Winkelsentrum: Kompleks van winkels
'n Winkelsentrum of winkelkompleks is 'n gebou of 'n reeks geboue waarin verskeie winkels gekonsentreer is.
Mense besoek winkelsentrums om aankope te doen, of net uit nuuskierigheid rond te drentel. Omdat so 'n winkelsentrum 'n verskeidenheid van winkels bevat, is dit gerieflik vir klante omdat hulle meestal alles wat hulle benodig op 'n enkele plek kan aanskaf.
.JPG)
Winkelsentrums kan uit slegs 'n paar klein winkeltjies bestaan, of massief groot wees. Winkels word deur gange met mekaar verbind sodat besoekers maklik van een winkel na 'n volgende kan beweeg. Vertoonvensters stal produkte uit om klante in te lok. Winkelsentrums beskik ook meestal oor 'n parkeerruimte vir die besoekers se motors.
Om klante te lok, adverteer baie winkelsentrums namens die winkels wat dit bevat. Om klante langer te laat vertoef, word daar soms rustige musiek gespeel, uitstallings gehou en ander vermaak gereël. Baie winkelsentrums beskik ook oor eetplekke en selfs rolprentteaters. Tydens die feesgety word winkelsentrums dikwels met skouspelagtige versierings opgemaak.
Geskiedenis
Winkels word al eeue lank in geboue gehuisves en is dus nie 'n onlangse verskynsel nie. Die Groot Basaar van Esfahan, wat grotendeels onderdak is, dateer uit die 10de eeu.
Burlington Arcade in Londen is in 1819 geopen. Die konsep word in 1828 na die VSA ingevoer. Italië volg in die jare 1860's en in die laat 19de en vroeë 20ste eeu word winkelsentrums in die meeste stede gebou.
Winkelsentrums in Suid-Afrika
Winkelsentrums kom reg oor Suid-Afrika en sy buurlande voor. Paar groot winkelsentrums in Suid-Afrika ter illustrasie:
- Menlyn Park
- Brooklyn Mall
- Centurion Mall
- China Mall
- Kolonnade winkelsentrum
- Silver Lakes
- Carltonsentrum
- Cresta
- Oriental Plaza
- Mall of Africa (Midrand)
- Eastgate
- Southgate
- Westgate
- Canal Walk
- Bayside Mall
- V&A Waterfront
- Gateway Theatre of Shopping
- Loch Logan Waterfront
- Mimosa Mall
- Beacon Bay winkelsentrum
- Vincent Park winkelsentrum
- Mdantsane City
Sien ook
Eksterne skakels
- Wiki Afrikaans
Wiki Commons het meer media in die kategorie Winkelsentrum.
This article uses material from the Wikipedia Afrikaans article Winkelsentrum, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.