Rooilechwe

Die bok staan ook bekend as 'n basterwaterbok of lechwe.

Rooilechwe
'n Rooilechwe in die Moremi-Wildreservaat, Botswana.
Bewaringstatus
Veilig  (IUCN 3.1)
Wetenskaplike klassifikasie
Koninkryk:	Animalia
Filum:	Chordata
Klas:	Mammalia
Orde:	Artiodactyla
Familie:	Bovidae
Genus:	Kobus
Spesie:	K. leche
Binomiale naam
Kobus leche Gray, 1850
Subspesies
Kobus leche leche Kobus leche kafuensis Kobus leche robertsi Kobus leche smithemani
Verspreiding van die rooilechwe

Lechwes is middelslagbokke met 'n kenmerkende bou omdat die skouers laer as die kruis is. Die lyf loop dus skuins af na voor. Die bok is helder rooibruin en word al hoe ligter na onder terwyl die pens, keel en binnekante van die bene wit is. Teen die voorbene is kenmerkende donker strepe. Die hoewe is aangepas vir die nat omgewing; hulle is lank en gesprei.

Die bulle weeg tot 130 kg en die horinglengte is gemiddeld 70 cm, met 'n rekord van 88,9 cm. Die koeie weeg tot 97 kg en het nie horings nie. Die koeie se dratyd is 7 tot 8 maande met een lammetjie wat jaarliks gebore word.

Die boksoort is kuddediere met troppe wat tussen 15 tot 30 diere groot is. Die bulle is territoritaal tydens paartyd. Die bokke kan nie vinnig beweeg op droë grond nie en as gevaar dreig vlug hulle eerder die water in. Hulle natuurlike vyande is die jagluiperd en leeu.

•  
  'n Koei in die Okavangodelta, Botswana.
•  
  'n Bul in die Moremi-wildreservaat, Botswana.
•  
  'n Kalfie in die Okavangodelta, Botswana.
•  
  Twee vegtende bulle in die Okavangodelta, Botswana.

• Lys van Suider-Afrikaanse soogdiere
• Lys van Suider-Afrikaanse soogdiere volgens wetenskaplike name
• Suider-Afrikaanse soogdiere en hul ordes

• Die Soogdiergids van Suider-Afrika. Burger Cillié. 2009. ISBN 978-1-875093-46-5

• Wiki Afrikaans  Wiki Commons het meer media in die kategorie Rooilechwe.

•   Wikiwoordeboek het 'n inskrywing vir rooilechwe.

• Wiki Afrikaans  Wikispecies het meer inligting verwant aan Rooilechwe