Indoevropižed keled oma kaikiš znamasižemb kel'kund nügüd'aigan.
Sen keled oma levitadud kaikidme kontinentidme i oma lujas erazvuiččed.
Keled leviganziba Evrazijadme eziauguižešti. Evropan keliden enambuz mülüb indoevropižhe kel'kundha. Pagižijoiden lugu om enamba mi 3,2 milliardad ristituid mamankeleks, mail'man ristitišton nell' ühesandest.
Kel'kundas om 445 eläbad kel't, sidä kesken 313 oma indoiranižed keled. Sen ližaks, erased keled oma kolnuded jo.
Kaikiš surembad oma jäl'ghižed gruppad:
Albanijan kel', grekan kel' i armenijan kel' sätas erigoittud gruppid indoevropižed keliden keskes.
Kaik indoevropižed keled oma flektivižed keled.
Keliden enambusel om kändoid, no niiden kändoiden lugu el olend mugoine sur' nikonz uraližiden keliden rindataden. Erasil ei ole kändoid: anglijan keles i ispanijan keles. Indoevropižiden keliden enambusel sugun kategorii om olmas tobjimalaz, ei ole sugud armenijan i persijan keliš.
This article uses material from the Wikipedia Vepsän article Indoevropižed keled, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Südäimišt voib kacta CC BY-SA 4.0, ku ei ole ozutadud nimidä tošt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Vepsän (DUHOCTRUNGQUOC.VN) is an independent company and has no affiliation with Wiki Foundation.