Irlandijan kel' (ičeze nimituz: Gaeilge , Gaeilge na hÉireann) om valdkundkel' Irlandijas, mugažo EÜ:n üks' oficialižiš kelišpäi.
Se om indoevropine, kel'tine kel'.
Kelen reguliruindorganizacii om Nevondkund irlandijan keles (irl. Foras na Gaeilge, FnaG «Irlandine institut»). Se om sätud vn 1999 2. päiväl tal'vkud Irlandijan Tazovaldkundan ohjastusen aluzkundoiden ühtištusel, pätegendad — kelen kaičend da levitand Irlandii-saredme.
Pagižijoiden lugu om 73 tuhad ristituid kuti maman kel', 1,76 mln kuti toine kel' Irlandijan Tazovaldkundas (vn 2016 Irlandijan rahvahanlugemine, ezmäine om anglijan kel' paksumba kaiked), 104,9 tuhad Pohjoižirlandijas (vl 2011) da 25,8 tuhad AÜV:oiš.
Tahondad pagižijoiden kaikiš surembanke procentanke mamakeleks sijadasoiš Irlandii-saren agjoidme.
Nügüd'aigaine irlandijan kirjkel' om latinan kirjamišton pohjal (Cló Rómhánach «latinan šrift»), se om sätud päivlaskmaižen paginan alusel i kogoneb 18 kirjamespäi, völ kahesa kirjant (j, k, q, v, w, x, y, z) kävutasoiš velgsanoiš vaiše. Ei ole paginoiden virkandan äjid statjoid kirjkeles. Edel 20. voz'sadan kesked paindihe irlandijankel'žid kirjoid gelan šriftal (Cló Gaelach), sen erased kirjamed oma latinan pojavad, kävutadas irdpol'žiš kirjutesiš tähäsai.
Ogamine kirjkel' oli 4.-6. voz'sadoil, konz' kirjutihe znamoid-kirjamid pidust' pirdad, se libui latinan vai saksan kirjkelišpäi.
Irlandijan kel' Vikiaitas |
Nece kirjutuz om vaiše ezitegez. Tö voit abutada meile, ku kohendat sidä da ližadat sihe. |
This article uses material from the Wikipedia Vepsän article Irlandijan kel', which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Südäimišt voib kacta CC BY-SA 4.0, ku ei ole ozutadud nimidä tošt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Vepsän (DUHOCTRUNGQUOC.VN) is an independent company and has no affiliation with Wiki Foundation.