Slangrivier
Slangrivier is ‘n klein onontwikkelde dorpie 11 km suidwes van Heidelberg, Wes-Kaap.
Dit het 2 000 inwoners en is geleë in die gebied van die Hessequa Plaaslike Munisipaliteit. Die nedersetting lê aan weerskante van die Slangrivier. Kort voor die monding van die Breederivier sluit die Slangrivier by dit aan. Voorheen het die nedersetting bekend gestaan as Olieboomskraal. Askraal is die noordoostelike deel van die dorpie oorkant die rivier.
Slangrivier | |
|---|---|
  Slangrivier | |
| Koördinate: 34°8′14″S 20°51′42″O / 34.13722°S 20.86167°O | |
| Land |  Suid-Afrika |
| Provinsie | Wes-Kaap |
| Distriksmunisipaliteit | Tuinroete |
| Plaaslike Munisipaliteit | Hessequa |
| Bevolking | |
| • Totaal | 2 349 |
| • Digtheid | 330/km2 (900/vk. myl) |
| Tydsone | UTC+2 (SAST) |
Geskiedenis
Op 1 November 1809 het goewerneur Caledon 'n proklamasie uitgevaardig waarvolgens alle Khoi 'n vaste woonplek moes hê. Op hierdie plek, vroeër bekend as Hottentotskraal, is aan 20 Khoi 1 300 morg (1 113.71ha) grond in volle eiendomsreg toegeken. Huise is gebou, landerye aangelê en met vee geboer. Moses Klaase was die laaste kaptein. Sy opvolger was Gert Klase, met die rang van korporaal. Na hom is die hoofde afgeskaf.
Anders as elders was hierdie nog jare lank 'n betreklik geslote Khoi-gemeenskap.
Trivia
- Die Bloukraanvoëlvoetslaanpad lei van Slangrivier na Witsand.
- By Slangrivier is die Johnique Johannes-voëlreservaat.
Sien ook
Bibliografie
- Tomlinson, L.L.: Geskiedkundige Swellendam. Kaapstad: Nasionale Pers, 1943.
- Wilson, J.E.: Overberg Water - die geskiedenis van die Duivenhoks- en Rûensveld Landelike Watervoorsieningskemas. Caledon: Caledon Venster, 1999. ISBN 0-620-24622-7
This article uses material from the Wikipedia Afrikaans article Slangrivier, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.