'n Golf is 'n versteuring wat voortgeplant word deur middel van pulse.
Behalwe vir elektromagnetiese straling, en moontlik gravitasionele straling, wat deur 'n vakuum kan beweeg, bestaan golwe in 'n medium waardeur dit kan beweeg en energie kan oordra sonder dat enige van die deeltjies van die medium permanent verplaas word; d.w.s. daar is geen massaverplasing nie. Enige spesifieke punt ossilleer om 'n vaste punt.
Golwe se amplitudes het kruine/spitse en trôe/dale wat óf letterlik óf in 'n grafiek van die wisseling kan voorkom.
Twee soorte golwe wat onderskei kan word, is transversale golwe en longitudinale golwe. Transversale golwe is golwe waarin die kruine en trôe loodreg is op die rigting waarin die golf voortbeweeg, soos bv. elektromagnetiese golwe of 'n watergolf. Longitudinale golwe is golwe waarin die kruine en trôe parallel aan die rigting van voortplanting is, soos klank golwe.
Reëlmatig-herhalende beweging, of harmoniese beweging, is 'n soort beweging by golwe waar die bron van 'n golf die golf se beweging met reëlmatige tydintervalle herhaal. Die presiese omskrywing van reëlmatig-herhalende beweging is redelik ingewikkeld. Voorbeelde van reëlmatig-herhalende beweging is 'n swaaiende pendulum, 'n vibrerende stemvurk en 'n vibrerende vioolsnaar.
This article uses material from the Wikipedia Afrikaans article Golf (fisika), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.