Haat is ’n gevoel wat ’n emosie van woede of gegriefdheid kan ontlok teenoor sekere mense of idees.
Dit word dikwels verbind met ’n gevoel van afkeer, weersin en vyandigheid teenoor die mens of idee.
As ’n emosie kan haat kort of lank duur. Dit kan minder intens wees ("Ek haat broccoli") of intenser ("Ek haat die hele wêreld"). Haat kan ook ’n aangeleerde reaksie wees op eksterne gebeure, soos om beheer of mislei te word. Dit is ’n diepe sielkundige reaksie op ’n gevoel van vasgekeerdheid of ’n onvermoë om sekere sosiologiese afdwingings te verstaan, soos om skuldig bevind te word aan ’n misdaad wat jy nie gepleeg het nie. Die Amerikaanse sielkundige Robert Sternberg het drie hoofelemente in haat geïdentifiseer:
Die belangrike funksie van selfbeskerming wat met haat verbind word, kan geïllustreer word deur Steinberg se ontleding van "opstandige" haat, waar ’n afhanklike verhouding verwerp word in ’n soeke na outonomie.
’n Haatmisdaad verwys gewoonlik na ’n misdaad wat deur haat gemotiveer is. Mense wat haatmisdade pleeg se slagoffers is gewoonlik lid van ’n sekere sosiale groep, wat dikwels gedefinieer word deur gender, godsdiens, seksuele oriëntasie, geestesteuring, gestremdheid, klas, etnisiteit, nasionaliteit, ouderdom, genderidentiteit of politieke partyverband. Die misdaad kan fisieke aanranding, die vernietiging van eiendom, boeliegedrag, teistering, verbale beledigings, of aanstootlike graffiti of briewe behels.
Haatspraak kom dikwels voor om ’n persoon of groep af te kraak gebaseer op hulle sosiale of etniese groep. Die opsetlike gebruik van haatspraak is in baie lande ’n kriminele oortreding. In sommige lande word gedebatteer of haatspraak toelaatbaar behoort te wees as vryheid van spraak.
This article uses material from the Wikipedia Afrikaans article Haat, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.