Die Demokratiese Republiek van Azerbeidjan (DRA) (Azerbeidjans: Azərbaycan Xalq Cümhuriyyəti) was die eerste suksesvolle demokratiese en sekulêre republiek in die Islamitiese wêreld.
Dit was een van die kortstondige Turkssprekende sekulêre republieke wat ontstaan het ná die verbrokkeling van die Russiese Ryk en die opkoms van die Jong Turke in Turkye en die Jadid in Rusland. Kort voor die stigting van die Demokratiese Republiek Azerbeidjan het 'n ander Turkse volk, die Krim-Tatare, 'n soortgelyke poging onderneem, maar hulle Volksrepubliek Krim het tussen 1917 en 1918 minder as een maand lank bestaan.
| |||||
| |||||
Leuse: Bir kərə yüksələn bayraq, bir daha enməz! (Die vlag wat eens geopper is sal nooit val nie!) | |||||
Volkslied: Azərbaycan Marşı (Mars van Azerbeidjan) | |||||
Kaart van die Demokratiese Republiek Azerbeidjan | |||||
Hoofstad | Gence (tot September 1918) Bakoe | ||||
Taal/Tale | Azerbeidjans | ||||
Regering | Republiek | ||||
Wetgewer | Milli Məclis (Nasionale Vergadering) | ||||
Historiese tydperk | Nuwe Tyd | ||||
- Stigting | 29 Mei 1918 | ||||
- Besetting en anneksasie | 28 April 1920 | ||||
Oppervlakte | |||||
- 1918 | 99 908,87 km2 38 575 sq mi | ||||
Bevolking | |||||
- 1918 skatting | 2 000 000 | ||||
Digtheid | 20 /km² 51,8 /sq mi | ||||
Geldeenheid | Manat |
Een van die belangrikste besluite van die parlement was die invoering van vroulike stemreg. Die Demokratiese Republiek van Azerbeidjan was sodoende nie net die eerste merendeels Islamitiese staat waar vroue dieselfde politieke regte soos mans verwerf het nie, maar ook een van die eerste state wêreldwyd.
Die huidige Republiek van Azerbeidjan beskou homself as vregsopvolger van die DRA.
Die DRA is gevorm op 28 Mei 1918 ná die val van die tsaristiese Rusland. Die land het in die noorde aan Rusland, in die ooste aan die Demokratiese Republiek van Armenië, en in die suide aan die Persiese Ryk gegrens. Gence het tydelik as hoofstad van die republiek gedien omdat Bakoe nog deur Bolsjewistiese troepe beset was. In 1920 is die DRA deur die Sowjetunie verower. Vir Wladimir Lenin was Azerbeidjan se olierykdom van strategiese belang.
Wiki Commons bevat media in verband met Azerbaijan Democratic Republic. |
This article uses material from the Wikipedia Afrikaans article Demokratiese Republiek van Azerbeidjan, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.