ડેવિડ બેકહામ

David Beckham

Personal information
પુરું નામ	David Robert Joseph Beckham
જન્મ તારીખ	(1975-05-02) 2 May 1975 (ઉંમર 48)
ઊંચાઈ	6 ft 0 in (1.83 m)
રમતનું સ્થાન	Midfielder
Club information
વર્તમાન ક્લબ	Los Angeles Galaxy
અંક	23
Youth career
	Brimsdown Rovers
1987–1991	Tottenham Hotspur
1991–1993	Manchester United
Senior career*
વર્ષ	ટીમ	Apps†	(Gls)†
1993–2003	Manchester United	265	(62)
1995	→ Preston North End (loan)	5	(2)
2003–2007	Real Madrid	116	(13)
2007–	Los Angeles Galaxy	36	(6)
2009	→ Milan (loan)	18	(2)
National team‡
1994–1996	England U21	9	(0)
1996–	England	114	(17)
* Senior club appearances and goals counted for the domestic league only and correct as of 22 August 2009. † Appearances (Goals). ‡ National team caps and goals correct as of 9 September 2009

ડેવિડ રોબર્ટ જોસેફ બેકહામ, ઓબીઇ(OBE) (જન્મ 2 મે, 1975) એક અંગ્રેજ ફૂટબોલ ખેલાડી છે જેઓ હાલમાં અમેરિકાની અગ્રણી લીગ સોકર ક્લબ લોસ એન્જલસ ગેલેક્સી અને ઇંગ્લેન્ડની રાષ્ટ્રીય ટીમ માટે મિડફિલ્ડમાં રમે છે.

ફિફા(FIFA) વર્લ્ડ પ્લેયર ઓફ ધી યર માટે બે વખત બીજા ક્રમે રહેલા અને વર્ષ 2004માં વિશ્વના સૌથી વધુ નાણાં મેળવતા ફૂટબોલ ખેલાડી, બેકહામ 100 ચેમ્પિયન્સ લીગ મેચ રમનારા પ્રથમ બ્રિટીશ ફૂટબોલ ખેલાડી છે. વર્ષ 2003 અને 2004 બંનેમાં ગૂગલ(Google) પર શોધવામાં આવતા રમત-ગમત અંગેના બધા જ શીર્ષકોમાં તેઓ મોખરાનું સ્થાન ધરાવતા હતા. આ પ્રકારની વૈશ્વિક ઓળખ સાથે તેઓ જાહેરાતની શ્રેષ્ઠ બ્રાન્ડ અને ટોચના ફેશન પ્રતિક બની ગયા. બેકહામ 15 નવેમ્બર, 2000[21]થી વર્ષ 2006ની ફિફા(FIFA)વિશ્વ કપની ફાઇનલ[23] સુધી ઇંગ્લેન્ડની ટીમના કપ્તાન તરીકે રહ્યા હતા, તે દરમિયાન તેઓ 58 વખત રમ્યા હતા. ત્યાર પછી પણ તેઓ તેમના દેશનું પ્રતિનિધીત્વ કરતા રહ્યા અને 26 માર્ચ, 2008ના રોજ ફ્રાન્સ વિરૂદ્ધ તેમણે ઇંગ્લેન્ડ માટે સૌથી વધુ ચર્ચામાં રેહેલી એકસોમી કેપ મેળવી. તેઓ હાલમાં ઇંગ્લેન્ડના 113 મેચો સાથે સૌથી વધુ કેપ ધરાવતા આઉટફિલ્ડ ખેલાડી છે.

બેકહામે જ્યારે વર્ષ 1992માં 17 વર્ષની ઉંમરે માન્ચેસ્ટર યુનાઇટેડ સાથે વ્યાવસાયિક કરાર કરીને ટીમમાં પ્રથમ વાર પ્રવેશ કરી તેની કારકિર્દીની શરૂઆત કરી. [28] તેના સમય દરમિયાન, યુનાઇટેડે છ વખત પ્રિમીયર લીગ ટાઇટલ, બે વખત એફએ કપ અને વર્ષ 1999માં યુઇએફએ (UEFA) ચેમ્પિયન્સ લીગ જીતી લીધી હતી. [29] વર્ષ 2003માં રિયલ મેડ્રીડ સાથે કરાર કરવા માટે તેમણે મેન્ચેસ્ટર યુનાઇટેડ છોડી દીધી અને તેમણે ચાર સીઝન દરમિયાન ક્લબ સાથેની અંતિમ સીઝનમાં લા લિગા ચેમ્પિયનશીપમાં જીત મેળવી હતી.

જાન્યુઆરી 2007માં, એવી જાહેરાત કરવામાં આવી કે બેકહામ રિયલ મેડ્રીડ છોડી દેશે અને અગ્રણી લી સોકર ક્લબ લોસ એન્જલસ ગેલેક્સી સાથે પાંચ વર્ષનો કરાર કરશે. બેકહામનો લોસ એન્જલસ ગેલેક્સી સાથેનો કરાર 1 જૂલાઇ, 2007ના રોજથી અમલી બન્યો અને તેને એમએલએફના ઇતિહાસમાં સૌથી વધુ પગાર મેળવી આપ્યો તેણે 21 જૂલાઇના રોજ ધી હોમ ડિપોટ સેન્ટર ખાતે ચેલ્સીયા સામેની એક ઔપચારિક મેચમાં પ્રથમ વખત ટીમ તરફથી રમવાની શરૂઆત કરી અને 15 ઓગસ્ટના રોજ, 2007 સુપરલિગા સેમીફાઇનલમાં પ્રથમ ગોલ કરીને ટીમ સાથે રમવાની શરૂઆત કરી. 18 ઓગસ્ટના રોજ જાયન્ટ્સ સ્ટેડિયમ ખાતે વિક્રમજનક પ્રેક્ષકોની હાજરીમાં તેણે પ્રથમ લીગની શરૂઆત કરી. બેકહામે પૂર્વ સ્પાઇસ ગર્લ વિક્યોરિયા બેકહામ (née Adams)સાથે લગ્ન કર્યા અને આ દંપતિને ત્રણ સંતાનો છે અને હાલમાં તેઓ કેલિફોર્નયાના બેવર્લી હિલ્સ ખાતે રહે છે.

બાળપણ અને કારકિર્દીનો પ્રારંભ

બેકહામનો જન્મ ઇંગ્લેન્ડના લંડન શહેરમાં લેટોનસ્ટોનના વ્હીપ્સ ક્રોસ યુનિવર્સિટી હોસ્પિટલ ખાતે થયો હતો. તેઓ ડેવિડ એડવર્ડ એલન "ટેડ" બેકહામ (બી.એડમોન્ટન, લંડન, જૂલાઇ–સપ્ટેમ્બર, 1948), એક કિચન ફિટર, એને પત્ની (એમ.

લંડન બોરો ઓફ હેકની, 1969) સાન્દ્રા જ્યોર્જિના વેસ્ટ (બી. 1949), એક હેરડ્રેસરના સંતાન છે. તેઓ બાળપણમાં ચિંગફોર્ડના રિજવે પાર્કમાં નિયમિતપણે ફૂટબોલ રમતા હતા અને ચેઝ લેન પ્રાઇમરી સ્કૂલ અને ચિંગફોર્ડ ફાઉન્ડેશન સ્કૂલ ખાતે તેમણે અભ્યાસ કર્યો હતો. વર્ષ 2007માં એક મુલાકાતમાં બેકહામે જણાવ્યું હતું કે શાળામાં જ્યારે પણ તેમના શિક્ષક તેમને પૂછતા, 'તુ મોટો થઇને શુ બનવાની ઇચ્છા ધરાવે છે? હું કહેતો, 'મારે ફૂટબોલ ખેલાડી બનવું છે. ત્યારે તેઓ કહેતા, 'ના, તું નોકરી મેળવવા માટે ખરેખર શું બનાવા માગે છે?' પરંતુ હું હંમેશાથી તે જ વસ્તુ કરવા માગતો હતો." બેકહામે જણાવ્યું હતું કે તેના નાનાજી જૂઇશ હતા અને પોતાની જાતને તેઓ "અડધા જૂઇશ" ગણાવતા હતા અને તેમના પર તે ધર્મનો પ્રભાવ હોવાનું પણ સ્વીકાર્યું હતું. તેમના પુસ્તક બોથ ફીટ ઓન ધી ગ્રાઉન્ડ (Both Feet on the Ground) માં તેમણે જણાવ્યું હતું કે તેઓ તેમના માતાપિતા અને તેમની બે બહેનો, જોન અને લીન સાથે હંમેશા ચર્ચ જતા. તેમના માતાપિતા માન્ચેસ્ટર યુનાઇટેડના ઝનૂની ચાહક હતા અને ટીમની સ્થાનિક મેચો જોવા માટે તેઓ ઘણીવાર લંડનથી ઓલ્ડ ટ્રેફોર્ડ સુધીનો પ્રવાસ કરતા. માન્ચેસ્ટર યુનાઇટેડ પ્રત્યેનો પ્રેમ અને તેના ફૂટબોલ પ્રત્યેનો લગાવ ડેવિડને તેના માતાપિતા પાસેથી વારસામાં મળ્યો હતો. તેમણે માન્ચેસ્ટરમાં બોબી ચાર્લ્ટનની ફૂટબોલ સ્કૂલમાં પ્રશિક્ષણ લીધું હતું અને પ્રતિભા સ્પર્ધાના એક ભાગરૂપે એફસી બાર્સેલોના ખાતે તાલિમ સત્રમાં ભાગ લેવાની તક મેળવી હતી. તેઓ રિજવે રૂવર્સ નામની સ્થાનિક યુવાન ટીમમાં રમતા હતા, જેના પ્રશિક્ષક તેમના પિતા, સ્ટુઅર્ટ અંડરવુડ અને સ્ટીવ કિર્બી હતા. બેકહામ વર્ષ 1986માં વેસ્ટ હેમ યુનાઇટેડ સામેની મેચમાં માન્ચેસ્ટર યુનાઇટેડના મેસ્કોટ હતા. યુવાન બેકહામે નોરવિચ સિટીની સ્થાનિક ક્લબ લેટન ઓરિએન્ટ સાથે અજમાયશો કરી હતી અને તોત્તેન્હામ હોટ્સ્પરની સ્કૂલ ઓફ એક્સિલન્સમાં શિક્ષણ મેળવ્યું હતું. તોત્તેન્હામ હોટ્સ્પર પ્રથમ એવી ક્લબ હતી, જેમની સાથે તેઓ રમ્યા હતા. બેકહામ બ્રિસ્મડાઉન રૂવર્સની યુવાન ટીમ માટે રમ્યા તે બે વર્ષ દરમિયાન, તેઓ વર્ષ 1990ના 15 વર્ષથી ઓછી ઉંમર ધરાવતા શ્રેષ્ઠ ખેલાડી તરીકે ઉભરી આવ્યા હતા. તેમણે બ્રેડન્ટન પ્રિપરેટરી એકેડેમીમાં પણ તાલિમ મેળવી હતી, પરંતુ તેમના ચૌદમા જન્મદિવસે માન્ચેસ્ટર યુનાઇટેડ ખાતે સ્કૂલબોય ફોર્મ્સ પર હસ્તાક્ષર કર્યા હતા અને ત્યાર બાદ 8 જૂલાઇ, 1991ના રોજ યુથ ટ્રેનીંગ સ્કીમ પર હસ્તાક્ષર કર્યા હતા.

માન્ચેસ્ટર યુનાઇટેડ

બેકહામ ક્લબના યુવાન ખેલાડીઓના જૂથનો સભ્ય હતો, જેમણે ક્લબને મે 1992માં એફએ યુથ કપમાં જીત મેળવી હતી, જેમાં બેકહામે ક્રિસ્ટલ પેલેસ સામેની ફાઇનલમાં સેકન્ડ લેગ સ્કોર કર્યો હતો. તે વર્ષે તેણે યુનાઇટેડની પ્રથમ-ટીમ માટે પ્રથમ વખત સ્થાન મેળવ્યું હતું, જેમાં તેઓ બ્રાઇટન એન્ડ હોવ એલ્બિયન સામેની લીગ કપ મેચમાં અવેજી ખેલાડી તરીકે રમ્યા હતા અને ત્યાર બાદ ટૂંકમાં જ તેમણે પ્રથમ વ્યાવસાયિક કરાર પર હસ્તાક્ષર કર્યા હતા. પછીના વર્ષે યુનાઇટેડ યુથ કપની ફાઇનલમાં ફરીથી પ્રવેશ્યું ત્યારે બેકહામ ટીમમાં હતો અને તેઓ લીડ્સ યુનાઇટેડ સામે પરાજિત થયા હતા. ક્લબની અનામત ટીમે 1994માં જ્યારે લીગ જીતી ત્યારે તેણે વધુ એક મેડલ મેળવ્યો હતો.

7 ડિસેમ્બર, 1994ના રોજ, બેકહામે ગ્રુપ સ્ટેજની અંતિમ મેચમાં ગેલાટાસરે સામે 4-0થી ગોલ કરીને જીત મેળવી હતી અને યુઇએફએ ચેમ્પિયન્સ લીગમાં પ્રવેશ મેળવ્યો હતો. આમ છતાં, આ જીત બહુ કામ ન આવી, કેમકે ગોલની સંખ્યામાં તફાવતને આધારે ચાર ટીમોના ગ્રુપમાં એફસી બાર્સેલોના પાછળ ત્રીજા સ્થાને રહ્યા હતા. ત્યાર બાદ તેઓ પ્રથમ કક્ષાની ટીમનો અનુભવ મેળવવા માટે વર્ષ 1994-95ની સીઝનના ભાગરૂપે લોન પર પ્રિસ્ટન નોર્થ એન્ડ ગયા હતા. તેમણે પાંચ મેચોમાં સીધી કોર્નર કીકથી નોંધપાત્ર રીતે બે ગોલ ફટકારીને સૌને પ્રભાવિત કર્યા હતા. બેકહામ માન્ચેસ્ટર પરત ફર્યા અને અંતે 2 એપ્રિલ, 1995ના રોજ લીડ્સ યુનાઇટેડ સામેની ગોલ વગરની ડ્રો મેચમાં માન્ચેસ્ટર યુનાઇટેડ માટે પ્રિમીયર લીગમાં રમવા માટે પ્રવેશ મેળવ્યો હતો.

યુનાઇટેડના વ્યવસ્થાપક સર એલેક્સ ફર્ગ્યુસનને ક્લબના યુવા ખેલાડીઓ પર જબરદસ્ત વિશ્વાસ હતો. 1990ના ("Fergie's Fledglings") દાયકામાં ફર્ગ્યુસને ટીમમાં યુવા પ્રતિભાઓના ગ્રુપને સ્થાન આપ્યું તેમાં બેકહામ સામેલ હતા. આ ઉપરાંત તેમાં નિકી બટ્ટ અને ગેરી અને ફિલ નેવિલનો સમાવેશ થાય છે. 1994-95ની સીઝન પૂર્ણ થતા પૌલ ઇન્સ, માર્ક હ્યુજીસ અને આન્દ્રે કેન્ચલસ્કીલ જેવા અનુભવી ખેલાડીઓ ક્લબને છોડી ગયા ત્યારે અન્ય ક્લબોમાંથી ટોચના ખેલાડીઓને ખરીદવાને સ્થાને યુવા ખેલાડીઓને ટીમમાં સમાવવાનો તેનો નિર્ણય (યુનાઇટેડ ડેરેન એન્ડર્ટન, માર્ક ઓવરમાર્સ અને રોબર્ટ બેગીઓ જેવા ખેલાડીઓ સાથે જોડાણ માટે ચર્ચા કરી રહી હતી, પરંતુ તે સમરમાં કોઇ ટોચના ખેલાડીઓ સાથે કરાર કરવામાં આવ્યા નહી), ખૂબ ટીકાને પાત્ર બન્યો હતો. યુનાઇટેડે એસ્ટન વિલ્લા ખાતે 3-1થી પરાજય દ્વારા સીઝનની શરૂઆત કરી ત્યારે આ ટીકા વધુ ઉગ્ર બની હતી, જેમાં ફક્ત બેકહામે એક ગોલ નોંધાવ્યો હતો. આમ છતાં, યુનાઇટેડ ત્યાર પછીની પાંચ મેચોમાં જીત્યું હતું અને યુવા ખેલાડીઓને સારી કામગીરી દર્શાવી હતી.

બેકહામે ખૂબ ઝડપથી યુનાઇટેડના જમણી તરફના મિડફિલ્ડર તરીકે પોતાની જાતને પ્રસ્થાપિત કરી હતી (તેના પૂરોગામી આન્દ્રે કેન્ચલસ્કીલની રાઇટ-વિંગર સ્ટાઇલને બદલે) અને પ્રિમીયર લીગ ટાઇટલ તેમજ તે સિઝનમાં ચેલ્સિયા સામેની સેમીફાઇનલમાં વિનીંગ ગોલ ફટકારીને એફએ કપ ડબલ જીતવામાં મદદ કરી હતી અને એફએ કપની ફાઇનલમાં એરિક કેન્ટોનાએ ફટકારેલા ગોલમાં તેણે કોર્નર પૂરો પાડ્યો હતો. એક સમયે એવું લાગતું હતું કે તે સિઝનમાં બેકહામનું પ્રથમ ટાઇટલ મેડલ નહીં આવે, કેમકે નવા વર્ષની શરૂઆતના સમયે યુનાઇટેડ અગ્રણી ન્યૂકાસલ યુનાઇટેડ કરતા હજુ પણ 10 પોઇન્ટ પાછળ હતું, પરંતુ બેકહામ અને ટીમના સાથીઓએ માર્ચના મધ્ય સુધીમાં ટાઇનીસાઇડને પાછળ રાખી દઇ લીગમા ટોચે પહોંચ્યા હતા અને સીઝનના અંત સુધી તેઓએ ટોચનું સ્થાન જાળવી રાખ્યું હતું. માન્ચેસ્ટર યુનાઇટેડ માટે નિયમિતરૂપે રમવા છતા (અને સતત ઉચ્ચ કક્ષાની રમત), બેકહામ યુરો 96 પહેલા ઇંગ્લેન્ડની ટીમમાં સ્થાન મેળવી શક્યા ન હતા.

વર્ષ 1996-97ની સીઝનની શરૂઆતમાં બેકહામને 10 નંબરનું શર્ટ આપવામાં આવ્યું, જે મોટે ભાગે માર્ક હ્યુજીસ પહેરતા હતા. 17 ઓગસ્ટ, 1996ના રોજ (પ્રિમીયર લીગ સીઝનનો પ્રથમ દિવસ), વિમ્બ્લડન સામેની મેચમાં અદભૂત ગોલ ફટકાર્યા બાદ બેકહામ નું નામ ઘરઘરમાં જાણીતું બની ગયુ હતું . યુનાઇટેડ 2-0થી આગળ હોવા સાથે, બેકહામે જોયું કે વિમ્બ્લડનનો ગોલકિપર નીલ સુલ્લિવન તેના ગોલથી ઘણો બહારની તરફ ઉભો છે અને તેણે હાફવે લાઇનથી શોટ માર્યો અને તે ગોલકિપરની ઉપરથી નેટમાં ગયો. જ્યારે તેણે આ વિખ્યાત ગોલ કર્યો ત્યારે તેણે ચાર્લી મિલર માટે બનાવેલા જૂતા પહેર્યા હતા (બુટ પર "Charlie" એમ્બ્રોઇડરીથી લખેલું હતું), જે બેકહામને ભૂલથી પહેરવા માટે આપવામાં આવ્યા હતા. વર્ષ 1996-97 સીઝન દરમિયાન, યુનાઇટેડમાં તે આપોઆપ પ્રથમ પસંદગીનો ખેલાડી બની ગયો અને પ્રિમીયર લીગ ચેમ્પિયનશીપ જાળવી રાખવામાં મદદ કરી તથા સારા દેખાવને સહારે તે પીએફએ યંગ પ્લેયર ઓફ ધી યર બન્યો.

18 મે, 1997ના રોજ, એરિક કેન્ટોના ખેલાડી તરીકે નિવૃત્ત થયો અને 7 ક્રમના જાણીતા શર્ટને ખાલી છોડી ગયો અને તોત્તેન્હામ હોટ્સ્પર તરફથી કેન્ટોનાના અનુગામી તરીકે ટેડી શેરીંગહામ આવવા સાથે, બેકહામે 10 નંબરનો શર્ટ શેરીંગહામ માટે છોડી દીધો અને 7 નંબરની જર્સી લઇ લીધી. કેટલાક ચાહકોને લાગ્યુ કે કેન્ટોના નવૃત્ત થતા જ 7 નંબરનો શર્ટ પણ નિવૃત્ત થઇ જશે, પરંતુ હાલના દિવસોમાં તે શર્ટનો ઉપયોગ થઇ રહ્યો છે (તાજેતરમાં જ ઇંગ્લેન્ડના અન્ય સ્ટાર માઇલ ઓવેન દ્વારા).

યુનાઇટેડે 1997-98 સીઝનની શરૂઆત તો સારી કરી, પરંતુ બીજા ગાળામાં ખરાબ પ્રદર્શનને કારણે સીઝનના અંતે યુનાઇટેડ આર્સેનલ બાદ બીજા ક્રમે રહી.

1998-99 સીઝનમાં, પ્રિમીયર લીગની ધી ટ્રેબલ, એફએ કપ અને ઇંગ્લીશ ફૂટબોલની અગ્રણી ચેમ્પિયન્સ લીગ જીતનારી યુનાઇટેડ ટીમનો એક ભાગ હતો. તે સમયે એવી અટકળો થતી હતી કે વિશ્વ કપમાંથી પરત મોકલાયા બાદ તેમના પર થયેલી ટીકાને કારણે તેઓ ઇંગ્લેન્ડ છોડી રહ્યા છે, પરંતુ તેમણે માન્ચેસ્ટર યુનાઇટેડમાં જ રહેવાનો નિર્ણય લીધો હતો. પ્રિમીયર લીગની જીતને પાક્કી કરવા માટે, યુનાઇટેડ સીઝનની અંતિમ લીગ મેચમાં તોત્તેન્હામ હોટ્સ્પર સામે જીતે તે જરૂરી હતું (એવા અહેવાલો હતા કે વિરોધી ટીમ તેમના કટ્ટર પ્રતિસ્પર્ધી આર્સેનલને ટાઇટલથી દૂર રાખવા માટે મેચમાં સરળતાથી હારી જશે), પરંતુ તોત્તેન્હામે મેચની શરૂઆતમાં લીડ મેળવી. બેકહામે ગોલ કરીને બરાબરી કરી અને યુનાઇટેડ મેચ અને લીગ બંને જીતી ગયા. બેકહામ યુનાઇટેડની એફએ કપની ફાઇનલ મેચની જીતમાં ન્યૂકેસલ યુનાઇટેડ સામે અને 1999 યુઇએફએ ચેમ્પિયન્સ લીગ ફાઇનલમાં બાયરન મ્યુનિક સામે સેન્ટર-મિડફીલ્ડમાં રમ્યા હતા, કેમકે યુનાઇટેડના સેન્ટર મિડફિલ્ડરને મેચ માટે બરતરફ કરવામાં આવ્યો હતો. યુનાઇટેડ સામાન્ય સમય પૂરો થાય ત્યાં સુધીમાં 1-0થી મેચ હારી ગઇ હતી, પરંતુ ઇન્જરી ટાઇમમાં બે ગોલ ફટકારીને ટ્રોફી જીતી ગઇ હતી. બંને ગોલ બેકહામ દ્વારા લેવામાં આવેલા કોર્નર તરફથી આવ્યા હતા. મહત્વપૂર્ણ રમત અને બાકીની સીઝન દરમિયાન શ્રેષ્ઠ પ્રદર્શનને કારણે, તેઓ 1999ના યુરોપિયન ફૂટબોલર ઓફ ધી યર અને ફિફા (FIFA) વર્લ્ડ પ્લેયર ઓફ ધી યર પારિતોષિક માટે રિવાલ્ડો બાદ બીજા ક્રમે રહ્યા હતા.

 

1998-99 સીઝનમાં બેકહામની સિદ્ધીઓ બાદ પણ તે કેટલાક ચાહકો અને પત્રકારોમાં ઓછો જાણીતો હતો અને માન્ચેસ્ટર યુનાઇટેડની વર્લ્ડ ક્લબ ચેમ્પિયનશીપમાં નેકાક્સા સામેની મેચમાં ઇરાદાપૂર્વકના ફાઉલ માટે પાછો પરત મોકલવામાં આવ્યો હોવાથી તે ટીકાનું પાત્ર બન્યો હતો. પ્રેસમાં એવું જણાવવામાં આવ્યું હતું કે તેની પત્ની તેના પર ખરાબ પ્રભાવ ધરાવે છે અને તે કારણે યુનાઇટેડ તેને વેચી દેવામાં રસ ધરાવે છે, પરંતુ તેના વ્યવસ્થાપકે જાહેર બેકહામને ટેકો આપ્યો અને તે ક્લબમાં જ રહ્યો. 1999-2000 સીઝન દરમિયાન, ઇટાલીની જુવેન્ટસમાં તબદીલીની વાત હતી, પરંતુ તે ક્યારેય બન્યું નહીં.

2000ના દાયકાની શરૂઆત સુધીમાં, ફર્ગ્યુસન અને બેકહામ વચ્ચેના સંબંધો બગડવાની શરૂઆત થઇ, જેની પાછળ બેકહામની પ્રસિદ્ધી અને ફૂટબોલ પ્રત્યેની ઓછી પ્રતિબદ્ધતા કારણભૂત હતી. વર્ષ 2000માં, બેકહામને તેના પુત્ર બ્રુકલિનની સંભાળ રાખવા માટે તાલિમ છોડવાની મંજૂરી આપવામાં આવી હતી, જે ગેસ્ટ્રોએન્ટેરિટીસથી પિડાતો હતો, પરંતુ વિક્ટોરીયા બેકહામ એ જ સાંજે એક કાર્યક્રમમાં લંડન ફેશન વિકમાં દેખાઇ ત્યારે ફર્ગ્યુસન ગુસ્સે થયા અને જણાવ્યું કે વિક્ટોરિયા એ દિવસે બ્રુકલિનની સંભાળ રાખી હોત તો તે તાલિમ આપી શક્યા હોત. તેમણે બેકહામને સૌથી વધુ રકમનો (બે સપ્તાહનો પગાર - તે સમયે 50,000 પાઉન્ડ) દંડ ફટકાર્યો અને યુનાઇટેડના પ્રતિસ્પર્ધી લીડ્સ યુનાઇટેડ સામેની મેચમાં તેને ટીમમાંથી પડતો મુક્યો. આ બાબતે તેમણે આત્મકથામાં બેકહામની ફરી ટીકા કરી કે, તે બાબત તેના ટીમના સભ્યો માટે સારી ન હતી . બેકહામે તેની ટીમ માટે સીઝનમાં સારૂ કામ કર્યું હતું, છતાં તેણે યુનાઇટેડને વિક્રમી અંતરથી પ્રિમીયર લીગ જીતવામાં ભૂમિકા ભજવી હતી.

"લગ્ન નહોતા થયા ત્યાં સુધી કોઇ સમસ્યા ન હતી. તે એકેડમી કોચીસ સાથે રાતના સમયે તાલિમ માટે જતો, તે અદભૂત યુવા ખેલાડી હતો. તે સમયમાં તેમને લગ્ન કરવા એ ખૂબ મુશ્કેલ બાબત હતી - અને તે સમયે તેનું જીવન પહેલા જેવું ન હતું. તે ખૂબ સુપ્રસિદ્ધ ખેલાડી છે, ફૂટબોલ તે એક નાનકડો ભાગ છે."'તેમ એલેક્સ ફર્ગ્યુસને 2007માં બેકહામના લગ્ન સમયે જણાવ્યું હતું.

બેકહામે યુનાઇટેડને 1999-2000માં મોટા ભાગની સીઝનમાં આર્સેનલ અને લીડ્સ યુનાઇટેડ દ્વારા પાછળ ધકેલાયા બાદ 18 પોઇન્ટના અંતરથી પ્રિમીયર લીગ ટાઇટલ જાળવી રાખવામાં મદદ કરી હતી. યુનાઇટેડે સીઝનમાં ફાઇનલ 11 લીગ મેચ જીતી હતી, જેમાં બેકહામે તેના શ્રેષ્ઠ દેખાવના સમયમાં પાંચ ગોલ કર્યા હતા. તે સીઝનમાં તેણે છ લીગ ગોલ કર્યા હતા અને બધી જ સ્પર્ધાઓમાં આઠ ગોલ ફટકાર્યા હતા. વર્ષ 2000-01માં યુનાઇટેડની લીગ ટાઇટલની સળંગ ત્રીજી જીતમાં તેણે ચાવીરૂપ ભૂમિકા ભજવી હતી. આ જીત સાતે સળંગ ત્રણ વખત કોઇ ક્લબ ટાઇટલ જીતી હોય તેવું ફક્ત ચોથી વખત બન્યું હતું. તે સીઝનમાં તેણે નવ ગોલ કર્યા હતા, જે બધા પ્રિમીયર લીગમાં હતા.

10 એપ્રિલ, 2002ના રોજ, બેકહામ ચેમ્પિયન્સ લીગ દરમિયાન ડોપોર્ટિવો લા કોરૂના સામેની મેચમાં ઇજાગ્રસ્ત થયો હતો. તેના ડાબા પગના બીજા પંજા પર ઇજા થઇ હતી. બ્રિટીશ મિડીયામાં તે સમયે એવી અટકળો ઉઠી હતી કે આ ઇજા ઇરાદપૂર્વક કરવામાં આવી છે, કેમકે બેકહામને ઇજાગ્રસ્ત બનાવનાર ખેલાડી આર્જેન્ટિનાનો એલ્ડો ડશર હતો અને ઇંગ્લેન્ડ અને આર્જેન્ટિના વર્ષના વિશ્વ કપમાં ટકરાવાના હતા. આ ઇજાને પગલે બાકીની સમગ્ર સીઝન માટે તે યુનાઇટેડ તરફથી રમી ન શક્યો અને તે આર્સેનલ સામે પ્રિમીયમ લીગ ટાઇટલ પણ ચૂકી ગયો (સેમિફાઇનલ્સમાં બેયર લેવેરકુસનના અવે ગોલને કારણે યુરોપિયન કપમાંથી પણ બહાર થઇ ગયા હતા), પરંતુ મે મહિનામાં તેણે ક્લબ સાથે મુખ્યત્વે તેની ઇમેજના હક્કો માટે વધારાની ચૂકવણીના મુદ્દે મહિનાઓની વાટાઘાટો બાદ ત્રણ વર્ષનો કરાર કર્યો હતો. નવા કરારમાંથી મળતી આવક અને તેના ઘણા એન્ડોર્સમેન્ટ સોદાઓને કારણે બેકહામ તે સમયનો વિશ્વમાં સૌથી વધુ કમાણી કરતો ખેલાડી બની ગયો.યુનાઇટેડ ખેલાડી તરીકે 2001-02 બેકહામની અત્યાર સુધીની શ્રેષ્ઠ સીઝન હતી. તેણે 28 લીગ મેચમાં 11 ગોલ કર્યા અને બધી જ સ્પર્ધાઓની 42 મેચમાં 16 ગોલ કર્યા હતા.

વર્ષ 2002-03 સીઝનની શરૂઆતમાં ઇજા બાદ, બેકહામ માન્ચેસ્ટર યુનાઇટેડ ટીમમાં પોતાનું સ્થાન પાછું મેળવી શક્યો ન હતો અને મિડફિલ્ડની જમણી તરફ તેના સ્થાને ઓલ ગનર સોલ્સ્કેજરને સ્થાન મળ્યું હતું. વ્યવસ્થાપક સાથેના તેના સંબંધો ત્યારે વધુ બગડ્યા જ્યારે 15 ફેબ્રુઆરી, 2003ના રોજ આર્સેનલ સામે એફએ કપ હાર્યા બાદ ચેન્જિંગ રૂમમાં ગુસ્સે ભરાયેલા એલેક્સ ફર્ગ્યુસને બુટ ફેક્યું અથવા બુટથી લાત મારી, જે બેકહામને આંખ પર વાગ્યું અને તેને પગલે ટાંકા લેવાની જરૂરિયાત ઉભી થઇ. આ ઘટનાને પગલે બેકહામને લઇને તબદીલીની ઘણી અટકળો ઉઠી. બુકમેકરની ઓફરને પગલે તે અથવા ફર્ગ્યુસનમાંથી કોણ પહેલા ક્લબ છોડશે તેવી ચર્ચાને જન્મ મળ્યો. ટીમે સીઝનની શરૂઆત ખરાબ રમતથી કરી હોવા છતાં, ડિસેમ્બર મહિના બાદ તેમના પરિણામમાં ખાસ્સો સુધારો આવ્યો અને તેમણે લીગ જીતી લીધી. બેકહામે બધી જ સ્પર્ધાઓની 52 રમતોમાં 11 ગોલ નોંધાવ્યા હતા.

તેમ છતાં, તે ઇંગ્લેન્ડ માટે હજુ પણ પ્રથમ પસંદગીનો ખેલાડી હતો અને 13 જૂનના રોજ ફૂટબોલ ક્ષેત્રે તેણે આપેલા પ્રદાન બદલ તેને ઓબીઇ (OBE)થી નવાજવામાં આવ્યો હતો. બેકહામે યુનાઇટેડ માટે 265 પ્રિમીયર લીગમાં ભાગ લીધો હતો અને 61 ગોલ નોંધાવ્યા હતા. તેણે 81 ચેમ્પિયન્સ લીગમાં ભાગ લઇને 15 ગોલ પણ નોંધાવ્યા હતા. બેકહામે 12 વર્ષના ગાળામાં છ પ્રિમીયર લીગ ટાઇટલ્સ, બે એફએ કપ, એક યુરોપિયન કપ, એક ઇન્ટરકોન્ટીનેન્ટલ કપ અને એક એફએ યુથ કપ જીત્યા હતા. આ કક્ષાએ, તે રેન ગીગ્સ બાદ સૌથી વધુ લાંબા સમય સુધી રમનાર ખેલાડી હતો (નિકી બટ્ટ, ગેરી નેવિલ્લે અને પૌલ સ્કોલ્સ સાથે જ તેમની સાથે જોડનાર).

રીઅલ મેડ્રિડ

 

માન્ચેસ્ટર યુનાઇટેડ બેકહામને એફસી બાર્સેલોનાને વેચવા માટે આતુર હતી, પરંતુ તેને બદલે તેણે આશરે €35 મિલિયન (£25m)ની ટ્રાન્સફર ફી સાથે રીઅલ મેડ્રીડ સાથે ચાર વર્ષના કરાર પર હસ્તાક્ષર કર્યા. આ તબદીલી 1 જૂલાઇ, 2003ના રોજ પૂર્ણ થઇ અને તે લૌરી કનીંગહામ અને સ્ટીવ મેકમેનામેન બાદ ક્લબ માટે રમનારો ત્રીજો અંગ્રેજ ખેલાડી બન્યો. બેકહામ માન્ચેસ્ટર યુનાઇટેડ અને ઇંગ્લેન્ડ માટે રમતી વખતે સાત નંબરનું શર્ટ પહેરતો હોવા છતાં રીઅલ મેડ્રિડમાં આ નંબર ક્લબના કેપ્ટન રાઉલને આપવામાં આવ્યો હોવાથી અહીં તે શક્ય ન હતું. તેણે 23 નંબર ધરાવતુ શર્ટ પહેરવાનો નિર્ણય લીધો. બાસ્કેટ બોલના ખેલાડી માઇકલ જોર્ડન પણ 23 નંબરનું શર્ટ પહેરતા હોવાથી તેણે પણ આ નિર્ણય લીધો.

રીઅલ મેડ્રિડ સીઝનના અંતે ચોથા સ્થાને રહી અને ક્વાર્ટર ફાઇનલની કક્ષાએ તે યુઇએફએ ચેમ્પિયન્સ લીગમાંથી બહાર નીકળી ગઇ. પરંતુ, પ્રથમ 16 મેચમાં પાંચ વખત ગોલ ફટકારીને બેકહામ રીઅલ મેડ્રિડના પ્રસંશકોનો માનીતો બની ગયો (જેમાં લા લિગા સામેની પ્રથમ મેચમાં ત્રણ મિનીટથી પણ ઓછા સમયમાં કરેલા ગોલનો સમાવેશ થાય છે), ટીમના ક્લબ અધ્યક્ષ એવી અપેક્ષા ધરાવતા હતા કે તેઓ પ્રત્યેક સીઝનમાં સ્પેનીશ લીગ અથવા ચેમ્પિયન્સ લીગ જીતે, પરંતુ તે અપેક્ષાઓ પૂર્ણ થઇ શકી નહીં. જૂલાઇ, 2004માં, બેકહામ જ્યારે સ્પેનમાં સીઝન અગાઉની તાલિમમાં હતો, ત્યારે એક ઘૂસણખોર પેટ્રોલના કેન સાથે બેકહામના ઘરમાં દિવાલ કૂદીને ઘુસી ગયો હતો. તે સમયે વિક્યોરિયા અને તેમના બાળકો ઘરમાં હતા,પરંતુ સલામતી રક્ષકોએ તેને ઘર સુધી પહોંચતા અટકાવ્યો હતો. 9 ઓક્ટોબર, 2004ના રોજ, બેકહામે વેલ્સ સામેની મેચમાં બેન થેચરને ફાઉલ કર્યો હતો તેમ આંતરરાષ્ટ્રીય કક્ષાએ કબૂલ કર્યું ત્યારે માધ્યમોમાં મુખ્ય સમાચારોમાં તેઓ સ્થાન પામ્યા હતા.

તેને પગલે બેકહામને એક મેચ માટે ચેતવણી સાથે બરતરફ કરવામાં આવ્યો હતો. તે મેચમાં તે ઇજાગ્રસ્ત થયો હતો અને તેને ખબર હતી કે તે ઇંગ્લેન્ડની આગામી મેચમાં રમી શકવાનો ન હતો, આથી તેણે ઇરાદાપૂર્વક તેને મેચમાંથી બરતરફ કરવામાં આવે તે હેતુથી ફાઉલ કરાવ્યું હતું. ધી ફૂટબોલ એસોશિએશને તેણે કરેલા કાર્ય માટે ખુલાસાની માગ કરી હતી અને તેણે ભૂલ કરી હોવાનું કબૂલ કરીને માફી માગી હતી. ત્યાર બાદ રીઅલ મેડ્રિડના વેલેન્સિયા સીએફ સામેની લીગ મેચમાં તેમને ફરી પાછા મોકલવામાં આવ્યા હતા. એક વાર યલો કાર્ડ મળ્યા બાદ રેફરી સામે કટાક્ષમાં તાળી પાડી હોવાને પગલે બીજી વાર યલો કાર્ડ મળ્યું હતું અને આપોઆપ તેઓ રમતથી બહાર થઇ ગયા હતા, આમ છતાં બે દિવસ બાદ આ બરતરફીને રદ કરવામાં આવી હતી.

3 ડિસેમ્બર, 2005માં ગેટાફી સીએફ સામેની લીગ મેચમાં તેઓને ત્રીજી વખત રમતની બહાર મોકલી દેવામાં આવ્યા હતા. તે સીઝનમાં બેકહામ ઘણી વાર લા લિગાની આગેવાની કરી હતી. 2005-06 લા લિગામાં રીઅલ મેડ્રિડ 12 પોઇન્ટના અંતર સાથે બાર્સેલોના બાદ બીજા ક્રમે રહ્યું હતું અને આર્સેનલ સામે હારીને ચેમ્પિયન્સ લીગમાં છેલ્લી સોળ ટીમોમાં સ્થાન પામી હતી.

 

સીઝન દરમિયાન, બેકહામે કેલિફોર્નિયાના લોસ એન્જલસ અને ઇસ્ટ લંડનમાં ફૂટબોલ એકેડમીની સ્થાપના કરી અને 2006 બ્રિટીશ બુક એવોર્ડ માટે તેને નિર્ણાયક બનાવવામાં આવ્યો. 2007માં, રીઅલ મેડ્રિડે બાર્સેલોના સામે સર્વોચ્ચ રમતને કારણે ત્રણ વર્ષમાં તેમનું પ્રથમ લા લિગા ટાઇટલ જીત્યુ અને બેકહામે રીઅલ મેડ્રિડ સાથે કરાર કર્યા બાદનું પ્રથમ ટાઇટલ હતું.

વ્યવસ્થાપક ફેબિયો કેપેલ્લો સાથેના ઘર્ષણને કારણે શરૂઆતના સમયમાં, બેકહામે સીઝનના પ્રારંભમાં ફક્ત થોડી રમતોમાં જ ભાગ લીધો હતો અને સ્પીડિયર જોઝ એન્ટોનિયો રેયેસને સામાન્ય રીતે જમણી તરફ સ્થાન આપવામાં આવતું. બેકહામ જેમાં રમ્યા હતા તે પ્રારંભની નવ મેચમાં, રીઅલ મેડ્રિડ સાત મેચમાં હારી હતી. 10 જાન્યુઆરી, 2007ના રોજ, કરાર માટેની લાંબી વાટાઘાટો બાદ, રીઅલ મેડ્રિડના સ્પોર્ટીંગ ડાયરેક્ટર પ્રેડરેગ મિજાતોવીકે જાહેરાત કરી કે સીઝન પૂરી થયા બાદ બેકહામ રીઅલ મેડ્રિડમાં નહીં રહે. આમ છતાં, પાછળથી તેમણે એવો દાવો કર્યો હતો કે તેમના વાક્યને ખોટી રીતે રજૂ કરવામાં આવ્યું છે, તેઓ વાસ્તવિકતામાં એવું કહેવા માગતા હતા કે બેકહામનો કરાર હજુ સુધી રિન્યુ કરવામાં આવ્યો નથી.

11 જાન્યુઆરી, 2007ના રોજ, બેકહામે એવી જાહેરાત કરી કે તેણે લોસ એન્જલસ ગેલેક્સી માટે રમવા પાંચ વર્ષનો કરાર કર્યો છે, જે 1 જૂલાઇ, 2007ના રોજથી શરૂ થશે. 13 જાન્યુઆરી, 2007ના રોજ, ફેબિયો કેપેલ્લોએ જણાવ્યું હતું કે બેકહામે રીઅલ મેડ્રિડ માટે અંતિમ મેચ રમી હોવા છતાં તે ટીમ સાથે તાલિમ લેવાનું ચાલુ રાખશે. કેપેલ્લો સાચો ઠર્યો અને બેકહામ 10 ફેબ્રુઆરી, 2007ના રોજ રીઅલ સોસીડેડ સામેની તેમની મેચમાં ફરીથી ટીમ સાથે જોડાયો - તેણે ગોલ કર્યા અને રીઅલ મેડ્રિડનો વિજય થયો. યુઇએફએ ચેમ્પિયન્સ લીગની તેની અંતિમ મેચમાં, રીઅલ મેડ્રિડ 7 માર્ચ, 2007ના રોજ સ્પર્ધામાંથી (અવે ગોલ રૂલને કારણે) બહાર ફેંકાઇ ગયું હતું. બેકહામ ચેમ્પિયન્સ લીગમાં 103 વાર રમ્યા હતા, જે તે સમયના ખેલાડીઓમાં ત્રીજા ક્રમની સૌથી વધારે મેચ હતી. 17 જૂન, 2007ના રોજ, લા લિગા સીઝનના અંતિમ દિવસે બેકહામે ક્લબ માટેની પોતાની અંતિમ મેચ રમવાની શરૂઆત કરી અને આરસીડી મેલ્લોર્કા સામે 3-1થી જીત મેળવીને બાર્સેલોના પાસેથી ટાઇટલ મેળવી લીધું. તેઓ મેદાનની બહાર નીકળી ગયો હોવા છતાં, તેના સ્થાને જોઝ એન્ટોનિયો રેઝ આવ્યો અને તેણે બે ગોલ ફટકારીને સીઝનનું લા લિગા ટાઇટલ જીતી લીધું, જે બેકહામના ક્લબમાં પ્રવેશ બાદનું પ્રથમ હતું. બંને ટીમોના સરખા પોઇન્ટ સાથે સીઝન પૂર્ણ થઇ હોવા છતાં, મેડ્રિડને તેના વ્યક્તિગત સર્વોત્તમ દેખાવ બદલ ટાઇટલ મળ્યું હતું અને બેકહામ માટે છ મહિનામાં કાયાપલટ જોવા મળી હતી.

સીઝનના અંતે રીઅલ મેડ્રિડે એવી જાહેરાત કરી કે તેઓ બેકહામ સારી કક્ષાની રમત રમી રહ્યો હોવાથી તેઓ તેને એલએ ગેલેક્સી સાથે જોડાતો રોકવા પ્રયત્નો કરશે, પરંતુ તેઓ સફળ ન થયા, કેમકે એલએ ગેલેક્સીએ કઇં પણ સાંભળવાનો ઇનકાર કરી દીધો. બેકહામની રીઅલ સાથેની કારકિર્દીના એક મહિના બાદ, ફોર્બ્સ મેગેઝિને નોંધ્યું કે ટીમના મર્ચન્ડાઇઝના વેચાણમાં થયેલા જંગી વધારા પાછળ બેકહામ જવાબદાર છે. બેકહામ ચાર વર્ષ ક્લબમાં રહ્યો તે દરમિયાન 600 અમેરિકી મિલિયન ડોલરનું વેચાણ થયું હતું.

લોસ એન્જલસ ગેલેક્સી

11 જાન્યુઆરી, 2007ના રોજ એ વાતને પુષ્ટિ મળી કે ડેવિડ બેકહામ મેજર લીગ સોકર્સ લોસ એન્જલસ ગેલેક્સીમાં જોડાવા માટે રીઅલ મેડ્રિડ છોડી દેશે. બીજા દિવસે, 2007 એમએલએસ સુપરડ્રાફ્ટ સાથે સંયુક્તપણે બેકહામની સત્તાવાર પ્રેસ કોન્ફરન્સ યોજવામાં આવી.

'I'm coming there not to be a superstar. I'm coming there to be part of the team, to work hard and to hopefully win things. With me, it's about football. I'm coming there to make a difference. I'm coming there to play football... I'm not saying me coming over to the States is going to make soccer the biggest sport in America. That would be difficult to achieve. Baseball, basketball, American football, they've been around. But I wouldn't be doing this if I didn't think I could make a difference.|source=Beckham on going to America
From ESPN

 

બેકહામનો લોસ એન્જલસ ગેલેક્સી સાથેનો કરાર 11 જૂલાઇના રોજથી અમલમાં આવ્યો, અને 13 જૂલાઇના રોજ ધી હોમ ડિપોટ સેન્ટર ખાતે ગેલેક્સી ખેલાડી તરીકે તેને સત્તાવાર રીતે રજૂ કરવામાં આવ્યો. બેકહામે 23 નંબર પહેરવાનું પસંદ કર્યું. એવી જાહેરાત કરવામાં આવી હતી કે આ ઔપચારિક જાહેરાત પહેલા જ ગેલેક્સી જર્સીનું વેચાણ 2,50,000ના વિક્રમી આંકડાને પાર કરી ગયું હતું. 21 જૂલાઇના રોજ, બેકહામે વર્લ્ડ સિરીઝ ઓફ સોકર દરમિયાન ચેલ્સિયા સામે 78 મિનીટની મેચમાં 1-0થી હાર સાથે ગેલેક્સીમાં મેચ રમવાની શરૂઆત કરી હતી. બે સપ્તાહ બાદ, 9 ઓગસ્ટના રોજ ડીસી યુનાઇટેડ સામેની મેચમાં અવેજી ખેલાડી તરીકે લીગ મેચમાં પદાર્પણ કર્યું. ત્યાર પછીના સપ્તાહમાં 15 ઓગસ્ટના રોજ બેકહામનો સામનો ફરીથી ડીસી યુનાઇટેડ સામે સુપરલિગાની સેમિફાઇનલમાં થયો. આ રમત દરમિયાન, ગેલેક્સીમાં તેની સાથે ઘણું પ્રથમ વાર થયું; તેની પ્રથમ શરૂઆત, પ્રથમ યલો કાર્ડ અને કેપ્ટન તરીકે પ્રથમ મેચ. તેણે ટીમ માટે ફ્રી કીકથી પ્રથમ ગોલ પણ ફટકાર્યો અને બીજી અવધિમાં લેન્ડન ડોનોવાન માટે પ્રથમવાર આસિસ્ટ પણ કર્યો. આ બંને ગોલને સહારે ટીમે 2-0થી વિજય મેળવ્યો અને 29 ઓગસ્ટના રોજ નોર્થ અમેરિકા સુપરલિગામાં પચુકા સામેની ફાઇનલમાં સ્થાન મેળવ્યું.

પચુકા સામેની સુપરલિગા ફાઇનલ દરમિયાન, બેકહામના જમણા ઘૂંટણમાં ઇજા થઇ અને એમઆરઆઇ સ્કેનમાં એવું બહાર આવ્યું કે તેની મેડીકલ કોલેટરલ લિગામેન્ટ મચકોડાઇ ગઇ છે અને તે છ સપ્તાહ સુધી નહીં રમી શકે. તે સીઝનની ઘરઆંગણાની અંતિમ મેચ રમવા માટે ટીમમાં પરત ફર્યો. એમએલએસની સીઝનની અંતિમ મેચમાં શિકાગો ફાયર સામે 1-0થી હારી જતા ગેલેક્સી 21 ઓક્ટોબરના રોજ રમતની હરિફાઇમાંથી નીકળી ગઇ હતી. બેકહામ આ મેચમાં અવેજી તરીકે રમ્યો હતો અને સીઝનમાં તેણે કુલ આઠ મેચ, (5 લીગ), એક ગોલ (0 લીગ) અને ત્રણ ગોલમાં મદદ (2 લીગ) કરી હતી. બેકહામે 4 જાન્યુઆરીથી ત્રણ સપ્તાહ માટે આર્સેનલ સાથે ત્યાં સુધી તાલિમ લીધી જ્યાં સુધી તે સીઝન અગાઉની તાલિમ માટે ગેલેક્સીમાં પાછો ન ફર્યો.

બેકહામે ગેલેક્સી તરફથી રમતા 3 એપ્રિલના રોજ સેન જોઝ અર્થક્વેક્સ સામેની મેચમાં નવમી મિનીટમાં ગોલ કરીને પ્રથમ લીગ ગોલ નોંધાવ્યો હતો. 24 મે, 2008ના રોજ, ગેલેક્સીએ કેન્સાસ સિટી વિઝાર્ડને 3-1થી હાર આપી હતી અને બે વર્ષમાં પ્રથમ વિક્રમી જીત મેળવીને વેસ્ટર્ન કોન્ફરન્સમાં ક્લબે ટોચનું સ્થાન હાંસલ કર્યું હતું. આ મેચમાં બેકહામે 70 યાર્ડ્સ દૂરથી એમ્પ્ટી-નેટ ગોલ કર્યો હતો. બેકહામે પોતાના હાફ પરથી કરેલો આ ગોલ તેની કારકિર્દીની બીજી ઘટના હતી, 1996માં સેલહર્સ્ટ પાર્ક ખાતે વિમ્બ્લડન સામેની મેચમાં તેણએ હાફવે લાઇનથી ગોલ કર્યો હતો. આમ છતાં, એકંદરે તે વર્ષ ગેલેક્સી માટે નિરાશાજનક રહ્યું અને તે સીઝનના અંતે રમાતી મેચો માટે પસંદગી ન પામી. મિલાનથી તે પરત આવ્યા બાદ, ઘણા એલએ પ્રસંશકોએ તેના પ્રત્યે નારાજગી અને ગુસ્સો વ્યક્ત કર્યો હતો, કેમકે તેણે સીઝનનો પ્રથમ ભાગ ગુમાવી દીધો હતો અને ઘણા લોકોએ "ગો હોમ ફ્રોડ" અને "પાર્ટ ટાઇમ પ્લેયર" જેવા બેનર પણ દર્શાવ્યા હતા.

લોન ટૂ મિલાન

 

2008માં, બેકહામને ઇંગ્લેન્ડની રાષ્ટ્રીય ટીમમાં ફેબિયો કેપેલ્લોની કામગીરી હેઠળ મળેલી સફળતાએ એવી અટકળો જન્માવી કે તે વર્ષ 2009ની વર્લ્ડ કપ ક્વોલિફાઇંગ મેચીસ માટે મેચ ફિટનેસ પરત મેળવવા માટે યુરોપ પરત આવી રહ્યો છે. 30 ઓક્ટોબર, 2008ના રોજ, એસી મિલાને એવી જાહેરાત કરી કે બેકહામ લોન પર 7 જાન્યુઆરી, 2009થી તેમની ક્લબમાં આવી રહ્યો છે. આ અને અન્ય અટકળો છતાં, બેકહામે એવી સ્પષ્ટતા કરી કે તેનો કોઇ નિર્ણય એવું દર્શાવતો નથી કે તે એમએલએસ છોડી રહ્યો અને એવી જાહેરાત કરી કે તે માર્ચમાં શરૂ થતી 2009 સીઝન માટે ગેલેક્સીમાં પરત આવવા માગે છે. મિલાનમાં ક્લબની અંદર અને બહાર ઘણા લોકોએ તબદીલી અંગે ગંભીર ચિંતા વ્યક્ત કરી હતી, જ્યારે અન્ય કેટલાક ખેલાડીઓએ તેને માર્કેટીંગ માટેનું પગલું ગણાવ્યું હતું. મિલાન ખાતે 7 અને 23 નંબર અગાઉથી અન્ય ખેલાડીઓ પાસે હોવાથી તેણે 32 નંબરની પસંદગી કરી હતી, જે અગાઉ ક્રિસ્ટીન વિયરી પહેરતા હતા. શારીરિક પરિક્ષણ બાદ, ક્લબના ડોક્ટરે બેકહામને જણાવ્યું હતું કે તેઓ એવું માને છે કે તે વધુ પાંચ વર્ષ સુધી સતત ફૂટબોલ રમી શકશે, તે સમયે તેની ઉંમર 38 વર્ષની હતી.

બેકહામે 11 જાન્યુઆરી, 2009ના રોજ મિલાન માટે રોમા વિરૂદ્ધની મેચમાં સેરી એમાં પદાર્પણ કર્યું અને 89 મિનીટ સુધી ચાલેલી 2-2થી ડ્રો ગયેલી મેચમાં રમ્યા. 25 જાન્યુઆરીના રોજ મિલાને બોલોગ્ના સામેની મેચમાં 4-1ની મેળવેલી જીતમાં તેણે સિરી એમાં પ્રથમ ગોલ નોંધાવ્યો હતો, જે ક્લબ માટે તેની ત્રીજી મેચ હતી. બેકહામ માર્ચમાં એલ.એ. પરત ફરશે તેવી અપેક્ષા હોવા છતાં, ઇટાલિયન ક્લબમાં અસરકારક પ્રદર્શનથી તેણે પ્રથમ ચાર મેચમાં બે ગોલ નોંધાવી તેમજ ઘણી વાર ગોલમાં મદદ કર્યા બાદ, એવી અફવા ઉડી હતી કે બેકહામ મિલાનમાં ઇટાલિયન ક્લબ સાથે જ રહેશે, કેમકે મહાન અંગ્રેજ ખેલાડીને ઇટાલિયન ક્લબે હજારો ડોલર ફીની વારંવાર ઓફર કરી હતી. આ અફવાઓને ચોથી ફેબ્રુઆરીના રોજ સમર્થન મળ્યું, જ્યારે બેકહામે જણાવ્યું કે તેણે 2010 વિશ્વ કપ સુધી ઇંગ્લેન્ડ કારકિર્દીને ટકાવી રાખવા હંમેશા માટે મિલાન સાથે જોડાવા માટે પરવાનગી માગી હતી. આમ છતાં, મિલાન બેકહામ માટે ગેલેક્સીના મૂલ્યાંકન જેટલી ચૂકવણી કરવામાં નિષ્ફળ ગઇ હતી, જે $10-15 મિલિયનના ગાળામાં હતી. આમ છતાં, અટકળોના મહિના સુધી વાટાઘાટો ચાલુ રહી હતી. બીજી માર્ચના રોજ, લોસ એન્જલસ ટાઇમ્સે એવું નોંધ્યું હતું કે બેકહામની લોન જૂલાઇના મધ્ય ભાગ સુધી લંબાવવામાં આવી છે. આ વાતને પાછળથી બેકહામે સમર્થન આપ્યું હતું અને અનોખા "ટાઇમશેર" સોદાની જાહેરાત કરી હતી, જે હેઠળ બેકહામ જૂલાઇના મધ્ય ભાગથી 2009 એમએલએસ સીઝનના અંત સુધી એલ.એ. સાથે રમશે.

 

બેકહામ 1 સપ્ટેમ્બર, 1996ના રોજ મોલ્ડોવા સામેની વિશ્વ કપની ક્વોલિફાઇંગ મેચમાં ઇંગ્લેન્ડની રાષ્ટ્રીય ફૂટબોલ ટીમ માટે પ્રથમ વખત રમ્યો. બેકહામ 1998ના ફિફા (FIFA) વિશ્વ કપની ઇંગ્લેન્ડની બધી જ ક્વોલિફાઇંગ મેચ રમ્યો હતો અને ફ્રાન્સમાં વિશ્વ કપની ફાઇનલમાં તે ઇંગ્લેન્ડની ટીમમાં સામેલ હતો, પરંતુ ટીમના વ્યવસ્થાપક ગ્લેન હોડલે જાહેરમાં તેના પર ટુર્નામેન્ટમાં ધ્યાન કેન્દ્રીત ન કરતો હોવાનો આરોપ મુક્યો અને તે ઇંગ્લેન્ડની પ્રથમ બે મેચમાં શરૂઆત પણ ન કરી શક્યો. કોલમ્બિયા સામે ત્રીજી મેચમાં તેને ટીમમાં સ્થાન આપવામાં આવ્યું અને તેણે મેચમાં 2-0થી જીત દરમિયાન લાંબા અંતરની ફ્રિ કીકથી ગોલ નોંધાવ્યો, જે ઇંગ્લેન્ડ માટેનો તેનો પ્રથમ ગોલ હતો.

તે સ્પર્ધાના બીજા તબક્કામાં (અંતિમ 16), આર્જેન્ટિના સામેની ઇંગ્લેન્ડની મેચમાં તેને રેડ કાર્ડ મળ્યું. ડિએગો સાઇમન દ્વારા ફાઉલ થયા બાદ, બેકહામે મેદાન પર સુતા સુતા કિક મારી અને પગની પિંડી પર ઇજા પહોંચાડી. સાઇમને પાછળથી એવું કબૂલ્યું હતું કે તેણે બેકહામને પરત મોકલવા માટે કિક સામે આવેશયુક્ત પ્રતિક્રિયા આપી હતી અને ત્યારપછી ટીમના અન્ય સભ્યો સાથે મળીને બેકહામને પરત મોકલવા રેફરિને વિનંતી કરી હતી. આ મેચ ડ્રો સાથે પૂર્ણ થઇ અને ઇંગ્લેન્ડ પેનલ્ટી શૂટઆઉટમાં બહાર નીકળી ગયું. ઘણા પ્રશંસકો અને પત્રકારોએ ઇંગ્લેન્ડની હાર માટે બેકહામને જવાબદાર ઠેરવ્યો અને તે બધાની ટીકાનું કેન્દ્ર બની ગયો, જેમાં લંડન પબની બહાર લટકાવેલા તેમના પૂતળા અને બુલ્સઆઇ પર તેને મધ્યમાં રાખીને ડેઇલી મિરર માં કરવામાં આવેલા ડાર્ટબોર્ડ પ્રિન્ટીંગનો સમાવેશ થાય છે. વિશ્વ કપ બાદ બેકહામને મોતની ધમકીઓ પણ મળી હતી.

અંગ્રેજ સમર્થકોની બેકહામ પ્રત્યેની નારાજગી ત્યારે ટોચ પર પહોંચી જ્યારે યુઇએફએ યુરો 2000ની પોર્ટુગલ સામેની મેચમાં ઇંગ્લેન્ડની 3-2થી હાર થઇ, જેમાં બેકહામે બે ગોલ કર્યા હતા, તે સમયે અંગ્રેજ સમર્થકોનું એક જૂથ સમગ્ર મેચ દરમિયાન બેકહામને અપશબ્દો બોલતું હતું. બેકહામે તેની વચલી આંગળી ઉંચી કરીને તેનો ઉત્તર આપ્યો હતો અને આ ચેષ્ટાની ઘણા લોકોએ નિંદા કરી હતી, અગાઉ તેની નિંદા માટે લોકોને પ્રોત્સાહન આપનારા ઘણા સમચારપત્રોએ તેના વાચકોને અપશબ્દો બોલવાનું બંધ કરવા જણાવ્યું હતું. 15 નવેમ્બર, 2000ના રોજ, ઓક્ટોબરમાં ઇંગ્લેન્ડના વ્યવસ્થાપક તરીકે કેવિન કીગને રાજીનામું આપ્યા બાદ, બેકહામને કામચલાઉ વ્યવસ્થાપક પિટર ટેલર દ્વારા ટીમનો કેપ્ટન બનાવવામાં આવ્યો અને નવા વ્યવસ્થાપક સ્વેન-ગોરન એરિક્સનના નેજા હેઠળ પણ તે ભૂમિકા ચાલુ રહી. તેણે ઇંગ્લેન્ડને 2000 ફિફા (FIFA) વિશ્વ કપની ફાઇનલ્સમાં તેમના સારા પ્રદર્શનથી સ્થાન અપાવવામાં ભૂમિકા ભજવી, જેમાં મ્યુનિક ખાતે જર્મની સામે 5-1થી મેળવેલી જીતનો પણ સમાવેશ થાય છે. બેકહામનું ખલનાયકમાંથી નાયક તરીકેના રૂપાંતરનો અંતિમ તબક્કો ઇંગ્લેન્ડે 6 ઓક્ટોબર, 2001ના રોજ ગ્રીસ સામેની મેચમાં ડ્રોથી શરૂ થયો. ઇંગ્લેન્ડે વિશ્વ કપ માટે ક્વોલિફાઇ થવા માટે આ મેચ જીતવી અથવા ડ્રોમાં લઇ જવી ખૂબ જરૂરી હતી, પરંતુ મેચમાં થોડો સમય બાકી હતો ત્યારે તેઓ 2-1થી હારી રહ્યા હતા. જ્યારે ટેડ્ડી શેરિંગહામે ગ્રીક પેનલ્ટી એરિયાથી આઠ યાર્ડ્સ (7 મિટર્સ) બહાર ફાઉલ કર્યો હતો ત્યારે ઇંગ્લેન્ડને ફ્રિ-કીક આપવામાં આવી હતી અને બેકહામે ઝમકદાર ગોલથી ઇંગ્લેન્ડનું ક્વોલિફીકેશન નિશ્ચિત બનાવ્યું હતું, જે તેનો ટ્રેડમાર્ક બની ગયો હતો.

તેના ટૂંક સમયમાં જ વર્ષ 2001 માટે તને બીબીસી સ્પોર્ટ્સ પર્સનાલિટી ઓફ ધી યર જાહેર કરવામાં આવ્યા. ફિફા (FIFA) વર્લ્ડ પ્લેયર ઓફ ધી યર પારિતોષિક માટે તેઓ ફરી પોર્ટુગલના લુઇસ ફિગો બાદ બીજા ક્રમે આવ્યા. બેકહામ 2002 ફિફા (FIFA) વિશ્વ કપ સમયે આંશિક રીતે સ્વસ્થ હતો અને સ્વિડન સામેની પ્રથમ મેચ રમ્યો હતો. બેકહામે આર્જેન્ટિના સામેની મેચમાં પેનલ્ટી સાથે જીત અપાવતો ગોલ નોંધાવ્યો, જેને પગલે આર્જેન્ટિના નોકઆઉટ સ્ટેજ માટે ક્વોલિફાઇ થવામાં નિષ્ફળ નિવડ્યું. ઇંગ્લેન્ડ કપના અંતિમ વિજેતા બ્રાઝિલ સામે ક્વાર્ટર ફાઇનલ્સમાં હારીને ટુર્નામેન્ટની બહાર નીકળી ગયું. ત્યાર પછીના મહિને, માન્ચેસ્ટર ખાતે 2002 કોમનવેલ્થ ગેમ્સમાં બેકહામે કર્સ્ટી હોવાર્ડને એસ્કોર્ટ કર્યા અને તેણીએ જ્યૂબિલી બેટન ટુ ધી ક્વિન રજૂ કર્યું.

બેકહામ યુઇએફએ યુરો 2004માં ઇંગ્લેન્ડ માટે બધી જ મેચમાં રમ્યો, પરંતુ આ ટુર્નામેન્ટ તેના માટે નિરાશાજનક રહી. તેણે ઇંગ્લેન્ડ ફ્રાન્સ સામે 2-1થી થયેલી હારમાં પેનલ્ટી બચાવી અને પોર્ટુગલ સામેની ક્વાર્ટર ફાઇનલમાં પેનલ્ટી શૂટઆઉટમાં એક પેનલ્ટી ગુમાવી. ઇંગ્લેન્ડ શૂટઆઉટમાં હારી ગયું અને સ્પર્ધામાંથી બહાર ફેંકાઇ ગયું. બેકહામ જાન્યુઆરી 2005માં યુનિસેફ (UNICEF) ગુડવિલ એમ્બેસેડર બન્યો અને 2012 સમર ઓલમ્પિક ગેમ્સ માટે લંડનની સફળ બિડને ઉત્તેજન આપવામાં આપવામાં તેણે ભૂમિકા ભજવી. ઓક્ટોબર 2005માં બેકહામને ઓસ્ટ્રિયા સામેની મેચમાં ફરીથી મેદાનથી બહાર કરવામાં આવ્યો અને બહાર મોકલવામાં આવ્યો હોય તેવો ઇંગ્લેન્ડનો પ્રથમ કેપ્ટન બન્યો તથા એક માત્ર ખેલાડી બન્યો કે જે ઇંગ્લેન્ડ સામે રમતા બે વાર બહાર ગયો હોય. ત્યાર પછીના મહિને આર્જેન્ટિના સામેની મિત્રતાપૂર્ણ મેચમાં તેણે ઇંગ્લેન્ડના કેપ્ટન તરીકેની 50મી મેચ રમી. 2006 ફિફા (FIFA) વિશ્વ કપમાં 10 જૂન, 2006ના રોજ ઇંગ્લેન્ડની પેરાગ્વે સામેની પ્રારંભિક મેચમાં, બેકહામની ફ્રિ કીકને સહારે કાર્લોસ ગેમેરા દ્વારા ઓન-ગોલ થયો અને ઇંગ્લેન્ડની 1-0થી જીત થઇ. ઇંગ્લેન્ડની આગામી મેચ 15 જૂન, 2006ના રોજ ટ્રિનીદાદ અને ટોબેગો સામે રમાઇ, જેમાં 83મી મિનીટે બેકહામના ક્રોસના સહારે પિટર ક્રાઉચના ગોલથી ઇંગ્લેન્ડે 1-0થી સરસાઇ મેળવી. બેકહામે સ્ટીવન ગેરાર્ડને પણ ગોલમાં મદદ પૂરી પાડી. મેચના અંતે તેઓ 2-0થી જીતી ગયા. આ રમત માટે તેને ટુર્નામેન્ટના પ્રસ્તુતકર્તા બડવેઇઝર દ્વારા મેન ઓફ ધી મેચ એનાયત કરાયો.

બીજા તબક્કામાં ઇંગ્લેન્ડની ઇક્વાડોર સામેની મેચ દરમિયાન, બેકહામે 59મી મિનીટમાં ફ્રિ કીકથી ગોલ ફટકાર્યો અને ત્રણ અલગ-અલગ વિશ્વ કપમાં સ્કોર કરનારો તે પ્રથમ ખેલાડી બની ગયો અને તેને પગલે ઇંગ્લેન્ડે 1-0થી વિજય મેળવી ક્વાર્ટર ફાઇનલમાં સ્થાન મેળવ્યું. તે રમત પહેલા બિમાર હતો અને ડિહાઇડ્રેશનને કારણે તેને વારંવાર ઉલટીઓ થતી હતી અને જીતનો ગોલ ફટકાર્યા બાદ તે બિમાર થયો હતો. પોર્ટુગલ સામેની ક્વાર્ટર-ફાઇનલમાં, હાફ ટાઇમના થોડ સમય બાદ જ ઇજાને કારણે બેકહામને સ્થાને અવેજી ખેલાડી રમતમાં આવ્યો હતો અને ઇંગ્લેન્ડની ટીમે પેનલ્ટીઝ (3-1) પર, વધારાના સમય બાદ 0-0ના સ્કોરે હારનો સામનો કરવો પડ્યો હતો. અવેજી ખેલાડી મુકાયા બાદ, બેકહામ દેખીતી રીતે ધ્રૂજતો હતો અને ન રમી શકવા બદલ એક સમયે આંખમાં આંસુ સાથે ગળગળો થઇ ગયો હતો. વિશ્વ કપમાંથી બહાર ફેંકાઇ ગયાના એક દિવસ બાદ, ભાવનાત્મક બેકહામે એવું કહેતા ન્યૂઝ કોન્ફરન્સમાં નિવેદન કર્યું હતું કે તેણે ઇંગ્લેન્ડના કેપ્ટન પદેથી રાજીનામું આપ્યું છે. તેણે જણાવ્યું, " મારા દેશ માટે કેપ્ટન પદે રહેવું તે મારા માટે પ્રતિષ્ઠા અને ગર્વની વાત છે, પરંતુ મારી 95માંથી 58 મેચોમાં કેપ્ટન પદે રહ્યા બાદ, સ્ટીવ મેકક્લેરેન હેઠળ નવા યુગમાં પ્રવેશી રહ્યા હોવાથી મારી જવાબદારી સોંપી દેવાનો આ યોગ્ય સમય છે." (બેકહામે તે સમય સુધી વાસ્તવિકતામાં 94 કેપ્સ જીતી હતી.) તેનું સ્થાન ચેલ્સિયાના કેપ્ટન જોહ્ન ટેરીએ લીધું હતું.

વિશ્વ કપ બાદ કેપ્ટન પદેથી રાજીનામું આપ્યા બાદ, 11 ઓગસ્ટ, 2006ના રોજ નવા કોચ સ્ટીવ મેકક્લેરેન દ્વારા પસંદ કરવામાં આવેલી ઇંગ્લેન્ડની રાષ્ટ્રીય ટીમમાંથી બેકહામને સંપૂર્ણ રીતે બહાર કરી દેવામાં આવ્યો. મેકક્લેરેને એવો દાવો કર્યો કે તેઓ ટીમ સાથે "અન્ય પદ્ધતિથી કામ કરવા વિચારી રહ્યા છે" અને બેકહામનો "તેમા સમાવેશ થઇ શકે તેમ નથી." મેકક્લેરેને જણાવ્યું કે બેકહામ ભવિષ્યમાં ટીમમાં પાછો ફરે તેવી શક્યતા છે. શૌન રાઇટ-ફિલીપ્સ, કિરેન રિચાર્ડસન અને વિશ્વ કપમાં બેકહામના અવેજી ખેલાડી આરોન લિનન, બધાને સમાવવામાં આવ્યા છતાં મેકક્લેરેને અંતે તેના સ્થાને સ્ટીવન ગેરાર્ડને ટીમમાં સમાવ્યો.

 

26 મે, 2007ના રોજ, મેકક્લેરેને એવી જાહેરાત કરી કે બેકહામે કેપ્ટન પદેથી રાજીનામું આપ્યા બાદ પ્રથમ વાર તેને ઇંગ્લેન્ડની ટીમ માટે પાછો બોલાવવામાં આવશે. બેકહામે નવા વેમ્બ્લી સ્ટેડિયમ ખાતેની ઇંગ્લેન્ડની બ્રાઝિલ સામેની પ્રથમ મેચમાં રમવાની શરૂઆત કરી અને તેમાં હકારાત્મક દેખાવ કર્યો. મેચના બીજા તબક્કામાં તેણે જોહ્ન ટેરી માટે એક તક ઉભી કરીને ઇંગ્લેન્ડ માટે ગોલ કરાવ્યો. એવું લાગતું હતું કે ઇંગ્લેન્ડ બ્રાઝિલ સામે જીત મેળવી લેશે, પરંતુ નવા આવેલા ડિએગોએ અંતિમ પળોમાં ગોલ કરીને બરાબરી કરી લીધી. ઇંગ્લેન્ડની આગામી મેચમાં, યુરો 2008ની ઇસ્ટોનિયા સામેની ક્વોલિફાયર મેચમાં, બેકહામે માઇકલ ઓવન અને પીટર ક્રાઉચને ગોલ માટે બે અદભૂત સહાય કરી, અને ઇંગ્લેન્ડ 3-0થી વિજયી થયું. તે બે મેચોમાં બેકહામે ઇંગ્લેન્ડ કુલ ચાર ગોલમાંથી ત્રણમાં સહાય કરી હતી અને મેજર લીગ સોકરમાં ગયા બાદ તેણે ઇંગ્લેન્ડ માટે રમવાની પોતાની ઇચ્છા વ્યક્ત કરી હતી.

22 ઓગસ્ટ, 2007ના રોજ, બેકહામ જર્મની સામેની ઇંગ્લેન્ડ માટે એક મિત્રતાભરી રમત રમીને, બિન-યુરોપિયન ક્લબ ટીમ સાથે રહી ઇંગ્લેન્ડ માટે રમનારો પ્રથમ ખેલાડી બન્યો હતો. 21 નવેમ્બર, 2007ના રોજ, બેકહામે ક્રોએશિયા સામેની મેચમાં 99મી કેપ મેળવી હતી, 2-2થી બરાબર રહેલી આ મેચમાં તેણે પીટર ક્રાઉચ માટે ગોલની સ્થિતી ઉભી કરી હતી. 2-3થી પરાજય બાદ, ઇંગ્લેન્ડ યુરો 2008 ફાઇનલ્સમાં ક્વોલિફાઇ થવા માટે નિષ્ફળ નિવડ્યું હતું. તેમ છતાં, બેકહામે જણાવ્યું હતું કે તે આંતરરાષ્ટ્રીય ફૂટબોલમાંથી નિવૃત્ત થવાની કોઇ યોજના ધરાવતો નથી અને તે રાષ્ટ્રીય ટીમ માટે સતત રમવાની ઇચ્છા ધરાવે છે. ઇંગ્લેન્ડના નવા કોચ અને રીઅલ મેડ્રિડ ખાતેના બેકહામના પૂર્વ વ્યવસ્થાપક ફેબિયો કેપેલ્લોએ સ્વિત્ઝરલેન્ડ સામેની મિત્રતાભરી મેચ કે જેમાં તે એકસોમી કેપ મેળવે તેવી શક્યાત હતી, તેમાંથી તેને બહાર રાખ્યા બાદ બેકહામે એવું સ્વીકર્યું કે તેણે ત્રણ મહિનાથી કોઇ સ્પર્ધાત્મક મેચ રમી ન હોવાથી તે યોગ્ય કામગીરી કરી રહ્યો નથી.

20 માર્ચ, 2008ના રોજ, બેકહામને 26 માર્ચના રોજ પેરિસમાં ફ્રાન્સ સામે રમાયેલી મૈત્રીપૂર્ણ મેચમાં કેપેલ્લો દ્વારા ઇંગ્લેન્ડની ટીમમાં પાછો બોલાવવામાં આવ્યો. બેકહામ 100 કેપ મેળવનારો પાંચમો અંગ્રેજ ખેલાડી બન્યો. કેપેલ્લોએ 25 માર્ચ, 2008ના રોજ એવો સંકેત આપ્યો હતો કે બેકહામ 2010 ફિફા (FIFA) વિશ્વ કપ માટેની મહત્વની ક્વોલિફાયર મેચ માટે તેમની ટીમમાં લાંબુ ભવિષ્ય ધરાવે છે. 11 મે, 2008ના રોજ કેપેલ્લોએ 28 મેના રોજ વેમ્બ્લી સ્ટેડિયમ ખાતે યુનાઇટેડ સ્ટેટ્સ સામે રમાનારી મેચ માટે ઇંગ્લેન્ડની 31 ખેલાડીઓની ટીમમાં સારૂ પ્રદર્શન કરી રહેલા બેકહામને સ્થાન આપ્યું, જે 1 જૂનના રોજ ટ્રિનીદાદ અને ટોબેગો માટેની મેચ પહેલા બન્યું હતું. મેચ પહેલા બોબી ચાર્લ્ટન દ્વારા બેકહામને 100મી કેપનું પ્રતિનીધિત્વ કરતી માનદ સોનાની કેપ આપી તેનું બહુમાન કરવામાં આવ્યું અને પ્રેક્ષકો દ્વારા ઉભા થઇને તેને માન આપવામાં આવ્યું. તેણે સારી રમત દર્શાવી અને મેચ જીતાડતા ગોલ માટે જોહ્ન ટેરીને મદદ કરી. હાફ-ટાઇમ બાદ જ્યારે તેના સ્થાને અવેજી ખેલાડી તરીકે ડેવિડ બેન્ટલીને ઉતારવામાં આવ્યો ત્યારે બેકહામના સમર્થક પ્રેક્ષકોએ આ નિર્ણય સામે વિરોધ દર્શાવ્યો. એક આશ્ચર્યજનક નિર્ણયમાં, કેપેલ્લોએ 1 જૂન, 2008ના રોજ ટ્રિનીદાદ અને ટોબેગો સામેની ઇંગ્લેન્ડની મૈત્રીપૂર્ણ મેચમાં બેકહામને કેપ્ટન પદ સોંપ્યું. 2006ના વિશ્વ કપ બાદ આ પ્રથમ એવી મેચ હતી જેમાં બેકહામ ઇંગ્લેન્ડના કેપ્ટન તરીકે રમ્યો હતો, જે બેકહામ માટે નાટકીય રીતે કાયાપલટ કરનારી મેચ બની. તે બે વર્ષના સમયગાળામાં, તેને ઇંગ્લેન્ડની ટીમમાંથી સંપૂર્ણ રીતે બહાર કરાવાથી માંડી ઇંગ્લેન્ડના કેપ્ટન તરીકે (કામચલાઉ ધોરણે છતાં) ટીમમાં પાછો લેવામાં આવ્યો હતો.

2010ના વિશ્વ કપમાં બેલારૂસ સામેની ક્વોલિફાયર મેચ કે જેમાં ઇંગ્લેન્ડે મિન્સ્ક ખાતે 3-1થી જીત મેળવી હતી, તેમાં બેકહામે 87મી મિનીટે બેન્ચ પરથી આવી 107મી કેપ મેળી, જેને પગલે તે ઇંગ્લેન્ડના ઇતિહાસમાં સૌથી વધુ કેપ મેળવનારો ત્રીજા ક્રમનો ખેલાડી બન્યો અને તેને બોબી ચાર્લ્ટનને પાછળ રાખી દીધો.11 ફેબ્રુઆરી, 2009ના રોજ, બેકહામે ઇંગ્લેન્ડના આઉટફિલ્ડ ખેલાડી તરીકે 108 કેપ મેળવી બોબી મૂરેના વિક્રમની બરાબરી કરી, જેમાં તે સ્પેન સામેની મૈત્રીપૂર્ણ મેચમાં સ્ટુઅર્ટ ડાઉનીંગના અવેજી ખેલાડી તરીકે રમવા આવ્યો હતો. 28 માર્ચ,2009ના રોજ, બેકહામે સ્લોવેકિયા સામેની મૈત્રીપૂર્ણ મેચમાં અવેજી તરીકે રમતા વેની રૂનીને ગોલ માટે સહાય કરીને મૂરેને વિક્રમમાં પાછળ રાખી દીધો હતો.

આંતરરાષ્ટ્રીય ગોલ

20 જૂન, 2009 સુધીમાં

1.	26 જૂન 1998	સ્ટેડે દે ગર્લેન્ડ, લ્યોન	કોલમ્બિયા	2–0	2–0	1998 ફિફા (FIFA) વિશ્વ કપ	http://www.fifa.com/worldcup/archive/edition=1013/results/matches/match=8770/report.html સંગ્રહિત ૨૦૧૦-૦૫-૧૬ ના રોજ વેબેક મશિન
2.	24 માર્ચ 2001	એન્ફિલ્ડ, લિવરપૂલ	ફીનલેંડ	2–1	2–1	ફિફા (FIFA) વિશ્વ કપ 2002ની ક્વોલિફાઇંગ	http://www.fifa.com/worldcup/archive/edition=4395/preliminaries/preliminary=3835/matches/match=19736/report.html સંગ્રહિત ૨૦૧૦-૦૨-૧૫ ના રોજ વેબેક મશિન
3.	25 મે 2001	પ્રાઇડ પાર્ક, ડર્બી	મેક્સિકો	3–0	4–0	મૈત્રીપૂર્ણ મેચ	http://www.thefa.com/England/MensSeniorTeam/Archive.aspx?x=779
4.	6 જૂન 2001	ઓલમ્પિક સ્ટેડિયમ, એથેન્સ	ગ્રીસ	2–0	2–0	ફિફા (FIFA) વિશ્વ કપ 2002 ક્વોલિફાઇંગ	http://www.fifa.com/worldcup/archive/edition=4395/preliminaries/preliminary=3835/matches/match=19742/report.html સંગ્રહિત ૨૦૧૦-૦૨-૧૦ ના રોજ વેબેક મશિન
5.	6 ઓક્ટોબર 2001	ઓલ્ટ ટ્રેફર્ડ, માન્ચેસ્ટર	ગ્રીસ	2–2	2–2	ફિફા (FIFA) વિશ્વ કપ 2002 ક્વોલિફાઇંગ	http://www.fifa.com/worldcup/archive/edition=4395/preliminaries/preliminary=3835/matches/match=19747/report.html સંગ્રહિત ૨૦૦૯-૦૯-૦૪ ના રોજ વેબેક મશિન
6.	10 નવેમ્બર 2001	ઓલ્ડ ટ્રેફર્ડ, માન્ચેસ્ટર	Sweden	1–0	1–1	મૈત્રીપૂર્ણ મેચ	http://www.thefa.com/England/MensSeniorTeam/Archive.aspx?x=785
7.	7 જૂન 2002	સેપ્પોરો ડોમ, સેપ્પોરો	આર્જેન્ટીના	1–0	1–0	2002 ફિફા (FIFA) વિશ્વ કપ	http://www.fifa.com/worldcup/archive/edition=4395/results/matches/match=43950023/report.html સંગ્રહિત ૨૦૦૯-૦૬-૨૯ ના રોજ વેબેક મશિન
8.	12 ઓક્ટોબર 2002	તેહેલ્ને પોલ, બ્રેટિસ્લાવા	ઢાંચો:Country data SVK	1–1	2–1	યુઇએફએ યુરો 2004 ક્વોલિફાઇંગ	http://www.thefa.com/England/MensSeniorTeam/Archive.aspx?x=797
9.	16 ઓક્ટોબર 2002	સેન્ટ મેરિઝ સ્ટેડિયમ, સાઉધમ્પ્ટન	મેસેડોનિયા	1–1	2–2	યુઇએફએ યુરો 2004 ક્વોલિફાઇંગ	http://www.thefa.com/England/MensSeniorTeam/Archive.aspx?x=798
10.	29 માર્ચ 2003	રહિનપાર્ક સ્ટેડિયોન, વેડૂઝ	લીચેસ્ટેઈન	2–0	2–0	યુઇએફએ યુરો 2004 ક્વોલિફાઇંગ	http://www.thefa.com/England/MensSeniorTeam/Archive.aspx?x=800
11.	2 એપ્રિલ 2003	સ્ટેડિયમ ઓફ લાઇટ, સન્ડરલેન્ડ	Turkey	2–0	2–0	યુઇએફએ યુરો 2004 ક્વોલિફાઇંગ	http://www.thefa.com/England/MensSeniorTeam/Archive.aspx?x=801
12.	20 ઓગસ્ટ 2003	પોર્ટમેન રોડ, ઇપ્સ્વીચ	ક્રોએશિયા	1–0	3–1	મૈત્રીપૂર્ણ મેચ	http://www.thefa.com/England/MensSeniorTeam/Archive.aspx?x=805
13.	6 સપ્ટેમ્બર 2003	ગ્રેડસ્કી, સ્કોપ્જે	મેસેડોનિયા	2–1	2–1	યુઇએફએ 2004 ક્વોલિફાઇંગ	http://www.thefa.com/England/MensSeniorTeam/Archive.aspx?x=806
14.	18 ઓગસ્ટ 2004	સેન્ટ જેમ્સ પાર્ક, ન્યૂકેસલ	Ukraine	1–0	3–0	મૈત્રીપૂર્ણ મેચ	http://www.thefa.com/England/MensSeniorTeam/Archive.aspx?x=818
15.	9 ઓક્ટોબર 2004	ઓલ્ડ ટ્રેફર્ડ, માન્ચેસ્ટર	Wales	2– 0	2–0	ફિફા (FIFA) વિશ્વ કપ 2006 ક્વોલિફાઇંગ	http://www.fifa.com/worldcup/archive/germany2006/preliminaries/preliminary=8071/matches/match=36621/report.html સંગ્રહિત ૨૦૦૯-૧૦-૧૩ ના રોજ વેબેક મશિન
16.	30 માર્ચ 2005	સેન્ટ જેમ્સ પાર્ક, ન્યૂકેસલ	અઝેરબીજાન	2– 0	2–0	ફિફા (FIFA) વિશ્વ કપ 2006 ક્વોલિફાઇંગ	http://www.fifa.com/worldcup/archive/germany2006/preliminaries/preliminary=8071/matches/match=36632/report.html સંગ્રહિત ૨૦૦૯-૧૦-૧૩ ના રોજ વેબેક મશિન
17.	25 જૂન 2006	ગોટ્ટિલીએબ-ડેઇમ્લેર-સ્ટેડિયન, સ્ટટ્ટગાર્ટ	ઈક્વેડોર	1–0	1–0	ફિફા (FIFA) વિશ્વ કપ 2006	http://www.fifa.com/worldcup/archive/germany2006/results/matches/match=97410051/report.html સંગ્રહિત ૨૦૧૦-૦૪-૦૫ ના રોજ વેબેક મશિન

પૂર્વ વ્યવસ્થાપક એલેક્સ ફર્ગ્યુસને જણાવ્યું હતું, "તે ચોક્સાઇ પ્રાપ્ત કરવા માટે શિસ્તતાથી અભ્યાસ કરતો, જેનો ખ્યાલ અન્ય ખેલાડીઓ બહુ રાખતા ન હતા." તેણે રીઅલ મેડ્રિડ ખાતે તેની દૈનિક તાલિમ જાળવી રાખી હતી અને સંચાલનમંડળ સાથે 2007ની શરૂઆતમાં તેના સંબંધો બગડ્યા બાદ પણ રીઅલ મેડ્રિડના અધ્યક્ષ રેમન કેલ્ડરોન અને વ્યવસ્થાપક ફેબિયો કેપેલ્લોએ ક્લબ પ્રત્યેના વ્યાવસાયિક અભિગમ અને પ્રતિબદ્ધતા જાળવી રાખવા બદલ તેના વખાણ કર્યા હતા. બેકહામ પ્રથમ અંગ્રેજ ખેલાડી હતો, જેને બે રેડ કાર્ડ આપવામાં આવ્યા હોય અને પ્રથમ અંગ્રેજ કેપ્ટન હતો, જેને બહાર મોકલી આપવામાં આવ્યો હોય. બેકહામને સૌથી કુખ્યાત રેડ કાર્ડ 1998 ફિફા (FIFA) વિશ્વ કપમાં આર્જેન્ટિના સામેની મેચ દરમિયાન મળ્યું હતું, જેમાં તેણે ડિએગો સાઇમને તેને ફાઉલ કરાવ્યા બાદ પગથી આર્જેન્ટિનના ખેલાડીને પાડી દીધો હતો. પેનલ્ટીઝને પગલે ઇંગ્લેન્ડનો એ મેચમાં પરાજય થયો અને બેકહામને જાહેર દુશ્મન ગણવામાં આવ્યો. રીઅલ મેડ્રિડ માટે તેને 41 યલો કાર્ડ અને ચાર રેડ કાર્ડ મળ્યા હતા.

ક્લબ

માન્ચેસ્ટર યુનાઇટેડ

• પ્રિમીયર લીગ: 1995–96, 1996–97, 1998–99, 1999–00, 2000–01, 2002–03
• એફએ કપ: 1996, 1999
• યુઇએફઇ ચેમ્પિયન્સ લીગ: 1998–99
• ઇન્ટરકોન્ટીનેન્ટલ કપ: 1999
• કમ્યુનિટી શીલ્ડ: 1993, 1994, 1996, 1997
• એફએ યુથ કપ: 1992

રીઅલ મેડ્રિડ

• લા લિગા: 2006–07
• સુપરકોપા દે એસ્પાના: 2003

વ્યક્તિગત

• પીએફએ પ્લેયર ઓફ ધી યર: 1996/97
• સર મેટ બસ્બી પ્લેયર ઓફ ધી યર: 1996/97
• ૧૯૯૮ ફિફા (FIFA) વિશ્વ કપ ટીમ ઓફ ધી ટુર્નામેન્ટ
• યુઇએફએ ક્લબ પ્લેયર ઓફ ધી યર: 1999
• બીબીસી સ્પોર્ટ્સ પર્સનાલિટી ઓફ ધી યર: 2001
• ફિફા (FIFA) 100
• ઇએસપીવાય એવોર્ડ - શ્રેષ્ઠ સોકર પુરૂષ ખેલાડી: 2004
• ઇએસપીવાય એવોર્ડ - શ્રેષ્ઠ એમએલએસ ખેલાડી: 2008
• ઇંગ્લીશ ફૂટબોલ હોલ ઓફ ફેમ: 2008

નિર્દેશો અને વિશેષ પુરસ્કારો

• ઓફિસર ઇન ધી ઓર્ડર ઓફ ધી બ્રિટીશ એમ્પાયર ક્વિન એલિઝાબેથ બીજા દ્વારા: 2003
• યુનાઇટેડ નેશન્સ ફન્ડ(યુનિસેફ ((UNICEF)) ગુડવિલ એમ્બેસેડર (2005–થી હાલ સુધી)
• "બ્રિટન્સ ગ્રેટેસ્ટ એમ્બેસેડર" - 100 ગ્રેટેસ્ટ બ્રિટન્સ એવોર્ડ્ઝ
• ધી સેલિબ્રિટી 100, ક્રમ 15 - ફોર્બ્સ, 2007
• યુકેમાં 40 વર્ષની નીચેની ઉંમરના 40 સૌથી વધુ પ્રભાવશાળીઓની યાદીમાં પ્રથમ ક્રમ - એરેના , 2007
• ટાઇમ 100: 2008

 

1997માં બેકહામે વિક્ટોરિયા એડમ્સ સાથે મુલાકાત કરવાની શરૂઆત કરી, તે અગાઉ તેણીએ માન્ચેસ્ટર યુનાઇટેડની મેચ જોવા આવી હતી. વિક્ટોરિયા તે સમયના વિશ્વના ટોચના પોપ ગ્રુપ સ્પાઇસ ગર્લ્સના પોપ મ્યુઝિક ગ્રુપની વિખ્યાત "પોશ સ્પાઇસ" તરીકે જાણીતી હતી અને તેની ટીમ પણ સફળતાના શીખરો સર કરી રહી હતી. આથી, તેમના વચ્ચેના સંબંધો ખૂબ ઝડપથી માધ્યમોમાં ચગ્યા હતા. આ જોડીને મિડીયા દ્વારા "પોશ એન્ડ બેક્સ"ના નામની ઓળખવામાં આવી હતી. તેણે 24 જાન્યુઆરી, 1998ના રોજ ઇંગ્લેન્ડના ચેસહન્ટ ખાતે આવેલા એક રેસ્ટોરામાં વિક્ટોરિયા સમક્ષ પ્રસ્તાવ મુક્યો હતો. તે 4 જૂલાઇ, 1999ના રોજ આયર્લેન્ડના લટરેલસ્ટોન કેસલ ખાતે એડમ્સ સાથે પરણ્યો અને તેણીનું નામ બદલાઇને વિક્યોરિયા બેકહામ થઇ ગયું. તેમના લગ્નને માધ્યમોમાં જંગી સ્થાન મળ્યું. બેકહામની ટીમનો સાથી ખેલાડી ગેરિ નેવિલ્લે બેસ્ટ મેન હતો અને આ જોડીનો તે સમયે ચાર મહિના નાનો પુત્ર બ્રુકલિન રીંગ બેરર હતો. મિડીયાને આ પ્રસંગથી દૂર રાખવામાં આવ્યું હતું, કેમકે બેકહામે OK! સાથે સોદો કર્યો હતો,જે મેગેઝિન હતું, પરંતુ સમાચારપત્રો તેઓના ગોલ્ડન થ્રોન્સ પર બેઠેલી તસવીરો મેળવવામાં સફળ થયા હતા. લગ્નના સમારંભ માટે 437 કર્મચારીઓ રાખવામાં આવ્યા હતા, જેનો કુલ ખર્ચ 5,00,000 પાઉન્ડ થયો હોવાનો અંદાજ છે.

1999માં, બેકહામે લંડનના ઉત્તરે હર્ટફોર્ડશાયરમાં તેમનું પ્રખ્યાત ઘર, બિનસત્તાવાર રીતે બેકીંગહામ પેલેસ તરીકે જાણીતું એવું ઘર ખરીદું. જેનું મૂલ્ય 7.5 મિલિયન પાઉન્ડ હોવાનો અંદાજ છે. ડેવિડ અને વિક્યોરિયાના ત્રણ સંતાનો હતા: બ્રુકલિન જોસેફ બેકહામ (ઇંગ્લેન્ડમાં લંડન ખાતે 4 માર્ચ, 1999ના રોજ જન્મ), રોમિયો જેમ્સ બેકહામ (ઇંગ્લેન્ડના લંડન ખાતે 1 સપ્ટેમ્બર, 2002ના રોજ જન્મ), અને ક્રૂઝ ડેવિડ બેકહામ (સ્પેનમાં મેડ્રિડ ખાતે 20 ફેબ્રુઆરી, 2005ના રોજ જન્મ ["ક્રૂઝ" શબ્દ એ "ક્રોસ" માટેનો સ્પેનીશ શબ્દ છે]) બ્રુકલિન અને રોમિયો બંનેના ગોડફાધર એલ્ટન જોહ્ન અને ગોડમધર એલિઝબેથ હર્લિ હતા. તેમણે જણાવ્યું હતું કે તેઓ હજુ વધુ બાળકો ઇચ્છે છે, જેમાં વિશેષરૂપે બાળકી. એપ્રિલ 2007માં કુટુંબે કેલિફોર્નિયાના બેવર્લિ હિલ્સ ખાતેના તેમનું નવું ઇટાલિયન વિલા ખરીદ્યું, જે સમયે પ્રાસંગિક રીતે જૂલાઇમાં બેકહામની લોસ એન્જલસ ગેલેક્સીમાં તબદીલી થઇ. 22 મિલિયન ડોલરનું મૂલ્ય ધરાવતું તેમનું મેન્શન ટોમ ક્રૂઝ તથા કેટિ હોમ્સ અને ટોક-શોના સંચાલક જે લેનોના ઘરોની નજીક છે અને તે શહેરને જોઇ શકાય તેવા ટેકરીવાળા સ્થળ પર આવેલું છે.

આડસંબંધોના આરોપો

એપ્રિલ 2004માં, બ્રિટનના ટેબ્લોઇડ ન્યૂઝ ઓફ ધી વર્લ્ડ માં તેના પૂર્વ વ્યક્તિગત મદદનીશ રેબેક્કા લૂઝ દ્વારા એવો દાવો કરવામાં આવ્યો કે લૂઝ અને બેકહામ વચ્ચે લગ્નેત્તર સંબંધો હતો. તેના એક સપ્તાહ બાદ, મલેશિયામાં જન્મેલી ઓસ્ટ્રેલિયન મોડેલ સરાહ મેરબેકે એવો દાવો કર્યો કે તે બેકહામ સાથે બે વખત સુતી હતી. બેકહામે બંને આરોપોને "હાસ્યાસ્પદ" ગણાવીને નકારી દીધા હતા. બેકહામ પર મુકવામાં આવેલા વિશ્વાસઘાતના આરોપો સાબિત કરવા માટે કોઇ સાબિતી ન હતી. ડબ્લ્યૂ મેગેઝિન ને આપેલી એક મુલાકાતમાં, વિક્ટોરિયા બેકહામે પત્રકારને જણાવ્યું હતું, "હું અસત્ય નહીં બોલું: તે ખરેખર ખૂબ ખરાબ સમય હતો. તે બાબત અમારા સમગ્ર કુટુંબ માટે અસહ્ય હતી. પરંતુ મને એવી અનુભૂતિ થઇ છે કે ઘણા લોકોએ ત્યાગ કરવો પડે છે.."

કાયદાકીય બાબતો

ડિસેમ્બર 2008માં, બેકહામ અને તેના અંગરક્ષક પર પારારાઝી ફોટોગ્રાફર એમિસલેસ દા માતા દ્વારા કેસ દાખલ કરવામાં આવ્યો, જેણે એવો આરોપ મુક્યો કે તે જ્યારે બેવર્લિ હિલ્સ ખાતે બેકહામની તસવીરો લઇ રહ્યો હતો ત્યારે તે બંને દ્વારા ગેરકાયદે શારીરિક હુમલો કરવામાં આવ્યો હતો. દા માતાએ હુમલો, બેટરી અને માનસિક શાંતિ પર ઇરાદપૂર્વક કરવામાં આવેલી અસર માટે અચોક્કસ નુક્શાન માટે વળતરની માગ કરી હતી.

 

બેકહામે પિચની બહાર પણ સારી એવી ખ્યાતિ પ્રાપ્ત કરી હતી; બહારના વિશ્વમાં તેનું નામ "કોકા-કોલા અને આઇબીએમ જેવી બહુરાષ્ટ્રીય કંપનીઓ જેટલું જ જાણીતું હતું." મ્યુઝિકલ ગ્રુપ, સ્પાઇસ ગર્લ્સનો એક ભાગ રહેલી વિક્ટોરિયા સાથેના બેકહામના સંબંધો અને લગ્નને કારણે ડેવિડની ખ્યાતિ ફૂટબોલ ઉપરાંત અન્ય ક્ષેત્રોમાં વિસ્તરી.

બેકહામ તેની વિવિધ ફેશન માટે જાણીતો હતો અને વિક્ટોરિયા સાથે મળતા તે બંને કપડાના ડિઝાઇનરો, હેલ્થ અને ફિટનેસના વિશેષજ્ઞો, ફેશન મેગેઝિન્સ, પર્ફ્યુમ અને કોસ્મેટિક્સના ઉત્પાદનકર્તાઓ, હેર સ્ટાઇલિસ્ટ્સ, કસરતના પ્રમોટરો અને સ્પા તથા રિક્રિએશન કંપનીઓ દ્વારા સતત માગમાં રહેતા હતા. તેનું એક તાજુ ઉદાહરણ આફ્ટર શેવ અને ફ્રેગરન્સના નવા ઉત્પાદનને ડેવિડ બેકહામ ઇન્સ્ટિંક્ટ તરીકે ઓળખવામાં આવ્યું. 2002માં બેકહામને "મેટ્રોસેક્સ્યુઅલ" તરીક ઓળખાવ્યો, જેણે આ પરિભાષાની શોધ કરી હતી અને ત્યાર બાદ અન્ય આર્ટિકલ્સમાં પણ તેમ જણાવવામાં આવ્યું.

2007માં, બેકહામને યુએસમાં ફ્રેગરન્સ લાઇનની રજૂઆત કરવા માટે 13.7 મિલિયન ડોલર ચૂકવાયા હોવાનું કહેવાય છે. ફેશન જગતમાં, ડેવિડ સંખ્યાબંધ મેગેઝિન્સમાં કવર પેજ પર ચમકી ચૂક્યા હતા. 2007માં, યુ.એસ. કવર્સે પુરૂષોના મેગેઝિન ડિટેઇલ્સમાં અને તેની પત્ની સાથે ઓગસ્ટ 2007ના ડબ્લ્યૂ ના ઇસ્યુમાં આવ્યા હતા.ગુગલના જણાવ્યા પ્રમાણે, 2003 અને 2004માં અન્ય કોઇ પણ રમતગમતના શિર્ષક કરતા "ડેવિડ બેકહામ"ને સૌથી વધુ સર્ચ કરવામાં આવ્યા હતા.12 જૂલાઇ, 2007ના રોજ, લોસ એન્જલસમાં તેમના આગમન સમયે, બેકહામના ઔપચારિક ઓળખ આપવાની આગલી રાતે લોસ એન્જલસ ઇન્ટરનેશનલ એરપોર્ટ પાપારાઝી અને ન્યૂઝ રિપોર્ટર્સથી ખીચોખીચ ભરાઇ ગયું હતું. તેની બીજી રાતે, વિક્યોરિયા એનબીસીના ધી ટૂનાઇટ શોમાં જે લિનો સાથે પ્રસ્તુત થઇ અને તેમના એલએ આવવાના પ્રયોજન અંગે વાત કરી તેમજ જર્સી પર તેમના પોતાના નામ સાથે 23 નંબરની ગેલેક્સી જર્સી લિનોને આપી. વિક્ટોરિયાએ તેમના એનબીસી ટીવી શો "વિક્ટોરિયા બેકહામ: કમિંગ ટુ અમેરિકા" અંગે પણ વાત કરી.

22 જૂલાઇએ મ્યુઝિયમ ઓફ કન્ટેમ્પરરી આર્ટ, લોસ એન્જલસ ખાતે આ દંપતિ માટે એક ભવ્ય ખાનગી વેલકમીંગ પાર્ટીનું આયોજન કરવામાં આવ્યું હતું. તેમાં સ્ટીવન સ્પિલબર્ગ, જિમ કેરી, જ્યોર્જ ક્લૂની, ટોમ ક્રૂઝ, કેટિ હોમ્સ, વિલ સ્મિથ, જેડા પિન્કેટ સ્મિથ અને ઓપ્રાહ વિન્ફ્રે જેવા એ-કક્ષાના સુપ્રસિદ્ધ લોકો હાજર રહ્યા હતા. બેકહામે ઘણા એન્ડોર્સમેન્ટ સોદાઓ કર્યા હતા, જેને પગલે તે સમગ્ર વિશ્વમાં સૌથી વધુ ઓળખાતો એથ્લેટ બની ગયો હતો. 31 ડિસેમ્બર, 2008ના રોજ, એવી જાહેરાત કરવામાં આવી કે પેપ્સી કંપની તેની સાથેના 10 વર્ષના જોડાણ બાદ એન્ડોર્સમેન્ટ સોદાનો અંત લાવી રહી છે.

બેકહામ માન્ચેસ્ટર યુનાઇટેડના દિવસોથી જ યુનિસેફને મદદ કરતો હતો અને જાન્યુઆરી 2005માં ઇંગ્લેન્ડની રાષ્ટ્રીય ટીમનો કેપ્ટન યુનિસેફના સ્પોર્ટ્સ ફોર ડેવલોપમેન્ટ પ્રોગ્રામ પર વિશેષ ધ્યાન સાથે ગુડવિલ એમ્બેસેડર બન્યો. 17 જાન્યુઆરી, 2007ના દિવસે, કેનેડામાં આવેલા ઓન્ટારિયોના હેમિલ્ટનના 19 વર્ષના એક કેન્સરના દર્દી, રેબેકા જાહ્નસ્ટોનેને બેકહામે અચાનક ફોન કર્યો. તેની વાતચીત બાદ, તેણે તેના હસ્તાક્ષર સાથે રિઅલ મેડ્રિડની જર્સી તેને મોકલી આપી. રેબેકા 29 જાન્યુઆરી, 2007ના રોજ મૃત્યુ પામ્યો. બેકહામ ન્યૂ યોર્ક શહેરમાં સ્થિત 2006માં શરૂ કરવામાં આવેલી બિન-નફાકારક સંસ્થા મલેરિયા નો મોરના પ્રવક્તા પણ છે.આફ્રિકામાં મલેરિયાને કારણે થતા મૃત્યુની સંખ્યામાં ઘટાડો કરવો એ મલેરિયા નો મોરનો ઉદ્દેશ છે. બેકહામ 2007માં ઓછા ખર્ચાળ બેડ નેટ્સની જાહેરાત કરતી એક જાહેર સેવાની જાહેરાતમાં પણ દેખાયો હતો. આ ટીવી સ્પોટ હાલમાં યુ.એસ.માં ફોક્સ નેટવર્ક્સ સહિત ફોક્સ સોકર ચેનલ પર દર્શાવવામાં આવે છે અને યુટ્યુબ પર પણ તેને જોઇ શકાય છે.

તે જ્યારે અગ્રણી લીગ સોકર સાથે જોડાયો, ત્યારે યુ.એસ.માં "MLS W.O.R.K.S." જેવા સખાવતી કાર્યો સાથે જાહેરમાં ઘણી વાર લોકોને સૂચનો કરતો જોવા મળ્યો હતો. 17 ઓગસ્ટ, 2007ના રોજ, તેણે અન્ય સાથી તથા પૂર્વ એમએલએસ ખેલાડીઓ સાથે મળી ન્યૂ યોર્ક શહેરના હાર્લેમ નેબરહુડ ખાતે યુથ ક્લિનીકનું આયોજન કર્યું હતું. ન્યૂ યોર્ક રેડ બુલ્સ સામેની ન્યૂ યોર્ક શહેરના વિસ્તારમાં રમાયેલી તેન પ્રથમ મેચના એક દિવસ પહેલા તેનું આયોજન કરાયું હતું. તે ટીમના જોઝી ઓલ્ટિડોર અન જૂઆન પાબ્લો એન્જલે પણ બેકહામની સાથે એફસી હાર્લેમ લાયન્સને લાભ માટે તકોની વંચિત લોકોને કૌશલ્ય શીખવવામાં ભાગ લીધો હતો.

બેન્ડ ઇટ લાઇક બેકહામ

બેકહામ 2002માં આવેલી ફિલ્મ બેન્ડ ઇટ લાઇક બેકહામ માં ક્યારેય વ્યક્તિગત રીતે દેખાયો ન હતો, પરંતુ તેના જૂના ફૂટેજ બતાવવામાં આવ્યા હતા. તે અને તેની પત્ની થોડા સમય માટે ફિલ્મમાં દેખાવા માગતા હતા, પરંતુ ભરચક કાર્યક્રમોને કારણે તે શક્ય ન બન્યું, આથી દિગ્દર્શકે તેના હમશકલનો ઉપયોગ કર્યો.

ધી ગોલ! ટ્રાઇલોજી

બેકહામે 2005માં રજૂ થયેલી ફિલ્મ ગોલ!: ધી ડ્રીમ બિગીન્સ માં ઝિનેદીન ઝિદેન અને રાઉલ સાથે નાનકડી ભૂમિકા ભજવી હતી. બેન્ડ ઇટ લાઇક બેકહામ માં તેનો અભિનય કરનાર હમશકલ એન્ડી હાર્મરે પણ બેકહામ તરીકે એક પાર્ટીના દ્રશ્યમાં અભિનય કર્યો હતો. બેકહામે પોતે અભિનય કર્યો હતો તે પછીની વાર્તા ગોલ! 2: લિવીંગ ધ ડ્રીમ્સ... માં મોટી ભૂમિકામાં કે જ્યારે ફિલ્મના અગ્રણી પાત્રને રીઅલ મેડ્રિડમાં તબદીલી મળે છે. આ સમયે વાર્તા રીઅલ મેડ્રિડની ટીમની આસપાસ ફરતી હતી અને બેકહામ ઉપરાત, વાસ્તવિકતામાં રીઅલ મેડ્રિડના ઘણા ખેલાડીઓ કાલ્પનિક પાત્રોની સાથે ફિલ્મમાં જોવા મળ્યા હતા. બેકહામની ભૂમિકા ગોલ! 3: ટેકીંગ ઓન ધી વર્લ્ડ માં જોવી મળી, જે સીધી ડીવીડી પર 15 જૂન, 2009ના રોજ રજૂ થઇ હતી.લોસ એન્જલસ, કેલિફોર્નિયા ગયા બાદ પણ, બેકહામે ફિલ્મમાં ભૂમિકા ભજવવા માટે એવું કહેતા કોઇ વ્યક્તિગત રસ દર્શાવ્યો ન હતો કે તે ખૂબ જ "મિજાજી" છે.

બેકહામ તેના ઇંગ્લેન્ડના કેપ્ટનકાળ દરમિયાન, 59 વખત ઇંગ્લેન્ડની આગેવાની કરી, જે ઇંગ્લેન્ડના ઇતિહાસમાં સૌથી વધારે છે. 2006ના ફિફા (FIFA) વિશ્વ કપના બીજા તબક્કામાં ઇક્વાડોર સામેના ફ્રિ કીકથી કરેલા ગોલ સાથે, બેકહામે ફૂટબોલની બે અનોખી ક્લબોમાં સ્થાન મેળવ્યું: તે એકમાત્ર અંગ્રેજ ખેલાડી અને રાષ્ટ્રીયતાને ધ્યાનમાં ન લેતા 21મો ખેલાડી બન્યો કે જેણે ત્રણ વિશ્વ કપમાં સ્કોર કર્યો હોય; રીઅલ મેડ્રિડના સાથી ખેલાડી, રાઉલે પણ થોડા દિવસો પહેલા આ સિદ્ધી હાંસલ કરી છે. વિશ્વ કપના ઇતિહાસમાં સીધી ફ્રિ કીકથી બે વાર ગોલ નોંધાવનારો તે ફક્ત પાંચમો ખેલાડી બની ગયો; અન્ય ચાર ખેલાડીઓમાં પેલે, રોબર્ટો રિવેલીનો, ટિઓફીલો ક્યુબિલ્લેસ અને બર્નાર્ડ ગેનઘીનીનો સમાવેશ થાય છે (બેકહામે આ રીતે અગાઉ 1998ના ફિફા (FIFA) વિશ્વ કપના પ્રથમ તબક્કામાં કોલમ્બિયા વિરૂદ્ધ ગોલ કર્યો હતો). આ ત્રણેય ગોલ દક્ષિણ અમેરિકન ટીમો સામે (કોલમ્બિયા, આર્જેન્ટિના અને ઇક્વાડોર) અને દાખલો બેસાડ્યો હતો (ઉપરોક્ત બે ગોલ ફ્રિ કીકથી અને એક પેનલ્ટીથી આર્જેન્ટિના સામે કર્યો હતો).

બેકહામે શરીર પર ઘણા ટેટૂઝ ચિતરાવ્યા હતા, જેમાં એક તેની પત્ની વિક્ટોરિયાના નામનું હતું જે હિન્દીમાં લખવામાં આવ્યું હતું, કેમકે બેકહામ એવું વિચારતા હતા કે તેને અંગ્રેજીમાં લખવાથી પૂરેપૂરુ સુકાશે નહીં. હિબ્રૂ ભાષામાં અન્ય ટેટૂઝમાં לדודי ודודי לי הרעה בשושנים લખવામાં આવ્યું હતું, જેનું ભાષાંતર "આઇ એમ માય બિલવ્ડ્સ, એન્ડ માય બિલવ્ડ્સ ઇઝ માઇન, થેટ શેફર્ડ્સ એમોંગ ધી લિલીઝ" થતું હતું. હિબ્રૂ બાઇબલ અને જાણીતી સત્યનિષ્ઠા માટેની જૂઇશ સ્તુતિના સોંગ ઓફ સોંગ્સમાંથી લેવામાં આવ્યું છે. બેકહામના સંખ્યાબંધ ટેટૂઝો, તેમની ડિઝાઇન અને તેની જગ્યાઓને કારણે "હેલ્ઝ એન્જલ બાઇકર" અને "ફૂટબોલ યોબ" જેવા દેખાતા હોવાથી ઘણા પ્રેસમાં તેમની ટીકા પણ કરવામાં આવતી હતી. લોકોની માન્યતાઓને કારણે તેમના માટે અન્ય લોકોને અગવડ ન થાય તે હેતુથી તે ફૂટબોલ રમતા સમયે ટેટૂઝ ઢંકાઇ જાય તે રીતે લાંબી બાઇના શર્ટ જ પહેરે છે.

બેકહામના ટેટૂઝનો ઘટનાક્રમ:

• એપ્રિલ 1999 - પીઠ પર પુત્ર બ્રુકલિનનું નામ
• એપ્રિલ 1999 - તેની પીઠ પર "Guardian Angel"
• 2000 - "વિક્યોરિયા" (હિન્દીમાં) ડાબા હાથ પર ડિઝાઇન
• એપ્રિલ 2002 - રોમન આંકડો VII (7) તેના ડાબા હાથ પર
• મે 2003 - લેટિન વાક્ય "Perfectio In Spiritu" , "Spiritual Perfection" માં ભાષાંતર, તેના જમણા હાથ પર
• મે 2003 - લેટિન વાક્ય "Ut Amem Et Foveam" , "So That I Love And Cherish", માં ભાષાંતર કરી તેના ડાબા હાથ પર
• 2003 - તેની પીઠ પર પુત્ર રોમિયોનું નામ
• 2003 - તેના જમણા ખભા પર ક્લાસિકલ આર્ટ ડિઝાઇન
• 2004 - તેના ગાળાના પાછળના ભાગે વિન્જ્ડ ક્રોસ
• 2004 - જમણા હાથ પર એન્જલ વિથ મોટ્ટો "ઇન ધી ફેસ ઓફ એડવર્સિટી"
• માર્ચ 2005 - પીઠ પર પુત્ર ક્રૂઝનું નામ
• જૂન 2006 - જમણા હાથ અને ખભા પર બીજી એન્જલ અને વાદળોનો ઉમેરો
• જાન્યુઆરી 2008 - ડાબા હાથ પર વિક્યોરિયાની છબી
• ફેબ્રુઆરી 2008 - ડાબા હાથ પર "ફોરએવર બાય યોર સાઇડ"
• 9 માર્ચ, 2008 ચોથો માળ, નંબર 8, કેમરોન રોડ, સિમ શા ત્સુઇ હોંગ કોંગ - એક ચાઇનીઝ કહેવત "Shēng sǐ yǒu mìng fù guì zaì tiān" (生死有命 富貴在天) ભાષાંતર કરીને "ડેથ એન્ડ લાઇફ આર ફેટેડ.રિસીસ એન્ડ ઓનર આર ગવર્ન્ડ બાય હેવન" ડાબા ધડથી, તેની ડીંટડીથી જંઘામૂળ સુધી પથરાયેલું.
• જૂલાઇ 2009 - "રિંગ ઓ' રોઝીસ" તેમના લગ્નની દસમી વર્ષગાંઠ નિમિત્તે તેમના ડાબા હાથ પર

બેકહામે તેના ઘણા ટેટૂઝ પાછળ બાધ્યતા મનોગ્રસ્તિ વિકારને કારણભૂત ગણાવ્યો હતો અને એવો દાવો કર્યો હતો કે તે સોયથી થતા દર્દના આદી બની ગયો હતો.

પુસ્તકો

• Beckham, David (2002). David Beckham: My Side. HarperCollinsWillow. (ISBN 0-00-715732-0).
• Beckham, David (2001). Beckham: My World. Hodder & Stoughton Ltd. (ISBN 0-340-79270-1).
• Beckham, David (2003). Beckham: Both Feet on the Ground. HarperCollins. (ISBN 0-06-057093-8).
• Crick, Michael (2003). The Boss -- The Many Sides of Alex Ferguson. Pocket Books. (ISBN 0-7434-2991-5).
• Ferguson, Alex (1999). Managing My Life -- My Autobiography. Hodder & Stoughton. (ISBN 0-340-72855-8).

ઇન્ટરનેટ

 

વિકિસૂક્તિ પર આ વિષયક 'સૂક્તિઓ' છે: ડેવિડ બેકહામ

 

વિકિમીડિયા કૉમન્સ પર ડેવિડ બેકહામ વિષયક વધુ દ્રશ્ય-શ્રાવ્ય માધ્યમો (Media) ઉપલબ્ધ છે.

• David Beckham – ફિફા સ્પર્ધા વિક્રમ
• ડેવિડ બેકહામની સત્તાવાર વેબસાઇટ
• ડેવિડ બેકહામ એકેડેમી સંગ્રહિત ૨૦૧૦-૦૩-૨૫ ના રોજ વેબેક મશિન
• la.galaxy.mlsnet.કોમ પર પ્રોફાઇલ સંગ્રહિત ૨૦૧૦-૦૧-૧૯ ના રોજ વેબેક મશિન
• acmilan.com પર પ્રોફાઇલ