ડિસેમ્બર ૧૪: તારીખ

આ દિવસ પછી વર્ષ પુરું થવામાં ૧૭ દિવસ બાકી રહે છે.

• ૫૫૭ – કોન્સ્ટેન્ટીનોપલ શહેરને ધરતીકંપથી ભારે નુકસાન થયું.
• ૧૭૫૧ – થેરેશિયન લશ્કરી અકાદમીની વિશ્વની પ્રથમ લશ્કરી અકાદમી તરીકે રચના થઈ.
• ૧૭૮૨ – મોન્ટગોલ્ફિયર બંધુઓએ ફ્રાન્સમાં માનવરહિત ગરમ હવાના ફુગ્ગાને ઉડાડવા માટેનું પ્રથમ પરીક્ષણ કર્યું; તેમણે લગભગ ૨ કિમી (૧.૧ માઈલ) અંતર કાપ્યું.
• ૧૮૧૯ – અલાબામા યુ.એસ.નું ૨૨મું રાજ્ય બન્યું.
• ૧૯૦૨ – ધ કોમર્શિયલ પેસિફીક કેબલ કંપનીએ સાન ફ્રાન્સિસ્કોથી હોનોલુલુ વચ્ચે,પ્રથમ પ્રશાંત ટેલિગ્રાફ તાર કેબલ પાથર્યો.
• ૧૯૦૩ – રાઈટ બંધુઓએ ઉત્તર કેરોલિનાના કિટ્ટી હૉક ખાતે પોતાના વિમાન ‘રાઈટ ફ્લાયર’ના ઉડ્યનનો પ્રથમ પ્રયાસ કર્યો.
• ૧૯૧૧ – રોઆલ્ડ આમુંડસન, પોતાના સહીત પાંચ લોકોની ટુકડી સાથે દક્ષિણ ધ્રુવ પર પહોંચનાર પ્રથમ માનવી બન્યા.
• ૧૯૩૯ – શીત યુદ્ધ: સોવિયેત યુનિયનને ફિનલેન્ડ પર આક્રમણ કરવા બદલ લીગ ઓફ નેશન્સમાંથી હાંકી કાઢવામાં આવ્યું.
• ૧૯૪૦ – પ્લુટોનિયમ (ખાસ કરીને Pu-૨૩૮) સૌ પ્રથમ બર્કલે, કેલિફોર્નિયા ખાતે અલગ પાડવામાં આવ્યું.
• ૧૯૪૬ – સંયુક્ત રાષ્ટ્રસંઘની સામાન્ય સભાએ પોતાનું વડુંમથક ન્યૂ યૉર્ક ખાતે સ્થાપવા વિશે મતદાન કર્યું.
• ૧૯૪૮ – થોમસ ટી. ગોલ્ડસ્મિથ જુનિયર અને એસ્ટલ રે માનને તેમના કેથોડ-રે ટ્યુબ મનોરંજન સાધન (એમ્યુઝમેન્ટ ડિવાઇસ) માટે પેટન્ટ અધિકાર આપવામાં આવ્યા. તે સૌથી પહેલી જ્ઞાત સહભાગી યાંત્રિક રમત (ઇન્ટરેક્ટિવ ઇલેક્ટ્રોનિક ગેમ) છે.
• ૧૯૫૫ – આલ્બેનિયા, ઑસ્ટ્રિયા, બલ્ગેરિયા, કમ્બોડીયા, સિલોન, ફીનલેંડ, હંગેરી, આયરલેંડ, ઈટલી, જોર્ડન, લાઓસ, લિબિયા, નેપાળ, પોર્ટુગલ, રોમાનિયા અને સ્પેન સંયુક્ત રાષ્ટ્ર સુરક્ષા પરિષદના ઠરાવ ૧૦૯ મારફતે સંયુક્ત રાષ્ટ્રસંઘમાં જોડાયા.
• ૧૯૫૮ – ત્રીજું સોવિયેત એન્ટાર્કટિક અભિયાન દુર્ગમ દક્ષિણ ધ્રુવ સુધી પહોંચનાર પ્રથમ અભિયાન બન્યું.
• ૧૯૬૧ – ટાંગાનિકા સંયુક્ત રાષ્ટ્રસંઘમાં જોડાયું.
• ૧૯૬૨ – નાસાનું મરીનર-૨ શુક્ર તરફ ઉડાન ભરનારૂં પ્રથમ અવકાશ યાન બન્યું.
• ૧૯૭૧ – બાંગ્લાદેશ મુક્તિ યુદ્ધ : પૂર્વ પાકિસ્તાનના ૨૦૦થી વધુ બુદ્ધિજીવીઓને પાકિસ્તાન આર્મી અને તેમના સ્થાનિક સાથીઓ દ્વારા મોતને ઘાટ ઉતારવામાં આવ્યા. (બાંગ્લાદેશમાં આ તારીખ ‘શહીદ બુદ્ધિજીવી દિવસ’ તરીકે ઉજવવામાં આવે છે.)
• ૧૯૯૪ – યાંગ્ત્ઝે નદી પર થ્રી ગોર્જીસ બંધનું બાંધકામ શરૂ કરાયું.
• ૨૦૦૩ – પાકિસ્તાની રાષ્ટ્રપતિ પરવેઝ મુશર્રફ હત્યાના પ્રયાસથી સહેજમાં બચી ગયા.
• ૨૦૦૪ – મિલ્લાઉ વાયડક્ટ, વિશ્વનો સૌથી ઊંચો પુલ ફ્રાન્સના મિલ્લાઉ નજીક ઔપચારિક રીતે ખુલ્લો મૂકવામાં આવ્યો.
• ૨૦૨૦ – દક્ષિણ પેસિફિક મહાસાગર, દક્ષિણ અમેરિકાના દક્ષિણ ભાગમાં અને દક્ષિણ એટલાન્ટિક મહાસાગરના કેટલાક ભાગોમાંથી સંપૂર્ણ સૂર્યગ્રહણ દેખાયું.

• ૧૯૧૮ – બી. કે. એસ. આયંગર, ભારતીય યોગ પ્રશિક્ષક અને લેખક, આયંગર યોગના સ્થાપક (અ. ૨૦૧૪)
• ૧૯૨૪ – રાજ કપૂર, ભારતીય અભિનેતા (અ. ૧૯૮૮)
• ૧૯૩૪ – શ્યામ બેનેગલ, ભારતીય દિગ્દર્શક અને પટકથા લેખક
• ૧૯૫૩ – વિજય અમૃતરાજ, ભારતીય ટેનિસ ખેલાડી
• ૧૯૭૯ – સમીરા રેડ્ડી, ભારતીય અભિનેત્રી
• ૨૦૦૦ – દીક્ષા ડાગર, ભારતીય વ્યાવસાયિક ગોલ્ફ ખેલાડી

• ૧૭૯૯ – જ્યોર્જ વોશિંગ્ટન, સંયુક્ત રાજ્ય અમેરિકાના પ્રથમ રાષ્ટ્ર પ્રમુખ, રાષ્ટ્રપિતા, બંધારણીય સભાના અધ્યક્ષ, સ્વાતંત્ર્ય સેનાની અને અમેરિકન ક્રાંતિ દરમિયાન સરસેનાપતિ (જ. ૧૭૩૨)
• ૧૯૭૧ – મુફઝલ હૈદર ચૌધરી, બાંગ્લાદેશી ભાષાશાસ્ત્રી અને વિદ્વાન (જ. ૧૯૨૬)
• ૧૯૭૧ – મુનીર ચૌધરી, બાંગ્લાદેશી લેખક, નાટ્યકાર અને વિવેચક (જ. ૧૯૨૫)
• ૨૦૧૩ – સી. એન. કરુણાકરન, ભારતીય ચિત્રકાર (જ. ૧૯૪૦)

• રાષ્ટ્રીય ઊર્જા સંરક્ષણ દિવસ (ભારત)
• શહિદ બુદ્ધિજીવી દિવસ – બાંગ્લાદેશ
• વિશ્વ વાનર દિવસ