યાંત્રિક પાયદળ રેજિમેન્ટ એ ભારતીય ભૂમિસેનાની એક પાયદળ રેજિમેન્ટ છે, જોકે તે ૨૬ યાંત્રિક પલટણો સાથે આશરે એક વિભાગ જેટલું સંખ્યાબળ ધરાવે છે.
તેને વિવિધ બખ્તરીયા વિભાગો અને કોર મુખ્યાલયો વચ્ચે વહેંચી દેવામાં આવી છે. તે સૈન્યની સૌથી યુવા રેજિમેન્ટમાંની એક છે. તેને ૧૯૬૫ના ભારત પાકિસ્તાન યુદ્ધ દરમિયાન પાયદળ પલટણોની હેર ફેરને વધુ ઝડપી બનાવવાના આશયથી ઊભી કરવામાં આવી હતી. તેને તત્કાલીન સૈન્ય વડા જનરલ કે સુંદરજીના દિમાગની ઉપજ ગણવામાં આવે છે. શરૂઆતમાં વિવિધ પાયદળ રેજિમેન્ટની કેટલીક પલટણોને બીએમપી-૧ બખ્તરીયા સૈન્ય વાહનો વડે સજ્જ કરવામાં આવી. જોકે વધુ નક્કર પગલાંની જરુર જણાતાં ૧૯૭૯માં સૈન્યમાં એક નવો ભાગ જ પાડવામાં આવ્યો અને તેને યાંત્રિક પાયદળ એવું નામ અપાયું.
આ રેજિમેન્ટની પલટણોએ શ્રીલંકા ખાતે ઓપરેશન પવનમાં, પંજાબ અને જમ્મુ અને કાશ્મીરમાં ઓપરેશન રક્ષકમાં અને કારગિલ યુદ્ધમાં ભાગ લીધો. તેણે સંયુક્ત રાષ્ટ્રસંઘની શાંતિસેનામાં સોમાલિયા, કોંગો, અંગોલા અને સિએરા લિઓન ખાતે ફરજ બજાવી. રેજિમેન્ટ ભારતીય નૌસેનાના જહાજ આઇએનએસ ઘડિયાલ સાથે જોડાણ ધરાવે છે. રેજિમેન્ટ લદ્દાખ અને સિક્કિમના અતિ ઉંચાણમાં આવેલા પ્રદેશમાં પણ કાર્યરત છે.
જનરલ સુંદરજીને રેજીમેન્ટના સૌપ્રથમ કર્નલ-ઓફ ધ રેજીમેન્ટ બનાવાયા હતા.
This article uses material from the Wikipedia ગુજરાતી article યાંત્રિક પાયદળ રેજિમેન્ટ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). અલગથી ઉલ્લેખ ન કરાયો હોય ત્યાં સુધી માહિતી CC BY-SA 4.0 હેઠળ ઉપલબ્ધ છે. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ગુજરાતી (DUHOCTRUNGQUOC.VN) is an independent company and has no affiliation with Wiki Foundation.