Flaminkplant
Die flaminkplant of Anthurium scherzerianum is ’n spesie in die aronskelkfamilie, Araceae.
| Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Dit is ’n gewilde huisplant. Die flaminkplant is ’n kruidagtige plant sonder opstaande stingels. Alle blare is grondstandig en het lang, stewige stele. Die blare is tot 30 x 8 cm groot, gespits, leeragtig en donkergroen.
| Flaminkplant | |
|---|---|
.jpg) | |
| Wetenskaplike klassifikasie | |
| Koninkryk: | |
| Divisie: | Embryophyta |
| Klas: | Spermatopsida |
| Orde: | Alismatales |
| Familie: | |
| Genus: | Anthurium (Schott, 1857) |
| Spesie: | A. scherzerianum |
| Binomiale naam | |
| Anthurium scherzerianum | |
Die plant kom natuurlik voor van die Amasonebekken tot in Guatemala. Dit verkies warm, vogtige toestande en moenie in ’n trek staan nie.
Eienskappe
Die skutblaar is glad, skarlakenrooi en eier- of hartvormig. Die blomme is baie klein en is slegs as wit puntjies sigbaar. Die ryp, geel, eiervormige bessies staan dig opmekaar in die bloeikolf.
Soms word plante as flaminkplante te koop aangebied wat eintlik hibriede is van dié soort en Anthurium williamsii. Hierdie hibriede het wit, oranje of rooi skutblare.
Probleme
Swamsiekte en wolluise kan voorkom. As die toestande in die winter te koud en nat vir hulle is, kan die blare geel en verlep lyk.
Nes ander aronskelkplante is die flaminkplant giftig weens kalsiumoksalaatkristalle. As dit ingesluk word, kan dit die slymvlies irriteer en die sap kan ’n pynlike veluitslag veroorsaak.
Verwysings
Eksterne skakels
Hierdie artikel is vertaal uit die Nederlandse Wiki
This article uses material from the Wikipedia Afrikaans article Flaminkplant, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.