Kani waa maqaal ku saabsan caasimada San Diyeego, Kaliforniya, Maraykanka. Haku khaldin Degmada San Diego
Boga "San Diyego" waxaa laga soo toosiyay halkan.

Caasimadani waxay dhacdaa qiyaastii 120 mayl (190 km) koonfurta Caasimada Los Angeles waxayna xad la wadaagtaa wadanka Meksiko.

San Diego, Kaliforniya
Caasimad
Caasimada San Diego
Sawirada kor ilaa hoos, bidix ila midig: Dabaqyada dhaadheer San Diego, Buundada Koronado , Xarunta Balboa Park, Serra Museum ee Beerta Presidio iyo aqalka Old Point Loma lighthouse
Flag Seal
Nickname(s):  Caasimada ugu fiican Ameerika
Motto(s):  Semper Vigilans (Latino u dhiganta "Waligeed Sareeysa")
San Diego, Kaliforniya Meesha kaga taalo wadanka Maraykanka
Wadan	Maraykanka
Gobol	Kalifornia
Degmo	San Diego
La aasaasay	Luuliyo 16, 1769
Dowlada hoose	Maarso 27, 1850
Dowlada
• Nuuca	Duq-magaalo
• Body	Golaha Caasimada San Diego
• Duqa-magaalada	Kevin Faulconer
• Xeer ilaaliyaha Caasimada	Jan Goldsmith
• Golaha Caasimada	Liiska • Sherri Lightner • Lorie Zapf • Todd Gloria • Myrtle Cole • Mark Kersey • Chris Cate • Scott Sherman • David Alvarez • Marti Emerald
Area	372.40 sq mi (964.51 km2)
• Land	325.19 sq mi (842.23 km2)
• Water	47.21 sq mi (122.27 km2)  12.68%
Joogga	422 ft (129 m)
Highest elevation	1,591 ft (485 m)
Lowest elevation	0 ft (0 m)
Tirada dadka (Luuliyo 1, 2014)
• Caasimad	1,381,069
• Rank	1aad Degmada San Diego 2aad Kaliforniya 8aad wadanka Maraykanka
• Cufnaanta dadka	4,003/sq mi (1,545.4/km2)
• Urban	2,956,746 (15aad)
• Metro	3,095,313 (17aad)
Magac kale	San Diegan
Aag saacadeed	UTC−8 (Pacific)
• Xagaa (DST)	UTC−7 (PDT)
ZIP kode	92101–92124, 92126–92132, 92134–92140, 92142, 92143, 92145, 92147, 92149–92155, 92158–92161, 92163, 92165–92179, 92182, 92186, 92187, 92190–92199
Area kode	Area kode 619, 858
FIPS kode	06 66000
Astaanta GNIS	GNIS 4
Website	www.sandiego.gov

Caasimada San Diego waxay leedahay bulsho lagu qiyaasay 1,381,069 sida ku xusan tirokoob dowlada dhexe ee Maraykanku sameeysay Luuliyo 1, 2014. Waxaa sidoo kale tirokoobtaasi lagu ogaaday in San Diego tahay caasimada sideedaad ee ugu bulshada badan wadanka Maraykanka, iyo magaalada labaad ee ugu weyn gobolka Kaliforniya. Sida taariikhdu xustey, caasimada San Diego waa meesha ku dhalatay gobolka Kaliforniya waxayna caan ku tahay cimilada degan sanadkoo dhan, biyaha dabiiciga ah, dekedaha dabiiciga ahee dhaadheer, xeebaha bilicda san leh, iyo rukunka ay u tahay Ciidamada Ilaalada Badaha Maraykanka (U.S Navy).

Taariikh ahaan waxaa deegaanka San Diego waligoodba soo degenaan jirey qabiilka Kumeyaay ee dadka asal ahaan loogu yimid qaarada Ameerika ee loo yaqaano Hindida Cas. Qiyaastii 1542dii ayaa sahamiyihii ugu horeeyay ee reer Yurub ahi yimid deegaanka San Diego; ninka la odhan jiey Juan Rodriuez Kabrillo oo ahaa Isbaanish ayaa sheegtay deegaanka San Diego asagoo matalaya boqortooyadaii Isbayn. Boqortooyada Isbayn oo wakhtigaasi gumeysaneysay deegaanda koonfurta Waqooyiga Ameerika oo u bixisey "Meksiko Cusub" ayaa deegaanka San Diego iyo meelo badan oo Kaliforniya ah ka abaabushay maamul hoos tega Meksikoda Cusub. Si kastaba ha ahaatee, 1821kii ayaa Meksiko xoriyada ka qaadatey boqortooyadii Isbayn, goortaasi oo Kaliforniya la jaanqaadey maamulkaasi cusub. Dagaalkii Mareykanka iyo Meksiko ee 1850kii ayaa Kaliforniya oo dhan ku raacdey wadanka Maraykanka, sidaasi oo San Diego ku noqotey cari Maraykan.

Caasimada San Diego waa fadhiga dowlada Degmada San Diego, waana xarun weyn oo dhaqaalaha iyo ganacsiga ee gobolka. Caasimada San Diego iyo Tijuana metropolitan waa mid ka mid ah deegaanda ugu bulshada badan galbeedka wadanka Maraykanka. Sidoo kale waxaa deegaankani caan ku yahay dalxiiska, tamashlaha, dabaasha, ganacsiga caalamiga ah, waxsoosaarka wershadaha, xarumaha ciidamada qalabka sida ee Maraykanka iyo xarumo waaweyn oo hoostega Wasaarada Difaaca Wadanka.

Sidoo kale waxaa San Diego ku yaala Jaamacada Kaliforniya, Xarunta San Diego oo ah mid ka mida kuwa ugu aqoonta badan deegaanka. Waxaa iyadna ku yaala Caasimadan iyo agagaarkeeda sheeybaadhyo cilmibaadhis, xarumo caafimaad iyo xarumo biyoteknooloji.

 

 

 

Deegaanka caasimada San Diego waxaa markii ugu horeeysay lagu magacaabay San Miguel oo loogu magacdaraayay ninkii ugu hore yimid deegaanka sanadkii 1542. Laakiin waxaa magaca San Diego bixiyey nin la odhan jirey Sebastián Vizcaíno sanadkii 1602dii.

Intaanu iman nin cad waxaa deegaanka San Diego ku dhaqnaa dad ka mid kuwa asal ahaan loogu yimid qaarada Ameerika; gaar ahaan qabiilada San Dieguito iyo La Jolla. Tirada ugu badan dadka ku dhaqnaa deegaankan ee Hindida Cas ka tirsanaa waa qabiilka Kumeyaay.

Qofkii ugu horeeyay ee soo sahamiyay deegaanka wuxuu ahaa sahamiye Bortaqiis ah oo la odhan jirey Juan Rodríguez Cabrillo, kaasi oo ku socday markab lagu magacaabi jirey San Salvador oo watay calanka boqortooyadii Isbayn; sidaasi ayay dowladii Isbayn ku sheegatay deegaankaasi. Si kastaba ha ahaatee, Noofembar 1602 ayaa nin la odhan jirey Sebastián Vizcaíno dowladii Meksikada Cusub u soo dirtey inuu soo xadeeyo deegaanada Kalifornia iyo nawaaxigeeda. Goortii uu soo gaadhay dekeda gacanka San Diego ayaa wuxuu ku dhawaaqay magaca magaaladaasi oo uu ku sharfayay mid ka mid aha askartiisa.

Dhismihii ugu horeeyay wuxuu ahaa Maayo 1769dii goortaasi oo laga taagay guryo dhowr ah oo iskugu jira meelo diinta Masiixiga lagu baro dadka deegaanka iyo guryo kooban.

Caasimada San Diego waxaa ku dhaqan bulsho dhan 1,307,402 sida ay sheegtay dowlada dhexe tirokoob ay samaysay sanadkii 2010ka. Caasimadu waxay ku fadhidaa dhul baaxadiisu dhan tahay 372.1 mayl labo laaban (963.7 km²).