Upacara ko adolah bantuak raso syukur kapado Tuhan karano alah diagiah nikmat barupo bayi ka dunia. upacara turun mandi ko batujuan untuak maagiah tau ka masyarakaik kalau alah lahia katurunan baru dari sabuah keluarga atau dari sabuah suku.

Katantuan hari diadoannyo upacara turun mandi ko adolah, jiko bayinyo padusi, mako upacara turun mandi diadoan pado hari ganok dihituang dari hari lahianyo si bayi. Namun, jiko bayinyo laki-laki, mako upacara turun mandinyo diadoan pado hari ganjia dihituang dari hari lahianyo si bayi.

Syarat

Upacara turun mandi ko mamiliki babarapo syarat dalam pelaksanaannyo. Syarat-syarat itu antaro lain :

1. Upacara turun mandi harus diadoan di batang ayia
2. Keluarga bayi manyadioan batiah bareh badulang (bareh nan digoriang). Batiah bareh badulang ko akan dibagi-bagian kapado anak-anak yang ikuik dalam upacara turun mandi.
3. Keluarga bayi manyadioan sigi kain buruak (obor yang dibuek dari kain-kain nan lah cabiak). Sigi dibaka dari rumah sampai ka batang ayia tampek bayi dimandian. Sigi kain buruak ko bamakna kalau si anak indak akan manamui hambatan dalam manuntuik ilimu.
4. Keluarga bayi manyadioan tampang karambia tumbuah (tampang karambia yang bisa ditanam). tampang karambia ko beko dianyuikan dari ateh, tu ditangkok dek ibu bayi katiko tampang karambia tu sampai di dakek bayi.
5. Keluarga bayi manyadioan tangguak. Tangguak malambangan bakal ekonomi si bayi. Tangguak difungsian untuak malatakan batu yang diambiak dari batang ayia sabanyak tujuah buah. Batu jo tampang karambia dibaok ka rumah. Batu ko dimasuak an ka dalam lubang tampek tampang karambia ditanam.
6. Keluarga bayi manyadioan kapalo nasi (nasi yang talatak paliang ateh). Kapalo nasi ko disiram jo darah ayam sarato arang.

Referensi

1. https://padek.co/cetak/berita/117828/Upacara_Turun_Mandi_Adat_Minangkabau Archived 2019-10-29 di Wayback Machine.
2. http://syariah.uin-malang.ac.id/index.php/komunitas/blog-fakultas/entry/upacara-adat-turun-mandi-di-minangkabau Archived 2019-10-29 di Wayback Machine.
3. https://1001indonesia.net/turun-mandi/