Ikan Sakti Di Sungai Janiah

Carito tu manjadi hal nan menarik bagi wisatawan yang bakunjuang ka daerah tu. Ikan sakti tu jumlahnyo dipakiroan sampai ribuan ikua. Bara ikua diantaronyo ado nan sagadang kabau jo barek kiro-kiro duo ratuih kilogram. kisah tu taruih menarik dicaritoan urang gaek jo sepuh masyarakaik satampek nan setia maagiah makan ikan tu jo kasungguahan sambia malayani wisatawan yang bakunjuang ka lokasi 'ikan sakti' tasabuik.

Dicaritoan, ikan sakti tu barasal dari anak balita yang mahilang dari urangtuo nyo waktu mambukak paladangan di pabukikan di sakitar kolam ikan sakti, yang kini tampeknyo persis di muko masajik pakampuangan Sungai Janiah. Balita tu ilang katiko urangtuonyo sadang lamak mancangkua di ladangnyo. Urangtuonyo pun mancari kian-kamari di sakitar kawasan paladangan tu. Sudah dicari bana bahari-hari, baminggu, jo bahitung bulan, tapi anak tu ndak kunjuang juo basobok. Tapi, suatu katiko urang kampuang dikajuikan jo paristiwa aneh nan bamunculan saikua ikan yang mancicik-cicik saolah-olah mintak makanan dari sabuah kolam yang ndak jauahtampeknyo dari tampek laki-bini petani yang kahilangan balita tu baladang. Antah sia yang maagiah info partamo, ikan mancicik-cicik mintak makan tu disangko kuek adolah balita nan hilang. Informasi tu capek manyebar diantaro kampuang. Hinggo kini, warga satampek mampacayoi kebenaraan legenda tu. warga batua-batua pandai dalam mangisahan carito tasabuik kapado wisatawan yang bakunjuang manyaksikan ikan sakti tu.