Sitroensuur: Chemiese verbinding

Dit is 'n triprotiese organiese suur met die formule C₆H₈O₇, oftewel C₃H₄(OH)(COOH)₃. Sy soute heet sitrate.

Eienskappe

Algemeen
Naam	Sitroensuur
IUSTC-naam	2-hidroksi-1,2,3-propaantrikarboksielsuur
Chemiese formule	C6H8O7
Molêre massa	192,12
CAS-nommer	77-92-9
Voorkoms	Wit poeier
Reuk	reukloos
Fasegedrag
Smeltpunt	154,5 °C
Kookpunt
Digtheid	1,665 [g/cm3]
Oplosbaarheid	59,2% (20 °C)
Henry se konstante	3,0 x 10+18 [L/mol.atm]
Suur-basis eienskappe
pKa	3,15 4,77 en 5.19
Veiligheid
Flitspunt	-
Selfontbrandingspunt	1 010 °C
Tensy anders vermeld is alle data vir standaardtemperatuur en -druk toestande.
Portaal Chemie

Dit is veral bekend as die stof wat suurlemoene 'n suur smaak gee.

Die stof kom voor in party vrugte, veral sitrus, maar word ook wêreldwyd in miljoene tonne per jaar vervaardig.

Die stof speel 'n groot rol in die biochemie omdat dit onderdeel is van die Krebs-siklus. Diere en ook die mens vervaardig sitroensuur en sitraatione uit vette, proteïene en koolhidrate om energie te verkry uit hierdie voedingstowwe. Sitraatione kan ook ophoop in lewende organismes, water in die natuur en in die grond. Die Arabiese navorser Abu Musa Jabir Ibn Hayyan, ook bekend as 'Geber' het dit waarskynlik ontdek. Carl Wilhelm Scheele het dit in 1784 gesuiwer en gekristalliseer. Liebig het in 1834 gevind dat dit 'n triprotiese suur is met 'n hidroksi-groep.