Stormsvlei
Stormsvlei in die Overberg lê op die suidelike oewer van die Riviersonderend en op die N2 nasionale pad, 20 km oos van die dorp Riviersonderend en 40 km wes van Swellendam.
Ook lê die gehug op die R317, 20 km van Bonnievale en 50 km van Bredasdorp.
Stormsvlei | |
|---|---|
  Stormsvlei | |
| Koördinate: 34°5′0″S 20°6′0″O / 34.08333°S 20.10000°O 20°6′0″O / 34.08333°S 20.10000°O | |
| Land |  Suid-Afrika |
| Provinsie | Wes-Kaap |
| Distriksmunisipaliteit | Overberg |
| Plaaslike Munisipaliteit | Swellendam |
| Tydsone | UTC+2 (SAST) |
Dit is oorspronklik gebou in 1890 deur Barend Rainsford. Dit het in 1983 afgebrand en is in 1990 deur D.H. "Blits" Odendaal herbou.
Geskiedenis
In 1732 is reeds weiregte hier toegeken, maar dit is blykbaar nie benut nie. Vyftig jaar later is hierdie plaas bekend as Avontuur toegeken aan Christiaan Andreas Storm en is die plaas na hom vernoem. In 1841 kom die plaas in die hande van die neefs Laurence en William Twentyman. Hulle is goeie sakemanne en ontwikkel hier op die kruising van die roete van die Kaap na die oostelike distrikte van die Kaapkolonie en van die roete van die binneland (via Kogmanskloof, Ashton en Bonnievale) na die see by Agulhas ‘n gewilde oorstaanplek. In sy fleur het Stormsvlei ‘n hotel met ‘n kroeg gehad. Daar was ‘n wamaker en ‘n smid, stalle, ‘n meul en selfs ‘n poskantoor, ‘n polisiekantoor en ‘n gevangenis. Slegs die kerkie bestaan nog. Die ou herehuis is nou ‘n gastehuis.
Sien ook
Bron
This article uses material from the Wikipedia Afrikaans article Stormsvlei, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.