Posseëls En Posgeskiedenis Van Die Oranje-Vrystaat

Die O.V.S. is formeel deur die Britse Kroon geannekseer en herdoop tot die Oranjerivierkolonie op 28 Mei 1900.

In 1910 het hierdie kolonie saam met die Kaap van Goeie Hoop, Natal en Transvaal die Unie van Suid-Afrika gevorm.

Die enigste ontwerp wat gebruik is, was 'n lemoenboom met die inskrywing "Oranje Vrij Staat" in die kantlyn. Die seëls is getipografeer deur De La Rue and Company, en is in denominasies van een pennie tot vyf sjielings, in verskillende kleure uitgereik. Periodieke tekorte het die gebruik van oordrukke genoodsaak, in 1877, 1881, 1882, 1888, 1890, 1892, 1896, en 1897. Die seëls van die republiek is oor die vandag algemeen te vinde, maar 'n paar van die oordrukke is as skaars geklassifiseer. Baie soorte oordrukfoute is bekend (omgekeerd, dubbel, ens.), en sommige van hulle behaal hoë pryse.

In 1900 het die Britte die Republiek beset en die vorige seëls is oorgedruk met "V.R.I." in dieselfde waarde as die oorspronklike seëls. Die kolonie is herdoop in Augustus 1900 en het toe Kaap van Goeie Hoop seëls gebruik wat oordruk is met die nuwe naam "ORANGE/RIVER/COLONY." In 1903 is 'n stel uitgereik met die uitbeelding van Koning Edward VII, 'n springbok en 'n swartwildebees. Hierdie stel is herdruk in 1905-09, en was die laaste stel van die kolonie.

'n Verskeidenheid van inkomsteseëls is uitgereik, beide vir die Oranje-Vrystaat en die Oranjerivierkolonie. Die Oranje-Vrystaat se inkomsteseëls was ook op posstukke gebruik.

• Orange Free State Study Circle
• Cape & Natal Study Circle Geargiveer 25 Junie 2017 op Wayback Machine
• The Philatelic Society for Greater Southern Africa Geargiveer 9 Februarie 2017 op Wayback Machine
• Stamp Domain Resource Page

  Hierdie artikel is ’n saadjie. Voel vry om Wikipedia te help deur dit uit te brei.