Verkfræði

Starfsheitið verkfræðingur er lögverndað skv. lögum nr. 8 frá 11. mars 1996. Þeir einir geta kallað sig verkfræðinga, sem lokið hafa námi í verkfræði á meistarastigi (eða sambærilegu) í (tækni)háskóla.

Megingreinar verkfræðinnar eru:

• Byggingaverkfræði
• Efnaverkfræði
• Rafmagnsverkfræði
• Vélaverkfræði

Undirgreinar eru m.a.:

• Eðlisverkfræði
• Efnaverkfræði
• Fjarskiptaverkfræði
• Fjármálaverkfræði
• Flugvélaverkfræði
• Geimverkfræði
• Heilbrigðisverkfræði
• Hátækniverkfræði
• Hugbúnaðarverkfræði
• Iðnaðarverkfræði
• Kjarnorkuverkfræði
• Rekstrarverkfræði
• Tölvunarverkfræði
• Tölvuverkfræði
• Umhverfisverkfræði

Við Verkfræðideild Háskóla Íslands eru kenndar eftirtaldar verkfræðigreinar:

• Efnaverkfræði
• Rafmagns- og tölvuverkfræði
• Tölvunar- og hugbúnaðarverkfræði
• Umhverfis- og byggingaverkfræði
• Véla- og iðnaðarverkfræði

Við Verkfræðideild Háskólans í Reykjavík eru kenndar eftirtaldar verkfræðigreinar:

• Byggingarverkfræði
• Vélaverkfræði
• Fjármálaverkfræði
• Heilbrigðisverkfræði
• Hugbúnaðarverkfræði
• Hátækniverkfræði
• Rekstrarverkfræði
• Rafmagnsverkfræði

Við þýðingu á texta þarf að hafa í huga að enska orðið engineer er mun víðtækara en íslenska orðið verkfræðingur. Engineer getur átt við starfsheitin tæknimaður, vélfræðingur, vélstjóri, tæknifræðingur o.s.frv eða verkfræðing, sem getur valdið ruglingi við þýðingu. T.d. væri nær lagi að tala um tæknisveit hers í stað verkfræðisveitar. Á ensku á starfsheitið Civil engineer einkum við byggingaverkfræðing, en í Skandinavíu á sambærilegt heiti, þ.e. civilingenjör (sænska), sivilingeniør (norska) og civilingeniør (danska) við prófgráðu í verkfræði sem er sambærileg við meistara gráðu, og er notað um verkfræðinga almennt.

 

Wiki Commons er með margmiðlunarefni sem tengist Engineering.

• Verkfræðingafélag Íslands
• Stéttarfélag verkfræðinga
• Lög um löggildingu starfsheita
• Heimasíða Verkfræðideildar Háskóla Íslands
• Heimasíða Verkfræðideildar Háskólans í Reykjavík Geymt 27 janúar 2007 í Wayback Machine