मोहम्मद मोर्सी: मिश्रको पाँचौं राष्ट्रपति

मोर्सी पहिले इञ्जिनियर थिए। उनको शिक्षा अमेरिकामा भएको थियो। २00१- २00५ को मिश्र आम चुनावमा स्वतन्त्र सांसद थिए। उनी जनवरी २0११ मा मुस्लिम ब्रदरहुडको राजनीतिक दल को फृडम एन्ड जस्टिस पार्टीको अध्यक्ष थिए। मुस्लिम ब्रदरहुडका राष्ट्रपतिको उम्मेदवारी खरत अल-शातेरलाई मुस्लिम ब्रदरहुड पार्टीको राष्ट्रपति पदका उम्मेद्वार बनेको थियो जब होस्नी मुबारक शासनको समयमा दर्ज गरिएको आपराधिक मामलाको कारण राष्ट्रपति उमेदवार हुन अयोग्य ठहर गरेकाले ,मोर्सी राष्ट्रपतिको उम्मेद्वार बनेका थिए।

३० जुन २०१३ मा इजिप्टका जनता मोहम्मद मोर्सीको विपक्षमा सडकमा उत्रिएपछि ठूलो प्रदर्शन भयो। इजिप्ट भर झडप भयो। त्यसको लगत्तै, इजिप्टको सेनाले टेलिभिजन प्रसारणमा "देशका राजनीतिक दलहरूलाई मोर्सी विरोधी प्रदर्शनकारीहरूको माग पूरा गर्न जुलाई ३ सम्मको समय दिएको" ४८ घण्टाको अल्टिमेटम जारी गर्‍यो। त्यतिन्जेलसम्म विवाद समाधान नभएमा इजिप्टको सेनाले हस्तक्षेप गर्ने धम्की पनि दिएको थियो।

३ जुलाई २०१३ मा, इजिप्टको सशस्त्र बलले "राजनीतिक दलहरूले समयसीमा पूरा गर्न असफल भएका र मोर्सीले आफ्नो नेतृत्वको लागि राष्ट्रिय सहमति निर्माण गर्न असफल भएका र सेनाले मोर्सीलाई 'कू' द्वारा अपदस्त गुर्नु परेको" घोषणा गर्यो। सेनाले त्यसपछि सर्वोच्च संवैधानिक अदालतका प्रधानन्यायाधीश अदली मन्सुरलाई नयाँ राष्ट्रपति चयन गर्न नसकेसम्म राज्यको अन्तरिम राष्ट्रप्रमुखको रूपमा नियुक्त गर्‍यो, र "हिंसा भड्काउने र शान्तिक सुव्यवस्था खलाल पुर्याएको" आरोपमा मुस्लिम ब्रदरहुडका धेरै सदस्यहरूलाई गिरफ्तार गर्ने आदेश दिइयो। अब्देल फतेह अल-सिसी ले टेलिभिजनमा राष्ट्रपतिले "इजिप्टका जनताका मागहरू पूरा गर्न असफल भएको" घोषणा गरे संविधान अस्थायी रूपमा निलम्बित हुने कुरा घोषणा गरे । मोर्सी विरोधी प्रदर्शनकारीले यसको स्वागत गर्‍यो भने  मोर्सी समर्थकहरूको यसको बिरोध गर्‍यो।  

 

मृत्यु

इजिप्टका पूर्वराष्ट्रपति मोहम्मद मोर्सीको १७ जुन २०१९ मा अदालतमै निधन भएको थियो । आफूविरुद्ध लागेको अभियोगका विषयमा सुनुवाइका क्रममा अदालतमा उपस्थित गराइएका उनको मृत्यु भएको हो ।

मुस्लिम ब्रदरहुडका ६७ वर्षीय नेता मोर्सीलाई जासुसीको अभियोगसम्बन्धी मुद्दाको सुनुवाइका लागि अदालतमा उपस्थित गराइएको थियो । जासुसीसम्बन्धी अभियोग तथा प्यालेस्टाइनी इस्लामिक समूह हमाससँग शंकास्पद सम्बन्धबारेको मुद्दामा बयान दिए लगत्तै उनी बेहोस भएका थिए ।

बेहोस् भएर लडेको केही समयमै उनको निधन भएको थियो ।

घरेलू नीति

विदेश नीति