Swellendam Plaaslike Munisipaliteit
Die Swellendam Plaaslike Munisipaliteit is een van die plaaslike munisipaliteite in die Overberg-distriksmunisipaliteit in die Wes-Kaap, Suid-Afrika.
| |||
.svg) | |||
| Provinsie | Wes-Kaap | ||
| Distriksmunisipaliteit | Overberg | ||
| Tipe | Plaaslike Munisipaliteit | ||
| Munisipale kode | WC034 | ||
| Burgemeester | Francois du Rand (DA) | ||
| Hoofstad | Swellendam | ||
| Grootste tale | Afrikaans, Xhosa, Engels | ||
| Area | 3 835 km² | ||
| Bevolking | 35 916 (2011) | ||
Teen 2011 het dit 'n bevolking van 35 916 gehad. Die munisipaliteit kode is WC034.
Geografie
Die munisipaliteit beslaan 'n gebied van 3 835 vierkante kilometer (1 481 vk myl) rondom die laer Breederiviervallei, vanaf die samevloeiing van die samevloeiing van die Breederivier en Sonderendrivier stroomaf tot by die Breederiviermond aan die Indiese Oseaan. Dit strek ook weswaarts teen die Sonderendrivier op en noordwaarts oor die Langeberge tot in die Klein-Karoo rondom die Warmwaterberge. Die munisipaliteit grens aan die Kaap Agulhas-munisipaliteit in die suide, die Theewaterskloof-munisipaliteit in die weste, die Langeberg-munisipaliteit in die noordweste, die Kannaland-munisipaliteit in die noordooste en die Hessequa-munisipaliteit in die ooste.
Die hoofdorp en munisipale hoofkwartier is Swellendam, wat teen 2011 'n bevolking van 17 537 gehad het. Suurbraak (2 252 inwoners) is oos van Swellendam geleë aan die suidelike punt van Tradouwpas wat deur die Langeberge sny, terwyl Barrydale (4 156 inwoners) aan die ander kant van die pas op die rand van die Klein-Karoo is. Buffeljagsrivier (1 439 inwoners) is suidoos van Swellendam aan die gelyknamige rivier geleë. Malgas is geleë by 'n pontonveerboot op die Breederivier, die laaste kruising oor die rivier voor dit die see bereik. Infanta is aan die monding van die rivier op sy suidelike oewer geleë.
Nedersettings
Nedersettings in die munisipaliteit:
This article uses material from the Wikipedia Afrikaans article Swellendam Plaaslike Munisipaliteit, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.