ᱡᱚᱨᱢᱟᱱ ᱯᱟᱹᱨᱥᱤ
ᱡᱚᱨᱢᱟᱱ ᱯᱟᱹᱨᱥᱤ (German: Deutsch or (die) deutsche Sprache) ᱫᱚ ᱯᱟᱪᱮ ᱡᱚᱨᱢᱟᱱᱤᱭᱟᱹ ᱯᱟᱹᱨᱥᱤ ᱠᱟᱱᱟ, ᱡᱟᱦᱟᱸ ᱫᱚ ᱤᱱᱰᱳ-ᱤᱣᱨᱚᱯᱤᱭᱟᱱ ᱯᱟᱹᱨᱥᱤ ᱜᱷᱟᱨᱚᱸᱡᱽ ᱨᱮᱱᱟᱜ ᱢᱤᱫ ᱯᱟᱹᱨᱥᱤ ᱾ ᱱᱚᱣᱟ ᱯᱟᱹᱨᱥᱤ ᱫᱚ ᱡᱚᱨᱢᱟᱱᱤ, ᱚᱥᱴᱨᱤᱭᱟ, ᱥᱩᱭᱡᱟᱨᱞᱮᱱᱰ, ᱞᱮᱭᱥᱮᱱᱥᱮᱱ, ᱞᱚᱠᱥᱢᱵᱚᱨᱜᱽ ᱟᱢᱟᱱ ᱠᱚ ᱨᱮ ᱠᱚ ᱨᱚᱲ ᱠᱟᱱᱟ ᱾ ᱥᱩᱨᱥᱩᱯᱩᱨ ᱑᱐᱐ ᱢᱤᱞᱤᱭᱚᱱ ᱜᱟᱱ ᱦᱚᱲ ᱫᱚ ᱡᱟᱱᱟᱢ ᱯᱟᱹᱨᱥᱤ ᱞᱮᱠᱟᱛᱮ ᱠᱚ ᱵᱮᱵᱷᱟᱨᱮᱜᱼᱟ ᱾ ᱱᱚᱣᱟ ᱯᱟᱹᱨᱥᱤ ᱫᱚ ᱡᱟᱹᱥᱛᱤ ᱠᱟᱛᱮ ᱤᱣᱨᱚᱯᱤᱭᱟᱱ ᱨᱮ ᱡᱟᱱᱟᱢ ᱯᱟᱹᱨᱥᱤ ᱞᱮᱠᱟᱛᱮ ᱠᱚ ᱨᱚᱲ ᱮᱫᱟ ᱾ ᱵᱮᱞᱡᱤᱭᱟᱢ, ᱱᱮᱫᱟᱨᱞᱮᱱᱰᱥ, ᱯᱷᱨᱟᱱᱥ ᱟᱨ ᱮᱛᱚᱢ ᱤᱴᱟᱞᱤ ᱨᱮᱦᱚᱸ ᱛᱤᱢᱤᱱ ᱜᱟᱱ ᱦᱚᱲ ᱫᱚ ᱱᱚᱣᱟ ᱯᱟᱹᱨᱥᱤ ᱠᱚ ᱵᱮᱵᱷᱟᱨᱮᱜᱼᱟ ᱾ ᱱᱚᱣᱟ ᱯᱟᱹᱨᱥᱤ ᱫᱚ ᱡᱚᱨᱢᱟᱱᱤᱭᱟᱹ ᱯᱟᱹᱨᱥᱤ ᱜᱷᱟᱨᱚᱸᱡᱽ ᱨᱮᱱᱟᱜ ᱠᱟᱱᱟ, ᱟᱨ ᱨᱚᱲ ᱠᱚ ᱫᱚ ᱤᱝᱞᱤᱥ ᱟᱨ ᱰᱚᱪ ᱥᱟᱶ ᱢᱤᱫ ᱢᱤᱫ ᱫᱷᱟᱨᱟ ᱜᱮᱭᱟ ᱾
ᱪᱤᱠᱤ
ᱡᱚᱨᱢᱟᱱ ᱯᱟᱹᱨᱥᱤ ᱞᱟᱹᱜᱤᱫ ᱫᱚ ᱞᱟᱴᱤᱱ ᱪᱤᱠᱤ ᱜᱮ ᱠᱚ ᱵᱮᱵᱷᱟᱨᱚᱜᱼᱟ ᱾ ᱢᱮᱱᱠᱷᱟᱱ ᱡᱚᱛᱚ ᱨᱟᱦᱟ ᱟᱲᱟᱝ ᱛᱮ ᱮᱦᱚᱵ ᱟᱠᱟᱠᱟᱱ ᱟᱹᱲᱟ ᱠᱚ ᱨᱮ ᱫᱚ ᱮᱛᱚᱦᱚᱵ ᱪᱤᱠᱤ ᱫᱚᱭ ᱢᱟᱨᱟᱝ (CAPS) ᱪᱤᱠᱤ ᱦᱩᱭᱩᱜᱼᱟ ᱾ ᱰᱮᱱᱤᱥ ᱯᱟᱹᱨᱥᱤ ᱨᱮᱦᱚᱸ ᱢᱟᱬᱟᱝ ᱫᱚ ᱱᱚᱝᱠᱟ ᱜᱮ ᱠᱚ ᱚᱞᱮᱫ ᱛᱟᱦᱮᱸᱫ, ᱢᱮᱱᱠᱷᱟᱱ ᱱᱤᱛ ᱫᱚ ᱵᱟᱝᱟ ᱾ ᱟᱹᱲᱟᱹ ᱨᱮᱱᱟᱜ ᱢᱩᱬᱩᱛ ᱠᱟᱱᱣᱟ ᱫᱚ ᱯᱟᱹᱪᱷᱞᱟᱹ ᱥᱮᱫ ᱨᱮᱭ ᱚᱞᱚᱜᱼᱟ ᱾
ᱜᱟᱶᱛᱟ
ᱡᱚᱨᱢᱟᱱ ᱯᱟᱹᱨᱥᱤ ᱨᱮᱱᱟᱜ ᱵᱮᱵᱷᱟᱨ ᱟᱨ ᱞᱟᱦᱟᱱᱛᱤ ᱞᱟᱹᱜᱤᱫ ᱛᱤᱢᱤᱱ ᱜᱟᱱ ᱜᱟᱶᱛᱟ ᱠᱚ ᱠᱟᱹᱢᱤ ᱠᱟᱱᱟ ᱾ ᱩᱱᱠᱩ ᱢᱩᱸᱫᱽ ᱠᱷᱚᱱ ᱛᱤᱢᱤᱱ ᱜᱟᱱ ᱫᱚᱠᱚ ᱦᱩᱭᱩᱜ ᱠᱟᱱᱟ :-
- ᱜᱚᱭᱛᱷᱤ ᱜᱟᱶᱛᱟ -- ᱱᱚᱣᱟ ᱜᱟᱶᱛᱟ ᱫᱚ ᱜᱚᱴᱟ ᱫᱤᱥᱚᱢ ᱨᱮ ᱡᱚᱨᱢᱟᱱ ᱯᱟᱹᱨᱥᱤ ᱯᱟᱨᱥᱟᱞ ᱞᱟᱹᱜᱤᱫᱼᱮ ᱠᱟᱹᱢᱤ ᱠᱟᱱᱟ ᱾ ᱱᱚᱣᱟ ᱜᱟᱶᱛᱟ ᱫᱚ ᱡᱚᱨᱢᱟᱱ ᱨᱮᱱᱟᱜ ᱥᱟᱶᱛᱟ, ᱥᱮᱪᱮᱫ ᱟᱨ ᱨᱟᱡᱽᱟᱹᱨᱤ ᱠᱟᱹᱢᱤ ᱠᱚ ᱞᱟᱦᱟᱭ ᱞᱟᱹᱜᱤᱫ-ᱮ ᱠᱟᱹᱢᱤ ᱠᱟᱱᱟ ᱾
- ᱵᱷᱮᱨᱤᱱ ᱰᱚᱪ ᱥᱯᱨᱮᱪ -- ᱱᱚᱣᱟ ᱜᱟᱶᱛᱟ ᱫᱚ ᱒᱑᱑᱗ ᱥᱟᱞᱮ ᱨᱮ ᱵᱮᱨᱮᱫ ᱞᱮᱱ ᱛᱟᱦᱮᱸᱫ ᱾ ᱡᱚᱨᱢᱟᱱ ᱯᱟᱹᱨᱥᱤ ᱨᱤᱱᱤᱡ ᱥᱟᱨᱦᱟᱣᱤᱭᱟᱹ ᱠᱟᱱᱟᱭ ᱟᱨ ᱡᱮᱜᱮᱛ ᱨᱤᱱᱤᱡ ᱡᱚᱛᱚ ᱠᱷᱚᱱ ᱢᱟᱨᱟᱝ ᱯᱟᱹᱨᱥᱤ ᱜᱟᱶᱛᱟ ᱠᱟᱱᱟ ᱾
- ᱰᱚᱪ ᱣᱮᱞᱤ -- ᱡᱚᱨᱢᱟᱱ ᱯᱚᱱᱚᱛ ᱞᱟᱦᱟᱱᱛᱤ ᱜᱟᱶᱛᱟ ᱠᱟᱱᱟᱭ ᱾ ᱱᱩᱭ ᱫᱚ ᱡᱚᱨᱢᱟᱱ ᱥᱟᱶᱛᱮ ᱟᱨᱦᱚᱸ ᱓᱐ ᱜᱚᱴᱟᱝ ᱯᱟᱹᱨᱥᱤ ᱛᱮ ᱨᱮᱰᱤᱭᱳ ᱩᱪᱷᱟᱹᱱ ᱮᱫᱟᱭ ᱾
ᱫᱟᱹᱭᱠᱟᱹ
ᱡᱚᱨᱢᱟᱱᱤ ᱯᱟᱹᱨᱥᱤ ᱥᱟᱱᱛᱟᱲᱤ ᱛᱮ ᱛᱤᱢᱤᱱ ᱜᱟᱱ ᱟᱹᱲᱟᱹ ᱛᱚᱨᱡᱚᱢᱟ ᱠᱟᱛᱮ ᱞᱟᱛᱟᱨ ᱨᱮ ᱮᱞ ᱮᱱᱟ :
| null | ᱯᱷᱟᱝ, ᱥᱩᱱ |
| eins | ᱢᱤᱫ |
| zwei | ᱵᱟᱨ |
| drei | ᱯᱮ |
| vier | ᱯᱩᱱ |
| fünf | ᱢᱚᱬᱮ |
| sechs | ᱛᱩᱨᱩᱭ |
| sieben | ᱮᱭᱟᱭ |
| acht | ᱤᱨᱟᱹᱞ |
| neun | ᱟᱨᱮ |
| zehn | ᱜᱮᱞ |
| elf | ᱜᱮᱞ ᱢᱤᱫ |
| zwölf | ᱜᱮᱞ ᱵᱟᱨ |
| dreizehn | ᱜᱮᱞ ᱯᱮ |
| vierzehn | ᱜᱮᱞ ᱯᱩᱱ |
| fünfzehn | ᱜᱮᱞ ᱢᱚᱬ |
| sechzehn | ᱜᱮᱞ ᱛᱩᱨ |
| siebzehn | ᱜᱮᱞ ᱮᱭᱟᱭ |
| achtzehn | ᱜᱮᱞ ᱤᱨᱟᱹᱞ |
| neunzehn | ᱜᱮᱞ ᱟᱨᱮ |
| zwanzig | ᱵᱟᱨᱜᱮᱞ, ᱵᱟᱜᱮ |
| ja | ᱦᱮᱸ |
| nein | ᱵᱟᱝ |
| ich | ᱤᱧ |
| du | ᱟᱢ (ᱜᱟᱛᱮ) |
| er | ᱩᱱᱤ (ᱠᱚᱲᱟ) |
| sie | ᱩᱱᱤ (ᱠᱩᱲᱤ) |
| es | ᱱᱚᱣᱟ |
| wir | ᱟᱵᱚ |
| ihr | ᱟᱹᱵᱤᱱ (ᱥᱟᱸᱜᱮ, ᱢᱟᱹᱱ) |
| Sie | ᱟᱹᱵᱤᱱ (polite) |
| sie | ᱩᱱᱠᱩ |
| Schweiz | ᱥᱩᱭᱡᱟᱨᱞᱮᱱᱰ |
| Österreich | ᱚᱥᱴᱨᱤᱭᱟ |
| Deutschland | ᱡᱚᱨᱢᱟᱱᱤ |
| wer | ᱚᱠᱚᱭ |
| wie | ᱪᱮᱫ ᱞᱮᱠᱟ |
| wo | ᱚᱠᱟᱨᱮ |
| was | ᱪᱮᱫ |
ᱥᱟᱹᱠᱷᱭᱟᱹᱛ
ᱵᱟᱨᱦᱮ ᱡᱚᱱᱚᱲ
- Online German Language Course An online German language course that includes lessons covering pronunciation, vocabulary, and grammar.
- German phrasebook at Wikivoyage
- Learn to Speak German Archived ᱒᱐᱑᱓-᱐᱖-᱐᱘ at the Wayback Machine. Student Resource
- Free German Language Course Archived ᱒᱐᱑᱓-᱐᱒-᱑᱗ at the Wayback Machine.
- German Thesaurus
This article uses material from the Wikipedia ᱥᱟᱱᱛᱟᱲᱤ article ᱡᱚᱨᱢᱟᱱ ᱯᱟᱹᱨᱥᱤ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.