Миян айным — Христос вичкуын медтöдчана кеймисян.
Библия сьöрті Иисус Христос сетöма сійö велöтчиссеслö, кöдна юалöмась Енпияныслісь, кыдз колö юрбытны. Текст йöзöтöм «Бур юöррезын» Матьвей сьöрті да Лука сьöрті .
Эллин кыв вылын оригинал :
Коми кыв вылö «Миян айнымсö» пондöмась вуджöтны Степан кадсянь (XIV век).
Перем комиöн «Миян айнымсö» первуись публикуйтöмась Амстердамын 1705' годö, мöдпырся Петракарын 1817' годö.
Сэсся этійö кеймисянсö öтлаын «Бур юöрыскöт» вуджöтöмась Любимов Фёдор (1823' во) да Попов Öврам (1850' воэз). Революция вотöдз видзсьöма Попов Öврамлöн версия.
Советтэз дырни Хритоса тексттэз перем коми кыв вылö абу вуджöтöмась. 1990' воэзö Никитина Людмила вились комиöтöма «Миян айнымсö», зыряналісь текст под туйö босьтöмöн.
Öння текст керöмась 2000' воэз пондöтчикö Р. К. Попова да Л. Г. Пономарёва.
Татöн мыччалам «Миян айöлісь» коми текст быдкодь каддэзісь.
Перем комиöн текстсö медодз публикуйтöма Николас Витсен. Сы небöгын коми текстыс уналаöт соралöм . Пондылам вежöртны сідз:
Витсенлöн | Колö лыддьöтны |
---|---|
Mian aje, kon dose vilin Olaniin. | Миян айö, кин (олö) вылын оланниын! |
medrezasas tead. Namid | Мед вежасяс тэяд нимыд, |
Canulni medvoas. Mianorda | каналны мед воас миян ордö, |
it zytujnas medvo, ze | ыджыт айнас мед воас |
gol vilin olaniin imu vilien. | (кыдз) вылын оланниын и му вылын. |
Mon cudolai Nian vaїmianlo oni. | (Медколана) нянь вай миянлö öнi. |
Lez mianlo uzjes, te | Лэдз миянлö уджйöзтö, |
gol mi leziam mian uzjezuvotirla. | (кыдз) ми лэдзам миян уджйöза вотирлö. |
vozty porsalomos, | Видзлы пöрьялöмись, |
dorz mianlo kulordis. | дорйы миянлö куль ордiсь |
И. К. Аделунг небöгын йöзöтöм текст, кöдö сылö ыстöма Перемись губернатор К. Ф. Модерах. Этія текстыс лыддисьö öддьöн бура вуджöтöмöн.
Аделунглöн | Колö лыддьöтны |
---|---|
Aё mian, kodja ém kümer esün, | Айö миян, кöдья эм кымöрьесын |
Mèd wüschalas ménat nímmst, | Мед вежалас тэнат нимыт, |
Méd loktas ménat weskütüt, | Мед локтас тэнат веськытыт, |
Méd eїds lóas küds gaschalan | Мед сiдз лоас кыдз гажалан |
kümerün i muwülün, | Кымöрын и му вылын. |
Njän mianlüs büd lúnse sjut mianle enü, | Нянь миянлiсь быд лунся сет миянлö öнi, |
I kol mianlüs úmel esnümes | И коль миянлiсь умöльеснымöс, |
küds i miё koljäm odsü jetüs else, | Кыдз и мийö колям одзöстiсьеслö, |
I en wajet mianes perejästez, | И эн вайöт миянöс пöрьясьтöдз, |
In en süt úmele. | И эн сет умöльö. |
Текст Любимов «Бур юöрись» öння графикаын:
Революция вотöдз перем комиэз коласын ветлан текст лöсьöтöма Рогов Миковлöн ёрт Попов Öврам. Первуись публикуйтöм Рогов «Пермяцкöй грамматикаын», 1860' годö.
1990' годдэзсянь вичкося тексттэз вуджöтöма Никитина Людмила. Сія вуджöтöма текст зыряна кыв вылісь. «Миян айным» петöма сылöн кыкись.
1997 | 2002 |
---|---|
Миян енöжись Ай! | Миян енöжись Ай! |
Мед быдöнныслö вежа лоас тэнат нимыт. | Ась вежа лоас быдöнлö Тэнат нимыт. |
Мед локтас тэнат ыждалöмыт. | Ась локтас Тэнат ыджыталöмыт. |
Мед лоас тэнат кöсйöмыт | Ась лоас Тэнат кöсйöмыт |
му вылас енöжын моз. | му вылас енöжат моз. |
Сет миянлö колана нянь талун кежö. | Сет талун кежö миянлö сёян нянь. |
Лэдз миянлiсь греккезнымöс, | Ми вештам лёк кериссеслiсь мыжнысö, |
кыдз мийö лэдзам миянлö лёкö керись йöзлiсь греккесö. | миян моз мыжнымöс тэ вешты. |
Эн лэдз миянöс ылöтны; | Мезды миянöс лёкись, |
мезды миянöс лёксис. | öштöтöмись миянöс видз. |
Тэнат ыджыталöмыт-выныт помтöм, | |
Тэнö бурö пуктöмыс куслытöм. | |
Аминь. |
Медборья вариантыс (2003 год) сибöтöм перем коми баитан кывлань. Текст редактируйтöмась Петрова Раиса да Пономарёва Лариса.
Шаблон:Кеймисяннэз
This article uses material from the Wikipedia Перем Коми (Perem Komi) article Миян айным, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Модік абу кӧ иньдӧм, пытшкӧссӧ позьӧ видзӧтны CC BY-SA 4.0 лицензия сьӧрті Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Перем Коми (Perem Komi) (DUHOCTRUNGQUOC.VN) is an independent company and has no affiliation with Wiki Foundation.