Bahaso Turki

Bahaso Turki
Ditutuakan di	Turki,; Bulgaria,; Republik Makedonia Utara,; Rumania,; Republik Turki Siprus Utara,; Yunani,; Irak,; Suriah,; Azerbaijan,; Jerman,; Parancih,; Balando,; Austria,; Uzbekistan,; Baritania Rayo,; Amerika Sarikaik,; Belgia,; Swiss,; Italia
Rantau	Anatolia, Siprus, Balkan, Kaukasus, Eropa Tengah, Eropa Barat
Jumalah panutua	70-100 juta (indak ado tanggal)
Rumpun bahaso	Altaik? Turkik Turki Selatan Turki Barat Daya Turki Anadolu Lamo Osmali Bahaso Turki; ; ; ; ; ;
Status rasmi
Bahaso rasmi di	Turki,; Siprus,; Republik Turki Siprus Utara,; Republik Makedonia Utara,; Kosovo
Kode-kode bahaso
ISO 639-1	tr
ISO 639-2	tur
ISO 639-3	tur

Asa mulo

Bahaso Turki pado mulonya barasa dari Asia Tangah, dimano basabuik kalompok Oguz, bapindah inggo ka jazirah Anatolia, Asia Kaciak. Bahaso cabang Oguz ko samakin lamo mulai barubah. Kalompok Oguz ko taseba dari Anatolia inggo Selat Bosporus. Kalompok nan mambaok bahaso ko adolah kalompok Seljuk pado abaik ka-10. Samanjak Islam lah mulai dianuik masyarakaik Turki, bahaso Turki di wilayah Anatolia mulai manyerap babagai kosakata dari bahaso Arab dan bahaso Persia. Bahaso Turki kudian pado abaik 15 mancapai puncak kajayaannyo pado maso Kesultanan Utsmaniyah. Pado maso Utsmaniyah ko, bahaso Turki ditulih dalam aksara Huruf Arab. Tapi, samanjak taun 1928, Mustafa Kemal Atatürk, nan tanamo sabagai bapak Turki Sekuler barusaho mambaratkan Turki sarato mangganti sado ijoan bahaso Turki manjadi abjad Latin.

Klasifikasi bahaso

Bahaso Turki marupokan anggota cabang dari bahaso-bahaso Turki, nan tadiri dari bahaso Turki Gagauz jo bahaso Turki Khorasani. Tagolong subkalompok Turki Selatan, nan masuak dalam kalompok bahaso Altai.

Daerah sebaran tutur

Bahaso Turki ditutuakan di Turki jo 35 nagara lainnyo. Bahaso ko ditutuakan di Bulgaria sabanyak 1 juta jiwa, Yunani sabanyak 100 ribu jiwa, Republik Turki Siprus Utara sabanyak 18% panduduak Siprus, Makedonia sabanyak 86.591 jiwa, Rumania di kawasan Dobruja dan Uzbekistan, bahaso ko juo disabuik sabagai Osmanli.

Status rasmi

Bahaso Turki manjadi bahaso rasmi di Turki jo Republik Turki Siprus Utara. Salain itu, bahaso ko juo diajakan di sikolah-sikolah komunitas Turki di Bulgaria, Yunani, Makedonia jo Rumania.

Dialek

Bahaso Turki tabagi dek bara dialek, sarupo dialek Danubia nan batutuakan di wilayah Balkan, Gaziantep, Sanliurfa, Edirne, Razgrad, Dinler, Rumelia, Karamanli dan Eskisehir.

Sistem panulisan

Di maso Kasultanan Utsmaniyah, bahaso Turki ditulih sarupo jo aksara Huruf Arab, namun sajak taun 1928, bahaso Turki ditulih dalam Huruf Latin nan tamodifikasi.

Kosakata

Daulu, pado zaman Kasultanan Utsmaniyah, bahaso Turki kayo jo kosakata bahaso Arab inggo bajumlah 80%. Katiko bakuaso, Mustafa Kemal Atatürk mandirian limbago bahaso nan tugehnyo adolah mangambangkan kosakata Turki atau Altai sabagai revitalisasi bahaso ko. Kini kosakata Arab tingga 30% sajo.

Contoh kato

Amaik banyak - Bol bol
Hotel - Otel
0 - sıfır
1 - bir
2 - iki
3 - üç
4 - dört
5 - beş
6 - altı
7 - yedi
8 - sekiz
9 - dokuz
10 - on
Ambo, den - Ben
Bungo opium/ganjo - Haşhaş
Wawancara - Görüşme
Yahudi - Yahudi
Yayasan - Vakıf
Biawak - Varan
Rancak- İyi
Kaco muko oto - Ön cam
Profesi - İş
Kaciak - Küçük
Gadang - Büyük
Halo, Hai - Merhaba, Selam
Apo kaba? - Nasılsın?
Salamaik pagi - Günaydın
Salamaik siang - Tünaydın
Salamaik patang - İyi akşamlar
Salamaik malam - İyi geceler
Suai, lumayan - İyi, fena değil
Ancak (padusi) - Güzel
Sanak, lai indak baa? : İyi misin?
Tarimo kasih : Teşekkürler, Teşekkür ederim
Bahaso Indonesia : Endonezce
Urang Indonesia : Endonezyalı
Bahaso Turki : Türkçe
Urang Turki : Türk/Türkiyeli
Apokoh Sanak lai dapek babicaro dalam bahaso Indonesia? : Endonezce konuşabiliyor musun(-uz)?

Caliak pulo

Ado edisi Bahaso Turki di Wiki

Bahaso Turki Ottoman
Daftar Bahaso

Rujuakan

Pautan lua

(Inggirih) Wikibooks - Baraja Bahaso Turki

This article uses material from the Wikipedia Minangkabau article Bahaso Turki, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Konten tasadio di bawah CC BY-SA 4.0 kacuali dinyatoan lain. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Minangkabau (DUHOCTRUNGQUOC.VN) is an independent company and has no affiliation with Wiki Foundation.