d'a lènga tedesche
• (IT) Vocabbolarije ca s'ha ddà ascolte jndr'ô tedesche

Dizziunarie online

• Dizziunarie bilènghe tagliáne-tedesche tedesche-tagliáne
• 'U dizziunarie pons.eu de tedesche-tagliáne
• (DE) Dizionario monolingue DWDS Das Digitale Wörterbuch der deutschen Sprache
• (DE) ASV-Univ.Leipzig
• (DE) Dizziunarie monolènghe Wahrig e Bertelsmann sus a 'u site Wissen.de
• (DE) Dizziunarie etimologgeche Fratelli Grimm
• (DE) http://it.pons.eu/deutsch-italienisch

Grammateche

• Grammateche tedesche curate da ll'Universetate Ca' Foscari de Venezia
• Esercizie pe' prengepiande