Duuts
Duuts is een West-Germaonse taele en beoôr toet de Germaonse taelen.
Duuts is den eênihe offisjele taele van Duutsland, Oôsteriek en Liechenstein, en is ok een offisjele taele in Zwitserland, Luxemburg, België (bepaelde hedeêlt'n) en Itâlië (Zuud-Tirol). Ok wor Duuts esproken in Namibië en Poôl'n en aore Slavische lan'n.
| Hesproken in: | Duutsland, Oôsteriek, Zwitserland, België, Luxemburg, Frankriek, Liechenstein, Itâlië, Denemarken, ok in hemeênschapp'n in Oôst-Europa, emihrant'n in Vereênigde Staeten, Zuud-Amerika en Namibië |
| Sprekers: | 110 miljoen moedertaelsprekers, totaol 120 miljoen |
| Rang: | 11 |
| Taelfemielje | Indo-Europees
|
| Alfabet: | Latiens |
| Offisjeel in: | Ok in Itâlië (Zuud-Tirol), Denemarken (Zuud-Jutland), Europesen Unie, Vaticaonstad (Zwitserse Harde). |
| ISO 639-1: de ISO 639-2(B): - ISO 639-3: deu SIL: deu | |
Ok èn de zohenaemde Wolhaduutsers in 't Aziaotische deêl van Rusland, Kazachstan, Oezbekistan en Kirhizië Duuts as der moedertaele. Deze Duutsers wiern in de tied van Stalin verdreven uut der heboorteplekke. Vadder weun'n nog in de VS en Canada zo'n twi miljoen mensen die an Duuts as moedertaele ène. Ier worn onder aore de dialect'n Texasdeutsch en Pennsylvania-duuts esproken.
Hrammmatica
't Duuts ei vier naemvall'n, naemelijk:
- nominatief: 't onderwerp
- genetief: anheven van bezit
- datief: 't meewerk'nd voorwerp
- accusatief: 't liedend voorwerp
De verbuhienge bie de lidwoorn is as volgt:
| Naemval | Mannelijk | Vrouwelijk | Onzijdig | Meervoud |
|---|---|---|---|---|
| Nominatief | der Mann | die Frau | das Kind | die Leute |
| ein Mann | eine Frau | ein Kind | keine Leute | |
| Genetief | des Mannes | der Frau | des Kindes | der Leute |
| eines Mannes | einer Frau | eines Kindes | keiner Leute | |
| Datief | dem Mann | der Frau | dem Kind | den Leuten |
| einem Mann | einer Frau | einem Kind | keinen Leuten | |
| Accusatief | den Mann | die Frau | das Kind | die Leute |
| einen Mann | eine Frau | ein Kind | keine Leute |
't Bievoegelijke naemwoord krieg dezelven eindletter as 't bepaelde lidwoord. Den uutgang van 't bievoegelijke naemwoord wor dan dus -e, -er, -em, -en of -es. De lidwoorn ierboven mie een rooien achterhrond èn hin uutgang en ierbie worn de bievoegelijke naemwoorn as volgt verbohen:
| Naamval | Mannelijk | Vrouwelijk | Onzijdig | Meervoud |
|---|---|---|---|---|
| Nominatief | -e | -e | -e | -en |
| Genitief | -en | -en | -en | -en |
| Datief | -en | -en | -en | -en |
| Accusatief | -en | -e | -e | -en |
Zie ok
- Ripuarisch
Externe lienk
- www.duits.de, een omvangrieke website over Duutse tael, cultuur en heschiedenis.
This article uses material from the Wikipedia Zeêuws article Duuts, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhoud is, tenzij anders aangegeven, beschikbaar onder CC BY-SA 4.0 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Zeêuws (DUHOCTRUNGQUOC.VN) is an independent company and has no affiliation with Wiki Foundation.