Wolmaransstad is 'n dorp in die provinsie Noordwes van Suid-Afrika.
Die gesamentlike bevolking in 2011 was 33 492, vergelyke met die sensussyfers van 10 661 in 1991 en 22 183 in 1996.
Wolmaransstad | |
---|---|
Die gebou van die NG gemeente Wolmaransstad, ontwerp deur Gerard Moerdijk. | |
Koördinate: 27°13′0″S 25°58′28″O / 27.21667°S 25.97444°O 25°58′28″O / 27.21667°S 25.97444°O | |
Land | Suid-Afrika |
Provinsie | Noordwes |
Distrik | Dr Kenneth Kaunda |
Munisipaliteit | Maquassi Hills |
Stigting | 1891 |
Oppervlak | |
• Totaal | 41,68 km2 (16,09 vk. myl) |
Bevolking (2011) | |
• Totaal | 3 633 |
• Digtheid | 87/km2 (230/vk. myl) |
Rasverdeling (2011) | |
• Wit mense | 57.4% |
• Indiërs/Asiërs | 2.8% |
• Bruin mense | 2.6% |
• Swart mense | 35.4% |
• Ander | 1.8% |
Taal (2011) | |
• Afrikaans | 71.6% |
• Tswana | 13.0% |
• Engels | 8.2% |
• Sotho | 2.5% |
• Ander | 4.7% |
Poskode (strate) | 2630 |
Poskode (posbusse) | 2630 |
Skakelkode | 018 |
Die eerste aktiwiteit was toe die broers W en TS Leask 'n winkel hier geopen het in 1876. Die nedersetting in die vlak vallei van die Makwassiestroom is op 16 Februarie 1891 geproklameer en vernoem na J.M.A. Wolmarans, lid van die uitvoerende raad van die Zuid-Afrikaansche Republiek, aangesien die dorp op sy plase Rooderand en Vlakfontein aangelê is.
Die NG gemeente is reeds in 1886 gestig, nog voor die dorp geproklameer is en die kerkgebou baie dekades later ontwerp deur die argitek Gerard Moerdijk. Die omgewing was een van die vernaamste brandpunte tydens die Tweede Vryheidsoorlog.
Die distrik is 4 900 km2 groot. Wolmaransstad is beplan as 'n sentrum vir die landbougemeenskap, wat hoofsaaklik mielies produseer. Ander produkte is sorghum en grondbone. Delwers delf nog steeds vir diamante in die Bamboesspruit wes van die dorp.
Die N12 nasionale pad loop deur Wolmaransstad.
Wiki Commons bevat media in verband met Wolmaransstad. |
This article uses material from the Wikipedia Afrikaans article Wolmaransstad, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.