In die mediese vakterminologie verwys plasenta (ook moederkoek; Latyn: placenta, plat koek) na die nageboorte.
Dit is 'n sagte orgaan wat aan die wand van die swanger baarmoeder vasgeheg is en deur middel van die naelstring met die vrug saamhang. Dit vorm die verbinding tussen die vrug en die baarmoeder. Die uitwisseling van suurstof, voedingstowwe en stofwisselingsprodukte tussen moeder- en kinder-bloed vind hier plaas. Dit word ongeveer 'n halfuur na die kind gebore.
Moederkoekversperring verwys na die volledige skeiding wat daar in die moederkoek tussen die bloedsomloop van die moeder en die van die kind bestaan. Hierdie versperring is egter deurlaatbaar vir die verwekker van sifilis, vir baie gifstowwe, en vir 'n aantal hormone en antiliggame.
Nageboorteweë verwys na die weë wat na 'n pouse van 10 tot 15 minute na die geboorte van die kind optree en veroorsaak dat die moederkoek gebore word.
This article uses material from the Wikipedia Afrikaans article Plasenta, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.