Fiangonana Ôrtôdôksa Teoahedo Etiôpiana
Ny Fiangonana Ôrtôdôksa Etiôpiana na Fiangonana Ôrtôdôksa Teoahedo Etiôpiana dia fiangonana antekalkedôniana niforona tao Etiôpia, mahaleo tena hatramin' ny taona 1959, izay miombona ao amin' ny Fiangonan' ny kônsily telo.
Anisan' ny fiangonana kristiana tranainy indrindra maneran-tany izy satria efa niforona tany amin' ny taonjato faha-4. Atao hoe የኢትዮጵያ ኦርቶዶክስ ተዋሕዶ ቤተ ክርስቲያን / Yäiotyop'ya Ortodoks Täwahedo Bétä Krestiyan izy amin' ny teny amharika.
Manaraka ny fombam-pivavahana geezy io fiangonana io. Ny lehibeny amin' izao fotoana anoratana izao (2019) dia i Mathias, izay voafidy tamin' ny 28 Febroary 2013 sady nandimby an' i Paulos.
Tsy dia nanam-pifandraisana firy amin' ny fiangonana kristiana hafa maneran-tany ny Fiangonana Ôrtôdôksa Etiôpiana teo anelanelan' ny taonjato faha-7 hatramin' ny faha-14, ka nahitana fiainana ara-panahy sy teôlôjia ary fanao litorjika azy manokana, izay iharan' ny Testamenta Taloha. Mônôfizita ny Fiangonana Ôrtôdôksan' i Etiôpia. Anisan' ny boky kanônikany ny Bokin' ny Fiakaran' i Isaia sy ny Bokin' ny Jobily ary ny Bokin' i Henôka.
Jereo koa
- Kanônan' ny Baiboly ôrtôdôksa teoahedo
- Kristianisma ôrtôdôksa
- Fiangonana ôrtôdôksa teoahedo
- Fiangonana Ôrtôdôksa Teoahedo Eritreana
- Kristianisma ao Etiôpia
- Fivavahana ao Etiôpia
- Kolontsain' i Etôpia
- Vahoaka ao Etiôpia
- Kristianisma aty Afrika
- Fivavahana aty Afrika
- Etiôpia
This article uses material from the Wikipedia Malagasy article Fiangonana Ôrtôdôksa Teoahedo Etiôpiana, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Mitondra ny lisansa CC BY-SA 4.0 ny votoatiny raha tsy misy zava-kafa ambara. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Malagasy (DUHOCTRUNGQUOC.VN) is an independent company and has no affiliation with Wiki Foundation.