Миян Айным

Библия сьöрті Иисус Христос сетöма сійö велöтчиссеслö, кöдна юалöмась Енпияныслісь, кыдз колö юрбытны. Текст йöзöтöм «Бур юöррезын» Матьвей сьöрті да Лука сьöрті .

Эллин текст

Эллин кыв вылын оригинал :

Πάτερ ἡμῶν ὁ ἐν τοῖς οὐρανοῖς
ἁγιασθήτω τὸ ὄνομά σου·
ἐλθέτω ἡ βασιλεία σου·
γενηθήτω τὸ θέλημά σου,
ὡς ἐν οὐρανῷ καὶ ἐπὶ τῆς γῆς·
τὸν ἄρτον ἡμῶν τὸν ἐπιούσιον δὸς ἡμῖν σήμερον·
καὶ ἄφες ἡμῖν τὰ ὀφελήματα ἡμῶν,
ὡς καὶ ἡμεῖς ἀφίεμεν τοῖς ὀφειλέταις ἡμῶν·
καὶ μὴ εἰσενέγκῃς ἡμᾶς εἰς πειρασμόν,
ἀλλὰ ῥῦσαι ἡμᾶς ἀπὸ τοῦ πονηροῦ.
Ὅτι σοῦ ἐστιν ἡ βασιλεία καὶ ἡ δύναμις καὶ ἡ δόξα εἰς τοὺς αἰῶνας· ἀμήν.

Коми кыв вылö «Миян айнымсö» пондöмась вуджöтны Степан кадсянь (XIV век).

Перем комиöн «Миян айнымсö» первуись публикуйтöмась Амстердамын 1705' годö, мöдпырся Петракарын 1817' годö.

Сэсся этійö кеймисянсö öтлаын «Бур юöрыскöт» вуджöтöмась Любимов Фёдор (1823' во) да Попов Öврам (1850' воэз). Революция вотöдз видзсьöма Попов Öврамлöн версия.

Советтэз дырни Хритоса тексттэз перем коми кыв вылö абу вуджöтöмась. 1990' воэзö Никитина Людмила вились комиöтöма «Миян айнымсö», зыряналісь текст под туйö босьтöмöн.

Öння текст керöмась 2000' воэз пондöтчикö Р. К. Попова да Л. Г. Пономарёва.

Татöн мыччалам «Миян айöлісь» коми текст быдкодь каддэзісь.

1705' вося текст

Перем комиöн текстсö медодз публикуйтöма Николас Витсен. Сы небöгын коми текстыс уналаöт соралöм . Пондылам вежöртны сідз:

1817' вося текст

И. К. Аделунг небöгын йöзöтöм текст, кöдö сылö ыстöма Перемись губернатор К. Ф. Модерах. Этія текстыс лыддисьö öддьöн бура вуджöтöмöн.

1823' вося текст

Текст Любимов «Бур юöрись» öння графикаын:

Айö менам, кöдiя эм енвевтын,
ась вежа лоас ним Тэнат;
Ась воас царствоыт Тэнат;
лоас сiдз, кыдз гажалан и Енвевтын и му вылын.
Нянь миян быдлунся сет миянлö талун
И коль миянлö одзöссэзсö миян,
кыдзи и мийö колям миян одзöстiссезлö.
И эн вайöт миянöс пöрьясьöмö,
но избавит миянöс кульсянь.
Якö Тэнат эм царство,
и вын, и ошкöм быддырни.
Аминь.

XIX век помся текст

Революция вотöдз перем комиэз коласын ветлан текст лöсьöтöма Рогов Миковлöн ёрт Попов Öврам. Первуись публикуйтöм Рогов «Пермяцкöй грамматикаын», 1860' годö.

Ая миян, кöдiя эм енвевт вылын,
мед светитчас тэнат нимыт;
мед воас тэнат саритöмыт,
мед воас тэнат воляыт
и му вылын кыдз енвевт вылын.
Нянь миян колöм сет миянлö талун кежö;
и коль миянлö уджйöзнымöс,
кыдз и мийö колялам асланым уджйöзаэслö;
и эн нуöт миянöс ылöтöм вылö,
а видз миянöс умöлись

Никитина вуджöтöммез

1990' годдэзсянь вичкося тексттэз вуджöтöма Никитина Людмила. Сія вуджöтöма текст зыряна кыв вылісь. «Миян айным» петöма сылöн кыкись.

Медборья вариантыс (2003 год) сибöтöм перем коми баитан кывлань. Текст редактируйтöмась Петрова Раиса да Пономарёва Лариса.

Миян ай, енöжын олiсь!
Ась быд морт сьöлöмын
Видзö тэнчит нимтö.
Тэ ло миянлö юралiсьöн.
Ась лоас тэнат веськöтлöмыс
Му вылас енöжын моз.
Талун кежö вай миянлö колан няньсö.
Миян моз простит миянлiсь умöль керöммезнымöс,
миянлö умöль кериссесö мийö проститам.
Видз миянöс бöбасьöмись.
Ылöтiсь, öштöтiсь дынiсь миянöс мезды.
Эд тэнат веськöтлöмыт,
Выныт, аркмöтöмыт пыр кежö.

Шаблон:Кеймисяннэз