Palermo: Munisipaliteit in die Italiaanse
Palermo (Italiaans: , luister (hulp·inligting); Sisiliaans: Palermu; Grieks: Πάνορμος, Pánormos) is die hoofstad en regeringssetel van die outonome gewes Sisilië binne die Italiaanse Republiek.
Die stad is ook tegelykertyd die grootste stad in Sisilië en van die Middellandse See-eilande. Saam met die eilande Sardinië en Elba onderskei Sisilië hom van die vastelandse deel van Italië. Met 'n bevolking van 676 118 in 2013 is Palermo na Milaan (Milano), Rome (Roma), Napels (Napoli) en Turyn (Torino) die vyfde grootste stad in Italië. Die inwoners van die stad staan bekend in Italiaans as die Palermitani of poëties die Panormiti. Die Arabies-Normandiese Palermo en die Katedraal-kerke van Cefalù en Monreale is in 2015 deur Unesco as wêrelderfenisgebied gelys. Dit was een van die gasheerstede tydens die FIFA Sokker-Wêreldbekertoernooi in 1990.
| Palermo | |
|---|---|
| Kaart | Wapen |
 | |
 | |
| Vlag | |
 | |
| Land |  Italië |
| Administratiewe gewes |  Sisilië |
| Koördinate | 38°06′N 13°21′O / 38.100°N 13.350°O |
| Stigting | 736 v.C. |
| Oppervlakte: | |
| - Totaal | 158,9 vk km |
| Hoogte bo seevlak | 14 m |
| Bevolking: | |
| - Totaal (2013) | 676 118 |
| - Bevolkingsdigtheid | 4 255/vk km |
| Tydsone | UTC +1 (MET) |
| - Somertyd | UTC +2 (MEST) |
| Burgemeester | Leoluca Orlando (PD) |
| Amptelike webwerf | comune.palermo.it |
Ligging
Palermo is aan die noordweste van die eiland geleë, aan die Tirreense See en daarmee ook aan die Middellandse See. Die stad kyk uit oor die baai van Palermo wat omring word deur 'n aantal berge waaronder Monte Pellegrino, wat saam 'n pragtige beskutting vir die baai vorm wat bekend staan as die Concha d'Oro (die Goue Skulp). Hoewel die Eoliese eilande nie maklik vanuit Palermo bereikbaar is nie, is die eiland Ustica bereikbaar vanuit die hawe per boot. Rondom Palermo is 'n paar mooi strande en pragtige seedorpe waaronder Mondello, Sferacavallo en Cefalù.
Geskiedenis
Palermo is gestig in die 8ste eeu v.C. deur Fenisiese handelaars binne die natuurlike hawe gevorm deur die Concha d'Oro. Die Fenisiese naam vir die stad was Zis, maar die Griekse koloniste het die stad tot Panormos herdoop, wat "volledige hawe" beteken. Palermo was nooit onder Griekse bestuur (soos byvoorbeeld Napels) nie, maar het later van tyd onderdeel geword van die Griekstalige oostelike deel van die Oos-Romeinse Ryk (Bisantynse Ryk). Palermo word deur baie beskou as die stad wat die meeste verower is ter wêreld.
Fotogalery
-
Panorama van Palermo -
Panorama van Palermo -
Palermo in 1888 -
Grafte van Frederick II en Roger II
Eksterne skakels
| Wiki Commons bevat media in verband met Palermo. |
- (en) Toerisme-inligting oor Palermo op Wikivoyage
- (it) Amptelike webwerf
- (en) (fr) Amptelike Unesco-bladsy
This article uses material from the Wikipedia Afrikaans article Palermo, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.