Gerhard C.
"Gerrie" Nel (* 1961) is 'n Suid-Afrikaanse advokaat wat bekendheid verwerf het vir sy rol as staatsaanklaer in diens van die Nasionale Vervolgingsgesag (NVG). Hy was voorheen hoof van die Direktoraat van Spesiale Operasies, ook bekend as die Skerpioene. Nel het in Desember 2016 by die NVG bedank en is tans hoof van AfriForum se burgerlike ondersoekeenheid. Weens sy vasberadenheid in die hofsaal word hy "bulhond" genoem; hy word gereeld aan moeilike en hoëprofielgevalle toegewys.
Gerrie Nel | |
---|---|
Gebore | Gerhard C. Nel 1961 |
Nasionaliteit | Suid-Afrikaner |
Beroep | Advokaat |
Nel het in 1979 aan die Hoërskool Piet Potgieter in Potgietersrus gematrikuleer en daarna aan die Universiteit van Pretoria in die regte studeer.
Nel het in 1984 as aanklaer begin werk. Hy was 'n junior-aanklaer in die verhoor van Clive Derby-Lewis en Janusz Waluś, waar albei skuldig bevind van die moord op die anti-apartheidsaktivis Chris Hani in 1993. Hy was Gauteng se streekshoof van die NVG se Direktoraat van Spesiale Operasies (Skerpioene) sake-eenheid vanaf die stigting in 1999 tot die ontbinding in 2009.
Nel het in 2010 die vervolging in die verhoor van die voormalige nasionale polisiekommissaris en Interpol-president Jackie Selebi, wie in 2010 aan korrupsie skuldig bevind is, gelei. In 2012 het hy ter erkenning van sy werk in die Selebi-saak twee toekennings ontvang. Hy is deur die plaaslike vereniging van staatsadvokate as aanklaer van die jaar aangewys en het 'n spesiale prestasieprys van die Internasionale Vereniging van Aanklaers vir sy "vurige strewe na die visie van die Nasionale Vervolgingsgesag se ideale om geregtigheid in die samelewing te bereik" ontvang.
Nel was die hoofaanklaer in die 2014-verhoor van Oscar Pistorius vir die moord op Reeva Steenkamp en verskeie vuurwapenverwante aanklagte.
Nel is in Januarie 2008 by sy huis in Pretoria voor sy vrou en kinders deur 'n groep van 20 polisiebeamptes in hegtenis geneem op aanklagte van bedrog, regsverydeling en meineed. Die aanklagte is kort daarna in die Pretoriase streekshof teruggetrek.
Drie dae voor Nel se bedanking uit die NVG het die hoof van die NVG, Shaun Abrahams, ondersoek gelas na Gerrie Nel en ander senior staatsaanklaers in verband met bewysstukke wat kwansuis vervals sy.
Nel het eens op 'n provinsiale vlak in stoei meegeding. Hy onderrig kinders in stoei in die aande.
This article uses material from the Wikipedia Afrikaans article Gerrie Nel, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.