St Bride Foundation
Die St Bride Foundation is in 1891 gestig as 'n maatskaplike, kulturele en ontspanningsentrum vir Londen se Fleet Street en die druk- en perswese wat daar gesetel was.
Die stigting se biblioteek dien as sy sentrale instelling. Met 50 000 werke oor drukwese, die mediabedryf, kommunikasie, tipografie, kalligrafie en grafiese ontwerpkuns, en 3 500 tydskrifte word dit as die grootste van sy soort op aarde beskou.
Baie van die stigting se historiese ruimtes staan oop vir die publiek, soos die Bridewell Hall en Salisbury Room. Alhoewel die stigting se skool, die Printing School, intussen na die Teems se suidoewer verplaas is, word historiese drukperse steeds in Fleet Street vertoon en vir opvoedkundige doeleindes gebruik. Twee teaters, die Bridewell Theatre en Lunchbox Theatre, bied vermaak wat in 'n breë gehoor se smaak val. Die Bridewell-kroeg is 'n gewilde plek vir konserte en huisves daarnaas 'n galery wat werke van kunstenaars en fotograwe vertoon.
Eksterne skakels
This article uses material from the Wikipedia Afrikaans article St Bride Foundation, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.