Onderneming Sigma
Sigma (Japannees: Kabushiki kaisha Shiguma 株式会社シグマ) is 'n Japannese familie-onderneming wat onder die wêreld se voorste vervaardigers van digitale kameras, objektiewe, flitsligte en ander fotografiese toebehore gereken word.
Sigma het internasionaal veral bekendheid verwerf as die wêreld se grootste onafhanklike vervaardiger van objektiewe.
| Sigma Corporation Kabushiki kaisha Shiguma 株式会社シグマ | |
  | |
| Tipe | Kabushiki kaisha (privaat aandelemaatskappy volgens Japannese reg) |
|---|---|
| Gestig | 9 September 1961 |
| Hoofkantoor | Asao-ku, Kawasaki, Kanagawa, Japan |
| Sleutelpersone | Kazuko Yamaki (hoof uitvoerende beampte) |
| Gebied bedien | wêreldwyd |
| Industrie | Fotobedryf |
| Produkte | Digitale kameras, objektiewe, flitsligte en ander fotografiese toebehore |
| Inkomste | 33,4 miljard ¥ (2014) |
| Werknemers | 1 135 (2014) |
| Dogter- maatskappye | Foveon |
| Webwerf | sigma-photo.co.jp |
Die onderneming is in 1961 in Setagaya deur Michihiro Yamaki gestig wat tot sy afsterwe in die ouderdom van 78 in 2012 as Sigma se hoof uitvoerende beampte gedien het. Sigma se produkte word uitsluitlik in die onderneming se Aizu-aanleg in Bandai in die Japannese prefektuur Fukushima vervaardig. Naas sy hoofkwartier in Kawasaki (prefektuur Kanagawa) het Sigma oorsese filiale in die Verenigde State, Hongkong, Singapoer, Duitsland, Frankryk, die Verenigde Koninkryk en Nederland.
This article uses material from the Wikipedia Afrikaans article Sigma (onderneming), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.