Andrologie: Mediese veld wat te doen het met manlike gesondheid

Dit is die teenoorgestelde van ginekologie, wat te doen het met vroulike gesondheid.

Andrologie dek afwykings in die bindweefsel van die geslagsdele, sowel as veranderings in die volume selle, soos in genitale hipertrofie en makrogenitosomie.

Uit 'n voortplantings- en urologiese oogpunt sluit mediese en chirurgiese prosedures eie aan mans die volgende in: vasektomie, vasovasostomie ('n omkeringsproses), orchidopeksie (chirurgie aan die testikels), besnydenis, semenbewaring, semenontleding (vir vrugbaargeidsdoeleindes of ná 'n vasektomie), ens.

Anders as met ginekologie, waarvoor talle mediese programme wêreldwyd bestaan, is daar geen vir andrologie nie. Dit word eers sedert die laat 1960's as 'n aparte spesialiteitsveld bestudeer. Die eerste spesialistydskrif oor die onderwerp was die Duitse tydskrif Andrologie (nou genoem Andrologia), wat van 1969 gepubliseer word.

Die volgende spesialistydskrif wat beide basiese en kliniese andrologie gedek het, was die International Journal of Andrology, wat in 1978 gestig is en in 1992 die amptelike tydskrif van die Europese Akademie vir Andrologie geword het. In 1980 het die Amerikaanse Andrologievereniging die Journal of Andrology van stapel gestuur. Dié twee tydskrifte het in 2012 saamgesmelt en die belangrikste tydskrif op die gebied, Andrology, geword. Die eerste uitgawe was in Januarie 2013.

• Die tydskrif Andrology
• Amerikaanse Andrologievereniging
• Europese Akademie vir Andrologie
• Internasionale Andrologievereniging

•   Hierdie artikel is in sy geheel of gedeeltelik uit die Engelse Wiki vertaal.