Andro Fahafito Fiangonan' Andriamanitra
Ny Fiangonan' Andriamanitra (Andro Fahafito) no iantsoana ireo fiangonana kristiana izay mitandrina ny Sabata manomboka amin' ny Zoma hariva hatramin' ny Asabotsy hariva.
Niorina tamin' ny taona 1863 ny voalohany amin' izy ireo. Ireo mpanorina azy dia nisaraka tamin' ny Adventistan' i Ellen G. White tamin' ny taona 1858. Ireo Adventista sisa tamin' izay no lasa Fiangonana Adventista Mitandrina ny Andro Fahafito tamin' ny taona 1863. Atao hoe Church of God (Seventh-Day) izy amin' ny teny anglisy. Isan' ny mampiavaka azy ny tsy finoany ny Trinite.
_con_sede_en_Denver,_CO.png)
Nivaky roa ny Fiangonan' Andriamanitra (Andro Fahafito) tamin' ny taona 1933 ka ny iray nanana ny foibeny tao Salem any West Virginia sady nitondra ny anarana hoe Church of God (Seventh day) - Salem Conference fa ny faharoa kosa tao Denver any Colorado sady fantatra amin'ny anarana hoe General Conference of the Church of God (Seventh-Day). Ny Worldwide Church of God dia niendaka avy amin’io. Nitambatra indray izy ireo tamin'ireo taona 1940.
Ny Conférence Général de l'Église de Dieu (Septième Jour) dia vondrona ahitana mpikambana betsaka indrindra nefa misy koa Fiangonan' Andriamanitra (Andro Fahafito) hafa sasany tsy miankina, ka raha ny ao Etazonia dia ahitana vondrona roa vitsy mpikambana, ka ny iray dia manana ny foibeny ao Salem any Virjinia Andrefana fa ny faharoa any Meridian any Idaho.
Jereo koa:
Loharano
This article uses material from the Wikipedia Malagasy article Fiangonan' Andriamanitra (Andro Fahafito), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Mitondra ny lisansa CC BY-SA 4.0 ny votoatiny raha tsy misy zava-kafa ambara. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Malagasy (DUHOCTRUNGQUOC.VN) is an independent company and has no affiliation with Wiki Foundation.