Paulpietersburg
Paulpietersburg is 'n dorp in die noorde van KwaZulu-Natal, Suid-Afrika.
Die dorp het 'n bevolking van 1 859 in 2011 gehad en is genoem na Paul Kruger en Piet Joubert.
Paulpietersburg | |
|---|---|
 Uitsig oor Hoogstraat met Dumbeheuwel in die agtergrond | |
  Paulpietersburg Paulpietersburg se ligging in KwaZulu-Natal | |
| Koördinate: 27°25′S 30°49′O / 27.417°S 30.817°O 30°49′O / 27.417°S 30.817°O | |
| Land |  Suid-Afrika |
| Provinsie | KwaZulu-Natal |
| Distrik | Zululand |
| Munisipaliteit | eDumbe |
| Stigting | 1888 |
| Oppervlak | |
| • Totaal | 36,56 km2 (14,12 vk. myl) |
| Bevolking (2011) | |
| • Totaal | 1 859 |
| • Digtheid | 51/km2 (130/vk. myl) |
| Rasverdeling (2011) | |
| • Wit mense | 37.3% |
| • Indiërs/Asiërs | 1.5% |
| • Bruin mense | 1.0% |
| • Swart mense | 56.7% |
| • Ander | 3.6% |
| Taal (2011) | |
| • Zoeloe | 48.8% |
| • Afrikaans | 23.1% |
| • Engels | 11.5% |
| • Ander | 16.6% |
| Poskode (strate) | 3180 |
| Poskode (posbusse) | 3180 |
| Skakelkode | 034 |
Geskiedenis
Paulpietersburg, saam met Vryheid en Utrecht, was eens op 'n tyd by die Zuid-Afrikaansche Republiek ingelyf. Paulpietersburg was ook op 'n tyd by Zoeloeland ingelyf. Die dorp is in 1888 deur HJ Maarschalk opgemeet as deel van die Zuid-Afrikaansche Republiek. Die oorspronklike naam was Paulpietersrust. Dié naam is later na Paulpietersdorp verander en in 1896 na Paulpietersburg. Met die uitbreek van die Tweede Vryheidsoorlog was daar 20 gesinne in die dorp. Die dorp is na die oorlog by KwaZulu-Natal ingelyf. Die dorp het in 1958 munisipale status behaal.
Distrik
Die distrik is 1 414 km2 groot en waterryk met reënval van tot 1 000 mm per jaar. Gemengde boerdery word beoefen – vleis- en melkbeeste, mielies, sorghum, grondbone en peulplante. Daar is ook groot bloekom-, denne- en wattelplantasies in die distrik.
Geografie
Die dorp lê op die oostelike rand van die Drakensbergeskarp. Die Makateeskop (1 737 m) in die weste en Dumbe (1 526 m) in die suidooste oorheers die omgewing. Dumbe is afgelei van die Zoeloewoord madumbe wat die Zoeloenaam is vir 'n aartappelagtige knol wat op die berg verbou is.
Sien ook
Bronne
Verwysings
This article uses material from the Wikipedia Afrikaans article Paulpietersburg, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.