Golden Gate
Die Golden Gate (Afrikaans: Goue Poort) is 'n seestraat met 'n lengte van sowat agt kilometer en 'n wydte van tussen 1,6 en drie kilometer, wat die Stille Oseaan met die San Franciscobaai (Kalifornië, Verenigde State) verbind.
- Hierdie artikel handel oor die seestraat in Noord-Amerika. Vir die Nasionale Park in Suid-Afrika, sien Golden Gate Hoogland Nasionale Park.
| Golden Gate | |
|---|---|
 Die Golden Gate-brug | |
 Die ligging van die Golden Gate | |
| Koördinate: | 37°48′36″N 122°30′0″W / 37.81000°N 122.50000°W 122°30′0″W / 37.81000°N 122.50000°W |
| Ligging: | Kalifornië, Verenigde State |
| Soort: | Seestraat van die Stille Oseaan |
| Maksimum diepte: | 115 m (377 vt) |
| Lengte: | 8 km |
| Breedte: | 1,6–3 km |
| Nedersettings: | San Francisco |
Die deurvaart is as gevolg van die groot verskil in waterhoogte tussen eb en vloed oor duisende jare en die water van die riviere Sacramento en San Joaquin geskep. Die bekende Golden Gate-brug oorspan die seestraat sedert die jaar 1930.
Die Golden Gate en sy omgewing verdwyn gedurende die somer dikwels in die newel, sodat die seestraat deur die vroeë Europese seevaarders nie ontdek is nie. Die Spaanse vlootoffisier Juan de Ayala was die eerste Europeër wat op 5 Augustus 1775 deur die Golden Gate geseil het. Die Spanjaarde het die seestraat oorspronklik Boca del Puerto de San Francisco genoem, tog staan dit sedert die groot Kaliforniese goudstormloop van die jaar 1848 onder sy huidige naam bekend.
Destyds het duisende gouddelwers met hulle skepe deur die seestraat gevaar en daarna in die hawe van San Francisco anker gegooi. Aangesien die goudkoors welvaart en rykdom voorspel het, het die publiek die nuwe naam vinnig aanvaar. Die naam het 'n sinoniem vir die "toegang tot geluk" geword.
Eksterne skakels
- Wiki Afrikaans
Wiki Commons het meer media in die kategorie Golden Gate. - (en) "Golden Gate". Encyclopædia Britannica. Besoek op 2 Augustus 2020.
This article uses material from the Wikipedia Afrikaans article Golden Gate, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.